மாறனோ அதிர்ச்சியில் உறைந்து நின்றவன் அவள் தோள் தொட்டு உசுப்பியதிலேயே மனம் தெளிந்தான் .அவள் புறம் தடுமாற்றமாய் திரும்பியவன் "அது அது ..... எப்போ இருந்து லயா உனக்கு இப்டி தோணுது ?"என்க
அவளோ அசால்டாக "இப்போ தான் தோணுச்சு "என்க அவனோ நொந்துவிட்டான் .
அவன் மீண்டும் "அது இல்லடா எத்தனை மாசமா உனக்கு இப்டி என் மேல ஒரு எண்ணம் ?"என்று கேட்க
அவளோ பொறுமை இழந்தவள் "டேய்ய் ஒன்னு முடியும்னு சொல்லு இல்ல முடியாதுனு சொல்லு.இப்போ தான் தோணுச்சுனு சொல்றேன்ல "என்றவள் பின் நேற்று தன் தந்தை தன்னிடம் உரையாடியதை பற்றி கூறினாள் பின்"யோசுச்சு பாத்தேன் ஒத்து வரும்னு தோணுச்சு அதான் எதுக்கு மறச்சு வச்சுக்கிட்டுனு கேட்டுட்டேன் என்ன சொல்ற ?டைம் வேணுமா ? "என்க
அவனோ உடனே தான் காதலிக்கும் விஷயத்தை கூற துடித்த மனதை அடக்கியவன் அவளிடம் திரும்பி "நாளைக்கு சாயந்தரம் அஞ்சு மணிக்கு ரெடியாக இரு "என்க
அவளோ" ம்ம் சரி இளா "என்றவள் உள்ளே சென்றுவிட்டாள் .
அவள் செல்வதை பார்த்த இளமாரனின் கண்களில் இன்று காதலுடன் கூடிய ஏக்கமும் போட்டி போட்டது .மழையில் நனைந்ததையும் பொருட்படுத்தாமல் தன் வீட்டிற்குள் வந்தவன் தன் தம்பி எதையோ கூற வருவதையும் பொருட்படுத்தாமல் உள்ளே குளியலறைக்குள் சென்று உடைகளுடன் ஷவரில் நனைய துவங்கினான் .அவனிற்கு என்ன செய்வது என்ன சொல்வது மனம் என்ன எதிர்பார்க்கிறது என்று புரியவில்லை .எட்டு வருடங்களாய் நேசித்து வருகிறான் .
இந்த முறை அவளிடம் பேசும்முன் ராமனிடம் பேசி விட வேண்டும் என்று தான் நினைத்திருந்தான் எனில் இன்று அவள் வாய் வழியாகவே திருமணம் செய்து கொள்ளலாமா என்ற கேள்வியை கேட்டவனிற்கோ ஏதோ தயக்கம் வந்து ஒட்டிக்கொண்டது .அதிக நேரம் ஷவரில் நனைந்தவன் அதன் பின் உடையை மாட்டிக்கொண்டு கட்டிலில் வந்து அமர ராஜாவோ கேள்வியோடு அவன் முகத்தை நோக்கினான்.தம்பியிடம் எதையும் கூறாதவன் ஒரு புறம் சென்று படுத்துவிட ராஜாவோ அவனின் மனநிலை தெரியட்டும் என்று நினைத்து விட்டு விட்டான் .
YOU ARE READING
உன் அன்பில் சுகமாய் தொலைந்தேனடி(முடிவுற்றது)
Romanceஅவள் அன்பில் அவன் சுகமாய் தொலைந்த கதை
