كي قالي نحبك نيليا حسيت بحاجة anormale يعني حاجة في قلبي اي تقولي نيليا بالاكي ما تطيحيش ديراكت هاد الخطرة ما تقدريش تنوضي ويلا طحتي جبدت يدي منو sans faire attention امير: واش بيك نيليا كاش ما قلت ما عجبكش ولا كاش ما درت ما عجبكش ؟؟؟ انا: اه اه لالا علاه؟ امير: مصباح و راني نشوف فيك ماكيش مليحة ما حبيتيش تهدري معايا كي نتي كي الغاشي و دوك جبدتي يدك علي قوليلي كاش ما صرا ؟؟ انا: لالا حبيبي راني نسوق برك و جبدت يدي باش نحكم le volant هدا ماكان من وقتاش وليت تتوسوس مني سكت ما قال والو و انا كنت نخمم و نهدر مع روحي ( هدا السيد راح يهبلني راح يخرجني من عقلي) وصلتو لدارهم امير: لوكان ماشي بزاف بكري نقولك ايا تدخلي معايا انا: نو نو حبيبي اصلا كنت ناوية نجوز على طاطا لعشية بصح نتا سلم عليها اوكي امير،: اوكي حياتي يبلغ نشالله و نتلاقاو لعشية انا نجي نديك انا: لالا نتلاقاو تم انا نكمل خدمة عندي صالحة نفريها و نطلع للدار نوجد روحي امير: اوكي عمري بعتيلي l'adresse du restaurant كي تكوني واجدة تفاهما و رحت انا الشركة لحقت لبيرو عيطت لمرام انا: بونجور مرام مرام: بونجور نيليا صافا انا: والله الحمدالله و نتي مرام: الحمد الله انا: قوليلي جاو كامل؟؟ مرام: وي نيليا جاو راهم يستناو غير فيك انا: نشالله يعجبهم هاد le plan de travail لي وجدتو دخلت لقاعة الاجتماعات هدرتلهم على المشروع وريتلهم المخطط ديالي و وافقو عليه تسما حاجة تهنيت منها كملت الاجتماع و كامل واش عندي ف الشركة و وصيت مرام تريزيرفيلي طابلة في كاش ريسطورو شباب لزوج عيباد لعشية هادي و كيما كان الحال طلعت للدار دوشت لبست حوايجي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ددرت ماكياج خفيف
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
بعت لامير l'adresse و جا و وقت لعشا كامل كان غير يشوف تيليفون و نسمع يدخلو ميساجات حتى تقلقت انا: امير واش صرا و علاش ماكش ترفد على لي راهم يعيطولك امير: لالا خير خير كي نكون معاك يصوني تيليفون ما فهمتش شكيت ماهومش حابين يشوفونا كيفكيف هههه انا: هههههه (كيما تحب نعرفو نلعبو كامل) نخمم نخمم حتى نشوف نسيم جاي انا: اه نسيم !! امير: جابو ربي دقيقة و نولي حبيبي انا: خليه يلحق عندنا لالا؟؟ امير : لالا مانيش حابك تزيدي هم خدمتي لخدمتك نتي انا: اوكي مالا خد راحتك هو راح و انا نقول اووااااه امير لي نعرفو جامي يخبي علي حاجة تاع خدمة كيفاش ندير j'ai remarqué كي ناض خلا تيليفونو رفدتو و بديت نخنتش في نلق واحد مليار ميساج من عند سحر تقولو عمري وين درت راسك شفتها سمحت فيا نشالله تقدر تدير واش هدرنا و ما تضعفش قدامها انا شفت هادوك الميساجات رجلي فشلو نضت و خرجت ديراكت هو كان مورايا يعيطلي. و انا كي لي ما سمعتوش كامل طريق كامل و انا نبكي واش داني ندير فيه لامان علاش انا ديما هكا تصرالي واش درت في حياتي باش نتعاقب هكا لحقت للدار ما عرفتش كيفاش دخلت للدوش هاكاك بحوايجي دوشت بالما بارد و جيت نرڨد نسمع الباب والتليفون بصح درت روحي ما سمعت والو tellement بكيت بزاف ما قدرت نستوعب والو دوك كيفاش امير لي كان يآمن غير بحبي كان يعشق فيا غير انا ولا يخدع فيا و يكذب تان هادي ما نسمحلوش رقدت نضت صباح رحت قبالة الشركة عيطت لمرام انا: مرام تعيشي شوفيلي واش تلقي على شركة سي امير و سحر اوكي كلش حتى على العلاقة لي تجمعهم كيفاش تعرف عليها من وقتاش ..... مرام: اوكي نيليا انا: نشوفو يا سي امير هاد الحاجة لي راك مخبيها
