احبك و لكن...💔( باللهجة الجزائرية)

⁦❤️⁩⁦❤️⁩

غد من داك نضت دوشت رحت نخدم  بصح ماشي كيما عوايدي ما نوضت لينا ما خرجت نجري ما ستقهويت و زيادة ما نضتش بكري
كي لحقت للشركة اصلا كنت عيانة بزاف tellement ما رقدتش مليح
انا: مرام تبعيني للبيرو
جات المخلوقة مورايا
مرام: وي نيليا غير الخير وجهك ما يبشرش بالخير
انا: ايه شوفيلي اي حاجة تقدري تلقايها على السيد امير كل شي كل صغيرة و كبيرة في حياتو اوكي
مرام : professionnel ou bien personnel
انا:  je veux tout savoir sur lui
مالازم تفوتك حتى حاجة عليه شكون هوما صحابو وين يفطر وين يسكن وين يدور ....
مرام : اوكي نيليا نشوف واش نقدر نلقالك عليه
انا: merci  بصح قبل قوليلي كاش ما عندي ليوم
مرام: سنييلي على دوسيوات باش نحطهم و شوفيلي هادو les cv حطوهوملي من DRH
و قالولك حددي موعد ديري فيه entretien معاهم
انا: قوليلهم يديرو نهار الاحد l'entretien ودوك نشوف les cv تاعهم لي يعجب cv تاعو نعيطلو
مرام: اوكي كاش ما نجيبلك ؟؟
انا: لالا ما عنديش نفس ناكل ولا نشرب صحيتي مرام ما تنسايش واش قتلك حوسي مليح و زربيلي شوي خلي كلش و حوسي اوكي
مرام : اوكي 🤔🤔
خرجت مرام
انا:  نهدر مع روحي كي المهبولة  وين يقدر يكون عيطت لصبرينة
انا: الو كبدي صافا
صبرينة : اوووووه حبيبة صافا حمدالله و نتي
انا: والله ماني مليحة بصح قوليلي وين راكي
صبرينة : علاه غير الخير ؟؟؟
انا: هكاك برك قوليلي وين راكي ؟؟
صبرينة : راني هنا في الدار رايحة نخرج  نشري صوالح للطفلة  ليوم l'anniversaire تاعها علاه نتي وينك ؟؟
انا : مديلي l'adresse  نجي نديكم انا و ماكان لاه تقوليلي ما نشقيش روحي اوكي
صبرينة:  تعرفي دار ايمن
انا: دالي براهيم  ياك
صبرينة : ايه
انا: اوكي واحد نص ساعة و نجي
صبرينة : خلاص نوجد و نعيط لامين باش ما يجيش و نستناك اوكي
انا: خلاص انا نفوت للدار نجيب صاحبتي و نجي
صبرينة : اياااه صاحبتك واحدة اخرى من غيري ؟؟
انا : هههههه ايه ليوم تتعرفي عليها والله مالاك كيما نتي ههه
صبرينة : ههههه اوكي مالا خلاص نستناكم و متشوقة نتعرف بيها
كوبينا عيطت لينا
انا: هاي حبيبي اسفة لانو ما فقيتك كنت تعبانة
لينا : ما في مشكل حياتي انت فين هلا
انا: هلا رح اخرج من الشركة فوت عندك و نروح عندنا موعد
لينا: في معنا احنا التنتين موعد شو عم تخبصي من ورايا
انا:  ههههه ما في شي بس عزمت صبرينة لحتى نتغدى سوى  رح اجي هلا انشالله تكوني on
لينا: اوكي حياتي انا اصلا لبست بس اتمكيج و بعدين فينا نروح
انا: تمام see you
لحقت لباب الدار صونيتلها باش تخرج و رحنا لدالي براهيم نرفدو صبرينة تلاقينا بعجوزتها برا
عجوزتها : ياااااااا نيليا بنتي  واش راكي
انا: طاطا صافا و نتي
هي : صافا تاع لكبار في لعمر شوي مرض شوي لعيا
انا : بلعقل برك طاطا  ما تعييش  روحك و تهلاي في صحتك
هي : نشالله بنتي  واش جابك عندنا
انا : والله جيت ندي صبرينة و نيليا يقضو و يجو
هي : اههه اوكي بنتي تفضلو ادخلو معايا
انا:  الخطرة الجاية نشالله اليوم والله اني مزروبة و اصلا مخلية لخدمة في النص
هي : مالا انا ندخل نعيطلها و تهلاو فرواحتيكم لبنات بصح اليوم اكي معروضة عندنا l'anniversaire تاع نيليا صغيرة 
انا: نشالله طاطا مرسي
كملت الهدرة نشوف نيليا صغيرة تجري عندي صوطات و رفدتها
نيليا: طاطا  cv
انا:حبيبة طاطا صافا ونتي
نيليا: الحمدالله
المهم رحنا كامل للمول شراو كامل واش يسحقو