واشرقت شمس الامل 💜 ما بعد الانتقام

الفصل ١٣

الفصل ١٣ رواية حبيب الروح 💜💜
في منزل ادهم
حور بصريخ : اااااه
ادهم وماجدة بفزع: في ايه مالك يا حور
ادهم سريعا: اطلبي الدكتور دي نبوبة فزع
وفعلا حدثت ماجدة الطبيب واستيقظ اسر وفاطمة وجميلة علي صوت هذا الصراخ
ووجدوا هذا المشهد ادهم يجلس بجانب حور يحاول تطمينها بكلامه وماجدة تحضنها بشدة
وللمرة الثانية يتمني ادهم ان يزرعها بين ضلوعه ويطمنها
اسر بدهشة: حور ايه الي جابك ومالك ايه الي حصل
فاطمة وجميلة وقد لمحوا نظرة الحب في عين ادهم لهذه الفتاة
فاطمة بخضة علي حور: مالك يا حبيبتي فيكي ايه
جميلة وقد اشفقت علي هذه الفتاة التي لم تعرفها وحزنت من اجلها فالبادي عليها انها عانت وبشدة
ثم حضر الطبيب
الطبيب بعد ان نامت حور في حضن ماجدة
عندها صدمة عصبية حادة ياريت ترتاح راحة تامة ومتتعرضش لاي ضغوط وحسسوها دايما انكوا جمبها
ثم رحل
اما ادهم قال بحزم: خلاص كل واحد يروح ينام
فاطمة: بس ازاي نسيبها لوحدها و
ادهم بجدية: احنا هنكون جمبها يا فاطمة اتفضلي انتي علشان كمان تكوني معها بكره لما تصحي
وافقت فاطمة وذهبوا جميعا إلي غرفهم
وماجدة ذهبت لكي تحضر لها كوب ليمون هادي بجانبها وتسقيه لها
اما ادهم قد جلس بجانبها وقال لها وهي نائمة لا تشعر بشئ من حولها وعد مني يا حور لأكون جمبك وسندك ومخليش حد يقربك تاني طول ما انا فيا نفس واجبلك حقك من الكلب ده ووعد الحور دين
*************************
نعود بألاحداث لقبل ايام وتحديدا اليوم الذي حدث لحور حادثة السيارة وهربت من منزل سرية
عادت سرية يومها من الخارج تغني وتدندن ودخلت إلي شقتها وجدت
سرية:يلهوي رامي ايه الي عمل فيك كده رد عليا ثم سندته بواسطة البواب ونقلته إلي المستشفي
رامي بتعب:اااه يدماغي يبت الكلب
سرية بغضب: هطلع عين ابوها وهجبها ولو فين وهجبلك حقك يا حبيبي بس هي عملت فيك كده ليه
رامي بتوتر: اااصل اصل حاولت بصراحه حاولت اعتدي عليها بس ضربتني علي طول ودفعت عن نفسها بشراسة وانا معملتش حاجة لان زي ما انتي عارفه اغمي عليا وهربت بنت الكلب
سرية بغضب:انت غبي ضيعت علينا كل حاجه حاجة زي كده تعملها وانا موجودة علشان الحيوانة دي متهربش
رامي بصدمة:انا افتكرتك هتزعقي وتثوري عليا
سرية بغل:مع اي حد اعمل كده إلا بنت رأفت دي كل ما اديها فوق دماغها ارتاح اكتر
وجلست هذه السيدة التي لا تعرف الله ولا تمتلك اي اخلاق عظانا الله تحقد علي حور وتتوعد لها
بااااك
*************************
اما عند ادهم بعد ان اطمئن علي حور وانها تنام في سلام وبجانبها والدته ذهب هو إلي وجهته فلا يعرف النوم لجفونه طريق ذهب إلي سيارته وقادها بأقصي سرعة وكأنه يطارد وحش قوي
ثم ذهب إلي منزل والد حور ودق الباب بشدة
سرية وهي تستيقظ بفزع: مين الي جاي الساعة ٤ الصبح طيب طيب يلا بتخبط
سرية بغضب:مين و ثم توقفت عن الحديث فجأة عندما وجدت ادهم امامها وهيأته مخيفة
ادهم بغضب والشر يتطاير من عينيه :غوري من وشي دلوقتي ابنك فيين
ثم دخل إلي الداخل ومجرد ما رأي رامي وهو يستيقظ لكي يري من الطارق بهذا الشكل حتي هجم عليه ووجه إليه العديد من اللكمات
ادهم بغضب:بقا تحاول تعمل كده في بنت يا حيوووان يا زبالة ايه متربتش خااالص انا هوريك الي عمرك ماشوفته هربيك من اول وجديد وبقي يضرب فيه بشدة
وكل هذا وسرية تشاهد كل هذا بفزع وتقف مثل الفأر المبلول لا تقوي علي الحديث حتي ذهبت ونادهت علي بواب مسكنها
الحقنا يعم طلعت الحقنا
صعد طلعت إليها
وعندما وجد هيأة ادهم خاف في نفسه ثم
طلعت:خلاص يبه هدي نفسك
ادهم ولم يكتفي بل شعر وكأنه يريد ان يضربه اكثر حتي يلقنه درس ان لا يستقوي علي من هم اضعف منه وكلما تذكر منظر حور وهي مثل الطفلة الخاءفة وترتجف وتصرخ بفزع تزيد ضرباته اكثر عنفا وعينيه يسودهما القسوة حتي فقد وعيه رامي من ضربه فيه
طلعت:خلاص يا بيه قلبك ابيض ونجح في ابعاده عنه
ادهم بقسوة:اما انتي بقا لولا انك واحدة ست انا كنت ربيتك كويس وقسم بالله لو حد فيكوا فكر يقرب لها تاني لاكون مديكوا علقة ضعف دي سااامعة قالها ادهم بزعيق
سرية وهي ترتجف:سسسامعة
ثم ذهب ادهم بغضب وقاد سيارته بسرعة جنونية من شدة الغضب
اما سرية: شيلو معايا يعم طلعت نعقم لي جروحه دي غبي وهيضيعنا كلنا
*************************
في صباح اليوم التالي🌤
استيقظت حور بفزع: ااانا فين
ماجدة:اهدي يا حبيبتي انتي هنا معايا
حور وقد هدأت عندما تذكرت انها معهم
اما ماجدة قد احتضنها؛ اهدي يحبيبتي انتي هنا معانا هقوم اعملك الفطار واشربي الليمون الي جمبك ده عملهولك من امبارح ده انتي يحبيبتي خاسه خالص
حور بصوت خفيض: شكرا يا ماما ماليش نفس
فاطمة وقد دخلت علي جملتها ثم اردفت بمرح: نعم نعم يا ست حور يعني ايه اومال مين هيفتح نفسي انا وجميلة ولا انا اروح الكلية اتنكد واجي وكمان مالقيش حد يهون عليا
ماجدة: يبنتي كفاية ازعاج تخصص دوشة
جميلة بمرح: طبعا هي بنتك يعني ولا هتغبي عليها اعرفك بقا بنفسي يا جميل انا جميلة وهحكيلك قصتي كلها انا اصلا فاضية وسمعت ان اسمك حور اسمك جميل وانتي قمر اوووي
حور بابتسامة متعبة: شكرا انتي الي قمر يجميلة
فاطمة: لا هنقعد نتعرف وجميلة وحور ومش عارفه ايه سبكوا بقا من جو الرسميات ده احنا عايزين نبقا اجمل فريندز ونأخد معانا البت جني اصلها دخلت قلبي البت دي كده
حور بابتسامة:وحشتني اوي
فاطمة بمرح : سيبك بقا منهم كلهم ومن فطار ماما والكلام ده وتعالي احكيلك الرواية الي انا بقرأها بتتكلم عن ايه
ماجدة: مش بقولك وحشك شبشبي
وجلسوا جميعا يضحكون ولكن حور كانت تبتسم فقط لان احداث امس والايام الماضية اثرت عليها وبشدة
اما في غرفة ادهم كان مستيقظ فهو لم ينام الليل خشية من ان تأتي نوبة الفزع لصغيرته مرة ثانية فهو غرفته بجانب غرفتهم
ثم نزل إلي الاسفل وشرب فنجان قهوة
اما في الفطار
ماجدة: يلا يا ادهم تعالي افطر حد يشرب قهوة علي الصبح من غير فطار
ادهم:حاضر ثم اردف صباح الخير يا حور نمتي كويس وعاملة ايه انهاردة
حور بابتسامة: الحمد الله صباح النور شكرا اوي يا ادهموعاملة ايه انهاردة
حور بابتسامة: الحمد الله صباح النور شكرا اوي يا ادهم
ثم اردف اسر بمرح: ومفيش صباح النور يا اسر
نكزه ادهم بغيظ: رخم
اسر وهو يكتم ضحكوته: انا عملت حاجه
ثم جلسوا يتناولون الفطار ثم اتجه كل واحد الي واجهته وجلست حور مع ماجدة وجميلة يتحدثون في امور عدة
*************************
اما عند سرية
سرية بغيظ: هربت وجيه واحد من طرفها ضرب رامي جامد وهددنا لو عملنلها حاجة
سمير بصدمة:ايه كده ضاعت علينا المصلحة
سرية بحقد: معلش خيرها في غيرها
*************************
اما ادهم فقد انهي عمله وذهب إلي المنزل وعلي الرغم من حزنه علي ما حدث لحور في منزل ابيها إلا انه كان سعيد انها امامه
ادهم وبينما كان ذاهب إلي غرفته وجد الباب يطرق
ولم يكن احد بجانبه فذهب هو ليعرف من الطارق
ادهم عندما فتح الباب اردف بفزع:
*************************
انتهي البارت ياتري ادهم شاف ايه. رايكم يهمني وكالعادة بقول لو سمحتوا مش عايزة تم ملهاش معني والله يهمني رايكم 💜💜