احبك و لكن...💔( باللهجة الجزائرية)

الندم

نشالله هدا البارت تان يعجبكم الله غالب هدي

اول كرونيك نكتبها ومع لوقت نزيد نكتبلكم

بزاف قصص تاع صحاباتي ⁦❤️⁩⁦❤️⁩

نبداو على بركة الله 

**************    **************

فطنت على الستة تاع لعشية  لقيت صبرينة

خرجت شراتلنا ماكلة و كانت تكونيكتي

(عمري كانت تستنا فيا نوض باش نتعشاو

كيفكيف  شكون عندها وحدة كيما تاعي انا

حبيبتي  عمري ختي كلشي عندي ربي

اخليهالي 😇⁦❤️⁩)

تعشينا قصرنا حتى صونالها تيليفون خزرت

فيا بتقلاق و مخلط بالحشمة كوبات

انا: واش بيك ا لالا من وقتاش وليتي تحماري

و لا اصلا تحشمي كاش ماكي مخبية علي ياك

انا حبيبتك لي تحكيلها كلش  خزرت فيا

خافت تقولي عاود صونا التيليفون صوطيت

عليه انا الاولى ريبونديت في بلاصتها وهي

تسيي باش تنحلي التيليفون

انا: الو

؟؟:سلام  واش راكي صافا

انا: وي حمدالله بصح شكون

؟؟: كيفاش شكون من نيتك ياو ايمن بديتي

تمهبلي  واش اكي تديري ...... استنا انا ماشي

صبرينة

نخزر فيها تاع هدا لي كنت مخبياتو علي ياك .🤔🤣🤣

انا : مممممم اهيه هههههه

ايمن:  حبيت نسقسي على نيليا ...

انا: ايمن ههههههههههه انا نيليا ايهيه ديجا

ديت نيميرو و اك تعيطلها وهي تشوف في

تيليفون و تحشم هاد الشي كامل من مورايا

ياااك

ايمن :  شحال تخمامك راح بعيد حبيت

نسقسي عليك مقبيل تقلقت عليك و قاتلي

خليني نروح عندها وحدي ما حبيتش نزيد

نضغط عليك انا  دا مناك و نوميرو تاعك

ماعنديش قلتلها تمدهولي ما حبتش عطاتني

نوميرو تاعها ممممم  و الحشمة هدي لي راي

فيها علاه ههههه🤣🤣🤣 روحو روحو

حاسبيني  نرضع في صباعتيا

سكتني قالي بلعي فمك و سمعي واش حبيت

نقولك

انا : اوكي

ايمن: شوفي مقبيل عاود وليت لريسطورو

لقيت امير منرفي قعدت معاه مي يبانلي ما

كان فاهم في ربها والو  بانلي مشوكي كي

حكيتلو قالي دوك نعيطلها نفهمها بلي

خاطيني ما عيطلكش

انا:  نو ما عيطش بصح استنا انا كنت راقدة

دوك نشوف

لقيتو صح عيطلي مديت تيليفون لصبرينة

كملت حكات مع ايمن و انا عيطت لامير 

انا: الو وي صافا

امير: سلام مكان ما دخلك نورمالمو وصلولك

لخبر بلي خاطي لحكاية ودوكا تهالاي في

روحك

انا: سمحلي  علابالي بلي غلط في حقك بزاف

بصح كي شفتك تما ما قدرتش نتحكم في

روحي  اسمحلي الله يخليك .....

كوبالي في وجهي .😲😲 ستغفرت الله و

لازم نعرف شطون هدا لي تسبب في هدا

الشي و انا بزاف ندمانة على كامل واش قلت

لامير  نضت نبكي و جات صبرينة تحضن فيا

و تواسيني  و انا حالفة لازم  نلقا هدا لي راو

يبعتلي لي ميساج

هيا حبوباتي شوي تفاعل نزيد بارت في اليل

و نشالله عجبكم هدا و تكونو فضوليات

شكون هدا لي كسرلي راسي ب لي ميساج 😇😇😇