احبك و لكن...💔( باللهجة الجزائرية)

😘

اسمحولي لبنات والله كنت لاتية بالقاطو ما كانش عندي الوقت باش نكتب نشالله مازالكم متحمسيات تقراو واش بقا من حكاية امير و نيليا

ريحت شوية في البيرو
انا:  يا خي غاشي تجي تفهمهم تحير جات تحوس عليه عندي واقيلا قالولها موافة نديه في جيبي بففف
بصح و كي رانا نهدرو تسما ربعة ايام ما بانش ؟؟. وين يكون راح ؟؟  و اصلا انا واش دخلني علاش مازالني نخمم عليه
سكت مدة بصح قلبي ما هنانيش 
رفدت تيليفون عيطت لطاطا سمية
طاطا: الو عسلامة بنتي واش راكي صافا
انا: صافا طاطا حمدالله و نتي
طاطا: والله يا بنتي رانا كيما يحب ربي و خلاص
انا: الحمدالله
طاطا: علاش ماكيش تجي كامل و لا خلاص وليتي مع امير نسيتيني
انا:  لالا طاطا كنت في دارنا
طاطا:  اااااه و ماماك راهي مليحة ؟؟ باباك؟؟
انا: الحمدالله يسلمو عليك
طاطا: سلمي نتي تان عليهم نيليا
بصح قوليلي كي عاد ماكنتيش هنا ؟! امير جا معاك !؟؟
انا:  لالا طاطا صراو بزاف عفايس ياك .......... حكيتلها لحكاية كيما كانت  تخلعت
طاطا: اوااااه هادي خدايم هديك اللفعة لي تدور بيه بالاك راو معاها
انا: لالا طاطا امير ما بانش من هداك نهار قوليلي ماجاش تم كامل صافي
طاطا: لالا نيليا من نهار خرج معاك ما عاودش بان زعما كاش ما صرالو ؟؟؟ يا يما على وليدي ؟؟؟ نيليا باباه مريض مالازمش يسمع  حوسيلي عليه
انا: خلاص طاطا ما تبكيش و ما تبينيلوش بلي كاش ما صرا دوك نشوف وين رايحة نلقاه 
كوبيت عيطت لنسيم غير هو لي يقدر يعاوني
انا: الو وي نسيم
نسيم:  وين كنتي يا لحمارة
انا: يا ودي لحكاية طويلة وين راك
نسيم: راني نستقهوا كيما مداري علاه؟؟ غير الخير؟؟؟
انا: خلاص كي نلحق نحكيلك
رحت نجري عند نسيم  كي لحقت عندو
نسيم:  واش بيك يا مصيبة غير الخير و الله قلقتيني
انا: واش من خير يجيك مني لي نعرف وليد عمك
نسيم: امير؟؟! واش دار تان  !!!
انا: وين راه عندو بزاف مابانش
نسيم:  اوووه على هادي باين يكون في كاش شخنة كيما عوايدو
شوفي نيليا  كي كنتي لهيه و كنتي تساقسي عليه قلنالك كامل بلي تبدل لالا
في هادي والله ما نقدر نعاونك ستناي حتى تبانلو و يعاود يجي
انا: ايه فهمت بلي تبدل علابالي بكلش بصح والله يا نسيم ماني قادرة نقعد و ما نظير والو قلبي ما هنانيش تعيش
نسيم: واش ندير نيليا انا نهار كنت معاه في الريسطو جا عندي قالي نسحقك غير بدا يهدر قالي راني حاصل ما عنديش شكون يعاوني نضتي رحتي جا موراك كي ولينا لطابلة فهم بلي توشيتي تيليفونو ناض قالي ني حاب نقعد وحدي من هاديك ما زدتش. شفتو  انا جيت جيت موراك باش نفهم نتي ما حبيتيش تفتحي الباب و حتى تيليفون ما حبيتيش ترفدي
انا: اسمحلي نسيم ياك تعرفني ماشي عليك و حكيتلو كامل لحكاية ....
كي دخلت للدار دوشت رڨدت ديراكت
نسيم:  شوفي نيليا انا نشوف مع صحابو واش يقولولي و من تم نشوفو واش نديرو اوكي
انا: مرسي عمري علابالي بلي نقدر نتكل عليك
و بدا نسيم يعيط لصحاب امير بالواحد  نسا و رجال ما كاين واالو كامل عندهم بزاف ملي شافوهش
انا: بالاك خرج كيما دار الخطرة لي فاتت
نسيم: دوك نعيط لواحد صاحبي يشوفلنا ويلا خرج
بصح والو قالو بلي من هديك الضربة ما خرجش
قلنا لازم نشوفو ف les hôpitaux بالاك دار accident 
من بعد كي لي ضربني بكف
انا: نسيم تعيش نتا روح لصبيطارات و انا نشوف في بلايص واحد اخرين  ويلا كاش جديد عيطلي اوكي
نسيم: خلاص نيليا روحي نتي تان ويلا كاش جديد عيطيلي ما تخلينيش نتقلق عليك تاني
رحت و خليتو يحوس هو في هادوك لجوايه انا تفكرت واحد الدار تاع عين طاية  هي  دار تاع خت امير. بصح جاية في بلاصة كالم و كنا انا و امير نجو هنا كي نكونو حابين نهربو من الغاشي
كي لحقت رفدت المفتاح وين موالف يخبيه دخلت لقيت. في حالة مرمي في الارض باين بلي. سكران لحقت عندو  خفت يكون مات كامل  شفتو مازالو يتنفس نوضتو ديتو للدوش ما بارد فطن عيطت لطاطا
انا: الو طاطا لقيتو راهو في عين طاية
طاطا: اوكي بنتي دوك نجو
انا: لالا طاطا ماكان لاه راني معاه و راهو في حالة ما يلزمش باباه يشوفو هاكا ما تخافيش غدوة نجيبو معايا كي نجي
وليت عندو كان مصحصح غاضني
انا: كيفاش وصلت لهاد الحالة امير
امير : نيليا عمري جيتي
كان علابالي بلي ما تخلينيش  محال تسمح نيليا ف امير
درتلو قهوة 
انا: امير شوف ما نكذبش  عليك tu m'as déçu هادو صوالح تديرهم نتا تشرب. حتى وين ترمي. روحك في الارض و ترقد

امير : نيليا مانيش بوعي دوك باش نهدر بصح كي. نصحصح عطيني une chance باش نحكيلك و ما نخسروش بعضانا
انا: خلاص امير انا كتر من واش عطيتلك ما نزيدلك حتى دقيقة من وقتي
امير:  ولا الوقت غالي علي انا  معليش. بصح ديري روحك في بلاصتي  لوكان نتي ما  ca serait pas bien لوكان نزيد نمدلك فرصة أخيرة
المهم خممت مع روحي و قلت الحاجة الاولى ما عنديش القوة باش  نقاوم دوك
الحاجة التانية صح لوكان جيت في بلاصتو نتمنا يمدلي فرصة نهدر معاه و نفهمو خير ملي نتفارقو بالاك على حاجة bete  و كبرتها برك و..و..و
و الحاجة الثالثة قاعدة قاعدة au moin  يهدر نجوزو الوقت
انا: خلاص بصح خليني نقولك كيفاش. تكون la discussion 
امير : كيفاش؟؟؟
انا:     je pose des questions مادابيك نتا  tu repond franchement خاطر هادي آخر فرصة عندك تفهمني و تتقرب مني
امير: كيما تحبي
انا: علاش؟؟؟ هنا عينيا خانوني و بديت نبكي
امير علاش درتلنا هاكا واش درتلك انا الحاجة لي تقدر تلومني عليها هي انو نحبك هادا ماكان
قرب لعندي حضني ما قدارتش نقاومو
امير: اسمحيلي اسمحيلي يا ربي نموت و ما نزيدش. انا نسببلك في دمعة وحد اخرى
انا:  repond
علاش درتلنا هاكا امير دمرتنا  اهدر قولي علاه
امير :  باش ما نكذبش عليك نهار رحتي دمرتي امير دمرتي حبنا دمرتيني وليت نكره روحي
صح كنت قادر نجي كنت قادر نوقف. معاك في هديك اللحظة بصح علاش ما درتش هاكا كنت حابك تتدمري تصرالك كيما صراتلي تضيعي  تتمناي الموت و ما تجيش نيليا هاكا كنت نحس هنا كنتي خاصتني كنت انا بنيت احلام ديالي كامل معاك و عليك بصح في دقيقة راح كلش  في دقيقة صفيت وحدي و جرجرت معايا بابا و يما وليت نشرب  alors que من قبل ما كنتش نحملو
انا: نبكي. نبكي نبكي  علاش كي وليت وليت ليا ؟؟؟ ولا برك بلش تنتاقم بش تدمرني كيما دمرتك
امير : ايه صح كنت حاب. ندمرك كنت حاب ننتاقم بصح نيليا كنت ما قدرتش محال انا  الريح لوكان يقيسك نيك الدنيا مهما واش كنت داير في راسي كامل شفتك تبدل كلش
انا: و سحر واش حكايتها ؟؟؟
امير:  تلاقيت بها في واحد la boite de nuit  في paris هدرة تجيب ختها قالتلي بلي عايشة في دزاير و جات هنا يامات برك و تولي و كي ولينا . و لينا نتلاقو مع الاول كنت حاب ننساك  من بعد كنت نروح عندها في الليل  (باين واش كانو يديروا) موراها لصقت  بصح كي ما قدرتش ننساك حبست معاها و كي سمعت بلي كملتي قرايا قلت باينة بلي رايحة تولي عاودت وليت معاها باش نهار تجي تلقايني. معاها ماشي وحدي
انا: ههه مليح
  تسما كنت تني**ها باش تنساني
و انا رحت قريت و وليت كنت حابة نهار نجي. ديراكت نحضنك و نقولك بلي خلاص ما نزيدش نخليك   و نتا كنت لاتي. اواه مليح والله

هنا عنقني زير عليا و ما خلانيش نبوجي
امير:  قوليلي قولي بلي ما تزيديش تبعدي  علي
انا: امير repond franchement لوكان انا لي درتلك هدة كيما هادي تسمحلي
سكت
انا: شفت صعيبة ياك
صح يا سيدي علاك وليت معايا في هدي المدة exacte
امير : شوفي نيليا صح صعيبة بصح نسامحك خاطر نحبك و نفهم بلي انا بالاك لي غلط ض في حقك و صح كنت مزروب باش. نولو كيفكيف
الاولى  parceque  نحبك و ما نقدر نحب حتى وحدة في حياتي كيما حبيتك نتي نتي كلشي عندي و اغلى شي و التانية سحر
انا: ههههه سحر واش بيها تان راح تقولي هي قاتلك ولي معاها
امير :  ايه
لبنات صح سحوركم و نشالله هاد البارت عجبكم غدوة نكتب واحد احر و الخلقة الاخيرة نشالله نهار العيد هههههه