احبك و لكن...💔( باللهجة الجزائرية)

⁦❤️⁩

قعد حداية و بدا يهدر كيما كنت نهدر مقبيلا معاه بصح دوك انا كنت نسمع في كلش فرغ قلبو و هو عمباتلو كنت راقدة
امير: يا عمري شحال شابة كي ترقدي تباني ملايكة  و اصلا نتي ملاك في حياتي غير نتي لي تقدري تفهميني تنصحيني و هادي حاجة باينة حكايتنا ماشي حكاية لبارح حكايتنا بدات عندها شحال و صح انا دمرت كلش انا لي خممت غير في روحي ما كانش علابالي بلي كي تولي هكا تصرا معايا كي كنت في ماريكان كنت صح نتوحشك بصح كنت نقول بلي ما عندي ما ندير ماكيش هنا بصح دوك كي وليتي ني نتوحشك كتر و كتر تعدبت بزاف باش نكون معاك و كي وليت معاك خسرنا كلش بالاك المكتوب راو يقول هاكا بالاك مكتوبك صح وحد اخر و يقولو بلي ويلا صح تخب كتش واحد لازم تضحي بكلش باش يفرح هو و بالاك هاد الهدرة لي راني نقولها دوك ما نقدرش نقولهالك و ني صاحية ما نقدرش نشوف في عينيك و نقولك واش راح نقولك دوك بصح كي راكي تقولي بلي خطيبي و...و...
و انا فهاد الوقت كامل كنت غير حابة نعنقو نقولو ما خطيبي ما والو درت كامل هاد الشي باش ننتاقم هدا ماكان بصح قلت لالا خليه يهدر يفرغ قلبو و نشوفو وين توصلنا علابالي نعرف امير ويلا عندو حاجة يقولها و هديك الحاجة تقيسني محال يقولهالي  قعدت هاكا غالقة عينيا نسمع فيه واش راو يهدر حتى قال
نيليا نوعدك بحاجة حبنا يبقى ديما نقي تبقاي حياتي عمري الانسانة الوحيدة لي نقدر نحبها لي كنت تمنيتها يمات ولادي و محال نبدلك نجبد روحي و نتي تهناي برك نشالله تعيشي حياتك هانية مع لي خيرتيه و نشالله يكون يعرف قيمتك جا يبوسني من خدي فتحت عينيا و بستو من شواربو ( و ها ربي شحال توحشتو كلمة نحبو قليلة في واش راني نحس بيه دوك)  كملنا البوسة هههههه نضت عنقتو كنت نشم في هديك الريحة لي كانت تديني لعالم واحد اخر
انا: امير من وقتاش تعرفني؟؟
امير: يبكي عندي بزااااااااف
انا: كاش خطرة شتني مع واحد آخر؟؟
امير: لالا
انا: كاش ما واحد كاش مرة قالك بلي نيليا تحب واحد اخر؟؟
امير: لالا
انا: و في ميزك رحت لماريكان جيت عندي 4 شهور خلاص بدلتك ؟؟
امير: واش راكي حابة نجاوبك دوك
انا: واش راك حاس ؟؟
امير: نهار قلتيلي عليه تدمرت قلت خلاص الوحيدة لي كنت نحبها راحت خطرة عاودت راحت من بين يدي  une deuxième fois
و ما كنتش قادر نتحمل المرة الثالثة قلت نجبد روحي و نخليك تتهناي في حياتك
انا: امير انا انا ايه نيليا راي قدامك نيليا لي حياتها كامل اسمها مربوط باسمك نيليا لي حياتها كامل ما حبت غير امير كنت ليا كلش امير كنت لهوا لي نتنفسو و علابالك نهار رحت لماريكان كنت نسقسي عليك ما كنتش حاباتك تضيع و كنت مستعدة نولي في اي وقت بصح نتا واش درت جيت رايح تبدلني زعما كاينة وحدة تقدر تحبها كيما حبيتني
امير:  لالا
نضت نخزر في عينيه لي كانو يبكو حطيت يدي في وجهو و بكل حنان
انا: امير انا نحبك و مانقدر نحب حتى واحد اصلا مانيش مستعدة نحب ولا نتعرف باي واحد
امير: واش معنتها نيليا فهميني واش راكي تهدري.
انا: حبيبي معنتها ماكش راح تتهنا مني بالخف
ناض هو تان و حط يديه فوق كتافي
امير : نيليا قلبي راو رايح يحبس فهميني هيا
انا: اميرحبيت نقولك و نخزر فيه ني حابة نشوف برك ردة الفعل ديالو بلي حكايتنا مازال ما خلاصتش واش اك حاب نزيد نقولك كتر
امير: وشنو؟؟؟ معنتها نولو كيفكيف؟؟ معنتها مازالكي صح تحبيني و ما قلتيليش هاكاك باش نزيد نتعدب كتر ؟؟
انا: ايييه مازالني نحبك و نحبك كتر من اللي فات و ايه نولو كيف كيف نيليا ما تقدرش بلا امير  و لالا ماشي باش تتعدب لي قتلك نحبك
جاعندي باسني مشوارب واحد البوسة ااااااااااااااااأاااااخ حلوة سكر  عنقني واحد التعنيقة تقول او خايفني نهرب هههههه حتى شبع مني تفكر
امير: و خطيبك؟؟
انا: هههههههه ما كانش كنت نلعبها برك مع واحد لامي ديالي
عنقني و رحنا لفراش تكسلنا كل واحد فينا كان يخزر في لاخر جبدني عندو باسني من راسي هاد الخطرة (باركونا من تسوفيج هههه)
و عنقني بقوة
امير: نيليا ما تزيديش تخليني والله ما نعرف كيفاش عشت هدو ثلث سنين بلا ببك تعيشي ما تزيديش تديريها ويت ما حبيتي تروحي نروحو كيف كيف و ما نخبو والو على بعضانا حتى لوكان تكون حاجة صغيرة باش ما يكونوش بيناتنا المشاكل أوكي!!!
انا: اوكي حبيبي ما يكون غير خاطرك
هبا دوك الحمى حبطت المهمة تمت لازم تروح لداركم
امير: ليوم حتى واحد ما يقدر اخرجني منا نقعد مع مرتي
انا: مرتك ماشي كامل مرتك
امير: خزر فيا واحد الخزرة تاع تحدي ايه ماشي مشكل دوك نفروها هو قالها انا هربت
انا نجري و هو يجري مورايا درت كامل شومبرا و دخلت للدوش غلقت الباب
انا: خلاص امير  والله تبعد سي نو نبات هنا
امير: يا عمري مسكينة نورمال باتي تم
انا: هيا حبيبي تعيش خليني نجي تم البرد هنا
و راني بشورت دوك نمرض
امير : خلاص حبيبي انا عندي سخاانة 😈😈 هيا انت ارواحي هنا انا ندخل ندوش
انا: اوكي حبيبي و مازال عندي شورت و تريكو ديالك عندي انا حليت الباب هيا ادخل تدوش حكملي يدي دخلني معاه للظوش بالبوس 😍😍
امير : هيا تدوشي تان سي نو تصرا الكارثة
عير لحقنا تحت الدوش دار الما البارد مع الاول كنت نخبط فيه بيدي لصدرو  من بعد هاداك البوس استسلمت ( ما يروحش تخمامكم بعيد هدا واش صرا ماكان ختى حاجة زيادة مسوفجات ياه هههههه)  تشمخت كامل و خرجت غلقت الباب باش ادوش و رحت جبتلو الشورت و تريكو  كي خرج ما لقانيش في الشومبرا
المهم نشالله عجبكم هاد البارت تان ⁦❤️⁩⁦❤️⁩ صح سحوركم  غدوة نشالله نكملو