Malgré ماكانش تفاعل نكمل لحكاية ********** *********** المهم باش نفهمكم انا نسكن في ولاية وحدة اخرى ماشي وين يسكن امير و صبرينة و نسيم يسكن في العاصمة mais مالصيف للصيف نتلاقاو و انا لي كنت نروح لدار جدي و كي ما عنديش مع من نقعد نروح عند صبرينة و كيما قلتلكم هوما يسكنو في دار وحدة لحقو يامات الباك فوتناه و الحمد اللجبتو و دارتلي جداتي ملكبار نحيت على خاطري و موراها بسمانة طلعت لدار جدي و هداك نهار كان وين صبرينة تدير une réception كي سمعت يماها بلي جيت جات تجري عرضتني قاتلي ديريلها surprise بالاكي ما تجيش لحقت الخمسة تاع لعشية دوشت درت ماك اب خفيف لبست و طلعت عندهم وكنت لابسة هكا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و كي لحقت حشمت ندخل لقيت دار معمرة قاعدة برا ندخل ما ندخلش حتى حسيت ب كاش واحد واقف مورايا قالي نيليا انا خزرت فيه يا يمااا واش داني نخزر داك زل يا ودي هبال قالي واش راكي ديري هنا ادخلي ما هدرتش معاه قالي واش بسك و انا لا حياة لمن تنادي شدني من يدي بدا يهدر و انا نخزر فيه حالة فمي كان امير mais في حياتي لشفتو شباب هكاك صح نعرفو شباب mais ماشي لهيك الدرجةl'essentiel و هنا لحقت المصيبة تاع صاحبتي قاتلي اغلقي فمك دوك يدخلو الذبان ههههههه و انا نخزر فيها تاع ليوم نقتلك نضت و هي صوتات علي تقولي عسلامة يا الكلبة وين كنتي الصيف كامل قلتلها يا لحمارة كنت نجوز في الباك تان نسيتيني يا الجحشة يا للي ما تتعاشرش قالي امير ايه صح كلشي مبروك ايا au moin تصلحو فلقراية نتي و هدي البهلولة هنا بدا الابداع تاع الشتائم هههههههههههه و صبرينة ميتة بالسعادة تباركلي حكمتني من يدي دخلتني للدار و داتني عند صحاباتها تاع اليسي و انا رفتني بيهم صبرينة: ليليا نور بتول فتون سارة ابتسام مروى هدي الكلبة البغلة المصفارة المكراشة الحمارة تاع صاحبتي لي هي و مع كل الاسف لانتيم هههههههه هنا نطقت وحد المرا كبيرة شوي اواه لالا ماتقوليش على مرت وليدي المستقبلية هكاك ايه هدي مامات امير ❤️ ويا شحال نحبها نشك خطرات فيها ملاك 😇😇 خزرت فيا صبرينا و قالتلها طاطا سمية من نيتك تقدري تجيبي حمارة كيما هادي لدارك انا سلمت عليها و هي عنقتني قاتلي يا بنتي شحال فرحت كي قالولي جبتي لباك avec mention جا امير و بدا يتمسكن امير: ماما وقيلا بدلتيني طاطا سمية: وعلاش ا وليدي غرت منها ايا ارواح نتا تان و هنا عنقتنا في زوج هو شدلي يدي وهي تقولي نشالله غير نتي لي تدخلي هاذ الدار و انا حشمت ما لقيت ما نقوللها جازت la réception bien قصرنا ضحكنا تمهبلنا شطحنا و صحابات صبرينة بداو اروحو و انا عيطتلي ماما نبع الحنان في الاتصال : واش يا طفلة و دوك نتي ما تجيش جيت نريبوندي نحاتلي خت صبرينة تيليفون و تحلل في ماما تخليني نبات و كي كملت الحكاية عطاتلي تيليفون قاتلي ليوم كي يايتة عندنا وبس رحت دوشت لبست بيجامتي كي خرجت ضربت طلة للتيليفون نلقا ميساج صبرينة : طلعي la terrasse رانا نستناو فيك درت سيشوار باش شعري ما نديهش نشمخ درتلو طوماطيشة و جيت خارجة طلعت la terrasse و نلقاهم كامل مجمعين و غير شافوني سكتو و نطقت خت صبرينة سهام : نتي ربك même bla maquillage و خارجة م دوش جاية هاكة زلة و انا هنا بدأت اتحول و وجهي يتلون ناض امير وقف حدايا شدني من يدي قالها ايا خلي مرتي الشابة tranquille شاف فيا شفت فيه غمزلي و انا وليت طوماطيشة ملحشمة و داني قعدت قدامو كامل تخلعو بداو اسقسيو واش كاين كاش ماكو مخبيين و انا نحلف بلي ما كاين والو و هنا جتءت الفكرة العبقرية تاع صاحبتي الخانزة هههه نلعبو action vérité و بيانسور الغش داير حالة طايحين علينا بles questionsو انا ما لقيت واش نقول غير ساكتة و امير يجاوبلهم مي قالهم. ما كاين والو بيناتنا غاضني الحال و تزير قلبي تمنيت لكان قال عكس هاد الشي المهم فات الصيف وجا وقت la reprise و انا و صاحبتي بعثونا نقراو في العاصمة نهار الاول داني papa و غير لحقنا عيتطتلي صبرينة تقولي بلي لحقت لalger و راهي تستنا فيا عند الباب تاع لافاك لحقني بابا عندها و غير شافتني الغولة صوتات علي كي الشادي انا كنت لابسة هكا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
سقسيتها مع من جات قالتلي مع امير و انا تبدل لوني قاتلي شبيك قلتلها نشالله يكون راح و نسمعو يعيطنيليا ماتوحشتيش راجلك ولا واقيلا نسيتيه خزرت فيه بفففففففف راجلي واقبلا سايبة هو ما فهم والو رخت و خليتهم في زوج
