اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
كي وليت للدار استقهويت هدرت شوي مع لينا حكيتلها واش صرا لينا: حبيبي والله كتير عشقان يا الله يا ريت في حدا يعشقني الي هيك انا: نسيم كمان متل امير بالحب ما بيحب بيعشق لينا: والله ازا عن جد عشقني متل امير عشقانك رح اكلب ايدو هههه انا: مجنونة بتعمليها لينا: تسلملي الضحكة يالله حبيبي انا رح فوت نام بكرى بنحكي و بحبك كل يوم تضحكي ما في زعل اوكي انا: thanks bae you're the best نضت نشوف فلخزانة واش رايحة نلبس tellement ما كنتش حابة نخدم حتى حاجة ما عجبتني بففففف و كي كرهت روحي رفدت لبسة لبستها و تمكيجت خفوفي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و نضت باش نروح نخدم والله الحماس تاع الاول راحلي كامل علاجال امير ني حابة يا نولي معاه و نتهناو في زوج يا خلاص ما نديروش امل لبعضانة رافدة تيليفون و صونالي رفدت انا غير سمعت قال الو عقلت صوتو بصح لعبتها انا: وي شكون ؟؟ امير: ممممم هاديك هي زعما ما عقلتيش صوتي انا: نو ديزولي امير: بركاينا نيليا انا: والله ما عرفتك شكون ؟؟ امير: واحد تحبيه أنا: انا نحب غير روحي سمحلي غلط في نيميرو امير: اوكي مالا تهلاي بزاف في روحك و عندك الحق كامل واش قلتي و درتي تستاهلي واحد يعرف قيمتك واحد ما يسمحش فيك و فحبك انا: اااااه هدا نتا امير امير: ماعليش مليح كي نسيتيني لوكان برك ما فكرتكش و دعيلي نقدر ننساك انا تان بصح اعرفي بلي ادا كاش نهار سحقيتي اي حاجة راني هنا و ادا بدلتي رايك راني هنا تان انا:واش من راي نبدل ؟؟؟ الو كوبالي في وجهي بصح علابالي بلي كي كان يهدر معايا كان يبكي بحرقة و قعدت نهدر مع روحي (صح تبدلت لهاد الدرجة من وقتاش وليت ننتقم من وقتاش وليت نخبي المشاعر ديالي من وقتاش برد قلبي من جيهتو) قاعدة غير نخمم والله مخي راو حاب يدير pause صح عييت خدمة امير و زيادة وحدي و الله خطرات نحير حتى في روحي علاش و كيفاش مازالني عايشة المهم استغفرت و قلت خلاص نوض نخدم خيرلي ويلا زدت دقيقة هاكا رايحة نهبل زيادة على واش راني هبلت دوك (من قبل كان حب حياتي حبي الاول و او الاخير بلا شك و كان هو اولويتي في الحياة خاطارش كنت فارغة شغل و ما نقولش ما حبيتوش بصح من قبل كانت قرايتي و هو برك دوك مازالني نحبو نعشقو ماشي برك نحبو في قلبي راني مسامحاتو بصح ما نقدرش نقولو ما لازمش يآمن بلي كلشي يجيه بالساهل ما يزيدش يخمم حتى يدير حاجة كيما هادي و بهاد التخمام كامل لي رحت للشركة اليوم كان علابالي بلي ما عنديش حاجة مهمة في الخدمة بصح كمسؤولة لازم نروح باش نكون قدوة يتبعوني لي يخدمو معايا غير لحقت لقيت مرام وصلت و غير شافتني جات عندي مرام: نيليا بونجور صافا؟؟؟ انا: بونجور مرام صافا حمدالله و نتي؟؟ علابالي ما عندي والو اليوم بصح خلاص نضت و كرهت روحي في الدار جيت قلت نخمم في حاجة وحد اخرى و نسيي نلقى بالاك كاين شي خدمة نقدر نديرها تنسيني في الهم مرام: علله غير الخير واش كاين ؟؟ قولي بالاك نقدر نعاونك انا: لالا ما كاين والو غير شوي مشاكل شخصية ماشي في الخدمة بصح مرسي مرام كيلي عاونتيني شوفيلي حاجة نقدر نديرها شي خدمة ولا و ريزيرڥيلي في كياش ريسطورون شباب لثلاث عباد اوكي مرام: بلا مزية نيليا داكور دوك نشوف بصح قبل ما تدخلي كاينة واحدة جات تشوفك قلتلها ما شكيتش تجي قاتلي معليش نستنا الا جات الله ما برك سي نو نروح انا: شكون هادي ما قدرتيش تعرفيلي شكون ؟؟ مرام: والله ما قدرت قالتلي دوك تجي هي تعرفني قلت بالاك شخصي ماشي خدمة انا: راهي في البيرو؟؟ مرام: لالا راهي في لاصال 2 انا: خلاص نلحق البيرو نعيطلك دخليها اوكي دخلت البيرو وعيطت لمرام و دخلتلي لمرا واش نقولكم عندي ثلث سنين ما حكيتش معاها (كانت يمات امير) انا: طاطا سمية !!!! جات وقفت قدامي تعمرو عينيها بدموع عنقتني و زيرتني عندها طاطا: نيليا بنتي واش راكي انا: صافا صافا حمدااله و نتيا واش راكي لوكان قلتيلها لمرام تمدلك نوميرو ديالي كان ما طولتش و ما خليتكش تستناي طاطا: معليش بنتي ماكانش مشكل انا: اهيه طاطا خير ما جابك كاش ما كاين ؟؟ طاطا: لالا بنتي جيت نقولك اسمحيلي و بدات تبكي انا: على واش طاطا ما درتيلي والو حياتك كامل دايرتني كي بنتك علاه اكي تهدري هاكا؟؟ طاطا: شوفي بنتي ني حابة نهدر بصح اسمعيني حتى لاخر اوكي ما تهدريش انا: : اوكي طاطا نشالله ما يكون غير لخير. والله تقلقت نشالله يكون عجبكم البارت منبعد نكملها
