شاف فيا طويل ناض بلا ما يقولي حتى حاجة
راح لشومبرتو حط راسو رقد وانا حرت واش
ندير ما كنتش مخططة لهد ردة الفعل انا قلت
سور يفرح و هو لي ديما يفرح لفرحتي
رحت لصالدوبا دوشت جبدت بول و شورت
من عندو( جاوني كبار مي ماعليش
ههههههه ) درت حوايجي تغسلو و نشرتهم
رحت لشمبرتو
هداك المنظر واش نقولكم و هااااا عليا شحال
يغري طلعت لفراش هو كان راقد انا كنت
نمسحلو في شعرو و نهدرلو صوالح ما
خلانيش نقولهوملو كي كان نايض
انا: يا حبيبي ما تخليناش نخسرو بعضانا
تعرفني نحبك و مهما كان راح نبقى نحبك
وصبر علي شوي نكمل قرايتي و نجي علاش
اك تدير في روحك كامل هاد الشي
فتح عين وحدة خزر فيا فتحلي يدو باش
ندخل في صدرو دخلت بكل فرح و سرور
ههه زيرني عندو و حسيت بالامان ( جامي
تسمحو فواحد تحبوه مهما كان السبب ما
تديروش الغلطة لي درتها انا و ندمت ) و
رقدنت حتى لصباح هو ناض دايخ نخزر فيه
و نحس بغصة في قلبي جا باسني من جبيني
و حبط ما نعرف وين انا دخلت لدوش لي
فصال دو با دوشت لبست لحوايج تاع لبارح
و حبطت نحوس غليه لقيتو شفتو في
الجاردا رافد كاس تاع قهوة و غايس في
تخمامو انا تان رفدت كاس قهوةو رحت
عندو قعدت مقابلاتو
امير : حبيبي معليش نحكيو على البارح
انا: مادابيا انا تان مانيش حابة نروح و لحكاية مازالها تدور ...
امير : اااااااه اوكي تسما معولة معولة على
رواح هدي هيا؟؟؟!!!
انا : امير حكينا نو ؟.......
امير : نيليا شوفي البارح والله ما عرفت
واش داني شربت حسيت روحي نخسرك و
انا لي ملي كنت معاك كنت نسيي ترضاي علي
برك ما كنت فاهم والو و بالاك قتلك صوالح
ما يتقالوش اسمحيلي حبيبي الله يخليك
أنت تقرأ
احبك و لكن...💔( باللهجة الجزائرية)
Romanceهدي اول كرونيك نديرها و إنشاءالله تعجبكم بصح تفاعلوا max
