احبك و لكن...💔( باللهجة الجزائرية)

بدايتي😎

من هنا كانت حياتنا رايحة تتغير 360°   و

هاذ التغيير زعما راخ اكون لمليح و لا لالا ؟؟؟

المهم جازت سمانة ملي حكينا انا و امير  و

قررت باش ما نخسرش كلش في الدنيا هاذي

على الاقل قرايتي خدمتي و مستقبلي ما

نلعبش بيهم رفدت تيليفون عيطت لصبرينة

انا: صبرينة عمري واش راكي صافا ؟؟ واش

اكي تديري

صبرينة :  والو اني قاعدة مع سهام و راهي

تشال عليك

انا : اااه  اوكي نتي تان سلمي عليها

صبرينة : و نتي واش اكي تديري ؟؟؟

انا : اناراني نوجد في كاباي نهار السبت نروح

ادا حبيتي ارواحي تباتي هنا عندي نطلعو

كيفكيف لدزاير

صبربنة  : اوكي دوك نعيط لايمن و نعاودلك

انا:  اوكي اني نستنا تعاوديلي  باي

ساعة من بعد

صبرينة : الو وي نيليا !

انا: وي حبيبي فريتيها

صبرينة :  اوكي خلاص غدوة نجي نجوزو

يومين كيفكيف و نهار  سبت نطلعو 

و كيما كان لحال غد من داك جات صبرينة

عندي تفوت معايا يومين و في اليل قعدنا

ڨصارين

صبرينة:  نقولك حاجة امير ولا ما يدخلش

لدار كامل و حتى يماه راي تلوم فيك ديما

مشاكل مع باباه و الله حرت تبدل بين نهار و

ليلة

انا: واش اكي حابتني ندير هو خيرني بصح

ما قدرتش نخيب ظن بابا و الله و اكي تعرفي

بلي نقطة ضعفي بابا و ماما ما عندهم حتى

واحد افرحهم من غيري و زعما في ميزك انا

راني فرحانة نروح وحدي و نخلي كلش

مورايا بصح الله غالب هدا واش كاتبنا

نعيشوه و خلاص
صبرينة:  ايه و زيد بزيادة لوكان هو كان حاب

يخرج يقرا تم يخرج ما يشاورك ما يشوف

فيك ديري لي يخرج عليك ويلا كتبلكم

تعاودو تتلاقاو تعاودو باذن الله

انا هدا وين تحطيت امام الامر الواقع

لي نحبو خسرتو والديا رايحة نبعد عليهم

صحتباتي و صحابي نخليهم مورايا

ني رايحة لبلاد وين انا غريبة فيه و

بعععععععييدة
بصح هكاك و تشجعت قلت خلاص لبكا خلاص تخمام خلاص كلش وقت نركز على روحي  و

قرايتي و نشالله فيها خير 

لحق نهار السبت طلعت انا و صبرينة جداتي

ماما بابا للمطار انا طريق كومبلي نبكي

ماما:  يا بنتي واش بيك علاش هاد الشي

كامل لي يشوفك اقول راكي رايحة لباكستان

باش تحاربي و نتي غير رايحة لماريكان باش

تكملي قرايتك و شهرين تدي كونچي و تجي

هيا بركاي

بابا : شوفي بنتي ويلا ماكيش حابة تروحي

ما تروحيش نولو للدار و خلاص لبكا

انا: لالا بابا نروح جوست حبيت نبكي

نشوف عند صبرينة و نقولها و انا نهدر بلعقل

انا:  كل يوم نهدرو اوكي و بلا ما نوصيك امير

ديري بالك عليه رح يسحقك بزاف هاد الوقت

و كل يوم نسقسيك عليه اوكي

صبرينة : روحي مهنية نتي برك stay focus

انا : اوكي حبيبتي  علابالي بلي نتكل عليك

لحقنا انا سجلت باڨاج ديالي و ستنيت وقت

الطيارة على 15سا  كي لحق وقتها  بقيتهم كامل بسلامة و وعدتهم بلي ررايحة نعيط ديما ركبت و رقدت حتى لحقنا

لالمانيا و عاودت بدلت طيارة ديراكت لمطار

سان دييغو الدولي  و كي لحقت لقيت بنت

عمتي تستنا فيا درت فوطو  حطيتها في

انستقرام تحت عنوان  (  لكل واحد منا بداية

إنشاءالله هذه بدايتي انا )

ماشالله عاجبكم تكملة غدوة إنشاءالله مع شخصيات جديدة و احداث جديده