روحنا ل ريسطورو قاعدين كامل نتعشاو غير
امير ماكانشو رحت عند صبرينة خرجتها
معايا برا باش نهدر معاها و نسقسيها
انا: حبيبي نسقسيك وليد عمك وين راه
صبرينة: حتى دوك تفكرتي عندك حبيبتك
تحكي معاها نيليا علاش ما حكيتيليش
انا : كانت حاجة تخصني انا و زيد بزيادة
قلت نديرهالكم سوربريز و انت اكتر واحدة
ندير فيها ثقة في الدنيا هادي و نتي علابالك
بهاد شي والله ما كنت ناوية تفهموها هاكة
اسمحيلي عمري صح غلطت معاك في هاد
الشي و نتي لي ديما واقفة معايا (نهدر و
عينيا تعمرو بدموع ) تعرفي بلي حياتي كامل
و انا دايرتك كي ختي اسمحيلي ربي اخليك
كي شافتني في هاديك الحالة هي تان بكات و عنقتني
صبرينة: بلعي بلعي كلبة حمارة جحشة خانزة
علابالك بلي ما بيناتناش و ما تقدريش
تتصوري قداش فرحت كي رايحة تحقي
احلامك و نعرفك عمري قادرة عليها ربي
يكون في عونك و نشالله تحقي كامل احلاك
بالاكي برك تروحي تم و تنسايني هدا ماكان
نقتلك
انا: و ننسى ختي هبلتي واقيل جامي نديرها
تعرفيني ما ننكرش العشرة و دوك بركاي ما
ترحي في الهدرة قوليلي امير وين و روحي
رحي ماكلتك هههههههه
صبرينة: ههههههه و الله ما علابالي شتو كي
كونا في لاريسيبسيو وجهو ما يطمنش و من
تم ما زدت شتو بصح دوك نقول لايمن
اعيطلو و يشوف واش راو ايدير نرجعلك
بلخبر
انا : اوكي كبدة ....(انا مازال ما كملتش لهدرة
قالتلي هاي طونوبيلتو هاو جا )
ستنيناه لحق عندنا شمينا ريحة شراب خزرنا
في بعضانا انا و صبرينة حكمنا شوك جامي
في حياتي ايماجينيت اجي نهار نشوف امير
سكران 😲😱😱 انا قريب تقييت من
ريحتو ععععاق تعفن و ما كنتش حابة
اشوفوه والديه و والديا في هاديك الحالة
علابالي بلي تصرا مشكلة كبيرة وصيت
صبرينة تقولهم بلي راحو من جهة لبحر و هو
أنت تقرأ
احبك و لكن...💔( باللهجة الجزائرية)
Roman d'amourهدي اول كرونيك نديرها و إنشاءالله تعجبكم بصح تفاعلوا max
