الفصل 24
لا إله إلا أنت سبحانك إني كنت من الظالمين
اللهم إني أسألك من الخير كله عاجله واجله ما علمت منه وما لم اعلم وأعوذ بك من الشر كله عاجله واجله ما علمت منه وما لم اعلم
اللهم صلي وسلم وزد وبارك على سيدنا محمد وعلى اله وصحبه اجمعين
اعوذ بكلمات الله التامات من شر ما خلق 💜💜
*************************
في منزل ادهم وحور
ادهم بحب: اتفضلي يا حور نورتي بيتك
حور بابتسامة جميلة: شكرا يا ادهم
ادهم بمشاكسة: عايزة اكل من ايدك ولا انتي مبتعرفيش تطبخي
حور بغضب طفولي: ده انا اكلي جميل خالص
ادهم بضحك: ربنا يستر مبحبش الي بيشكر في اكله
حور بغيظ: ماشي يا ادهم
*************************
اما عند بدرية وحناوي
بدرية:ليكي وحشا يا بت يا زوزو وانت يا قدري
قدري:تسلمي يا بدرية ادينا ماسكين الشغل هنا
حناوي:متنسيش اننا عايزين نرجع قبل النهار احنا ادنلكوا البنات اهم شوفوا شغلكم
قدري: لا جدع يا حناوي
*************************
اما عند اسر وجني
جني بصريخ: ااعا نزلني يا اسر الله يخربيت عمو بتاع اللعبة ده نزلوني
جميع من بالملاهي كانوا يضحكون علي هذه الطفلة
اسر بضحك شديد: يبنتي اقعدي بقا مش عارف انا اومال مين الي بيفضل يقول عايزة اروح الملاهي يا اسر فسحني يا اسر الاهتمام مبيطلبش يا اسر لما كرهت اسمي
جني وهي تحتضنه: ااعا انا خايفة هموت
اسر بخبث: احسن علشان متقوليش نروح الملاهي تاني
ثم توقفت اللعبة
جني وهي تأخذ نفسها: الحمدلله لسه عايشة منك لله يا اسر
اسر بضحك: طفلة والله وقصيرة
جني بغيظ: انا مش طفلة ومش قصيرة انت الي طويل وبنسبالك الكل قصير وصغير شبه الباب كده
اسر بخبث: اومال كنتي يعني خايفة ليه وماسكة فيا الي يشوفك كده ميشوفش لسانك الطويل ده
جني بخجل: انا اسفة بس بخاف من اللعبة دي
اسر بحب: انا بهزر معاكي وخلاص يا ستي مش هنلعبها تاني تعالي نأكل ايس كريم
جني بفرحة: هيه يلا بسرعة
اسر بضحك: يلا
*************************
اما عند شرين في منزلها كانت تجلس والغضب يتطاير من عينيها: بقا انا يمشيني بالمنظر ده واطرد كده
والدتها بتعب:شرين
شرين بحب وحنان لا يظهر إلا لوالدتها: نعم يا قلبي اعملك حاجة
والدتها وتدعي سميرة اردفت بتعب:انا عرفت كل حاجة بتعمليها الواد جارنا الي كان بيحبك زمان قالي علي كل عمايلك انا خليتو يراقبك ليه عملتي كده يا بنتي ليه كسرتيني ناقصك ايه علشان تخوني الامانة في شغلك وتمشي وراه الشيطان الي اسمه بدر ده
شرين بصدمة ودموع: اااانا
سميرة بدموع:يا خسارة يا شرين يا خسارة قلبي وربي
شرين بصراخ: لا ارضي عني ابوس إيدك واوعي تسبيني وانا هتوب وعد مني ليكي هتوب بس ارضي عني ابوس إيدك
والدتها وهي تلتقط انفاسها الاخيرة: ثم مسحتها دموعها قلبي راضي عنك يا بنت بطني بس توبي مالناش غيره يا بنتي مالناش غير ربنا انا هسيبك محدش بيدوم لحد مش حابه اسيبك في نار توبي يا شرين ثم قالت لها سبيني يا شرين شوية مع نفسي ثم اطلقت الشهادتين في سرها اشهد ان لا إله إلا الله واشهد ان محمد رسول الله
شرين وهي لا تعلم ما تقول والدتها ثم بعدها وجدتها ساكنة
شرين بدموع وفزع:لا ماما انتي عاملة كده ليه ثم اردفت بفزع: ماما
*************************
اما عند رامي ابن سرية
كان يجلس وهو يأخذ السموم ويتناولها بإدمان نعم فهو اصبح مدمن
رامي بصراخ:هاتلي الجرعة بسرعة
احد اصدقاء السوء: خد بس كله بتمنه اه
جلسوا يأخذون هذه السموم ولكن الله رقيب عليهم وعلي اعمالهم ولكن الله يمهل ولا يهمل رامي اردف بحزن والدموع في عينيه:حاضر
الا ياولا يا رامي امك مبتسألش فيك
رامي بتعب وعينيه حمراء: سرية هانم دي لوحدها دايما عمرها ما اهتمت بأبنها
*************************
اما عند ادهم وحور
قد رجع بالمساء من عمله دخل منزله وجد حور نائمة وتشاهد توم وجيري ابتسم ادهم عليها ثم حملها لكي تنام مكانها
حور بنعاس:سبني انام ولا انا بمشي وانا نايمة ولا بطير ولا ايه
ادهم وهو يضحك عليها:نامي يا حور
حور بنعاس ونوم وهي لا تدري ما تقول :نام جمبي انا بخاف او هات عمار
ادهم بحب وحزن:حاضر يا حبيبتي هنام جمبك ثم احتضنها وذهب في سبات عميق
اما اليوم الثاني
في عمل ادهم
احد السيدات ببكاء:بالله عليك يا بني البت اتخطفت ودي صغيرة دي يدوب 11سنة رجعهالي
احد العساكر بملل:يا ستي حاضر والله عملنا محضر وحاضر هنعمل الي علينا
جاء ادهم وعندما راه العسكري القاه عليه التحية:تمام يا فندم
ادهم بصرامة:الست دي بتعيط ليه وايه الي حصل
الست ببكاء: حفيدتي كانت بتجيب حاجة من الشارع الي ورانا وعده يومين ومرجعتش الحقنا يا بني بالله عليك امها ميتة من العياط عليها
ادهم بحنان:حاضر يا امي اوعدك هتبقي عندكم في اسرع وقت بس قوليلي نزلت في شارع اسمه ايه والمكان ده فين بظبط؟
السيدة وهي تجفف دموعها انا اقولك يا بني......................
ادهم وقد تذكر فجأة شئ فهذا الشارع بنفس المواصفات التي قالتلها له جميلة
فلاش باك
ادهم بجدية:انتي قولتي ان الناس دول كانوا خاطفينك وعايزينك تشتغلي في حاجات مشبوهة مكانهم فين؟
جميلة بتعب وتوهان : المكان كان في شارع......... بس هما دلوقتي مش هناك لان سمعتهم بيقولو انهم هسيبو المكان ده ويسافرو يعملو شغل في مكان تاني وهيشغلو البنات الي خطفنهم في المكان الي هيسافرو له بس هيرجعوا تاني بعد شهر
ادهم بترقب:متعرفيش هيسافرو فين وهيقابلو مين
جميلة:يسافرو فين مش عارفه بس هيقابلو واحدة اسمها زوزو واحد اسمه تقريبا قدري وكانوا هياخدوني اشتغل هناك
وبالطبع لم يجد ادهم احد في هذا المكان فقرر انتظارهم للقبض عليهم حتي يعودوا
بااك
ادهم:متقلقيش ان شاءالله هتبقي عندك وحتي لو مش موجودة في المكان ده مش هسكت غير لما ترجع إن شاءالله
السيدة: ربنا يحفظك يا بني
ادهم وقد ذهب إلي هذا المكان وقد استشف من خلال الحركة الغريبة بهذا المكان انهم قد عادوا
وذهب واحضر قواته
وقد تسحب للدخول
ادهم وهو يكسر الباب ثم اردف بغضب:
اثبت مكانك يا حناوي
بدرية بصريخ:ااانا ماليش دعوة هو الي بيعمل كل حاجة
حناوي وهو يحاول الهرب وجري و قد جري خلفه ادهم
حناوي وهو يذهب سريعا إلي السطح ومنه إلي سطوح باقي العمارات وكان ادهم يجري خلفه بمهارة حتي امسكه وابرحه ضربا
ادهم بغضب:العيال فين يا ابن الكلب
حناوي بإنكار وتعب:عيال مين يا باشا انا مبخلفش
ادهم وهو يبرحه ضربا: انت هتستعبط يلا انطق احسنلك
حناوي وهو يغشي عليه: في البيت في الوكر بتاعي من جوه مكان نومهم
قبض عليه ادهم وسلمه للقوات ومعه بدرية التي كانت تصرخ بفزع
ادهم بغضب:اخرسي انتي فاهمة بدرية بتلعثم:ح حاضر
وقد دخل ادهم إلي وكر وذهب وجد هولاء الابرياء يرتجفون بعدما سمعوا إطلاق النيران
ادهم وهو يحتضنهم بحب: متخافوش هرجعكم بيوتكم اهدوا
رحمة بخوف:يعني انت مس شرير وهتضربنا زي عمو حاوي
( يعني انت مش شرير وهتضربنا زي عمو حناوي)
ادهم وهو يبتسم علي براءة هذه الطفلة ولكنه حزن علي منظرها فقد كانت اثار الجروح في وجهها ثم قال:لا انا مش شرير وهرجعكم بيتكم
اطمأن له الاطفال واحتضنوه جميعا وخرج ادهم وهو يحمل طفل علي كتفه والاخر يحمله وباقي الاطفال حوله
خالد بضحك:مين يقول ان ده حضرة الظابط ادهم الي كان بيضرب الكلب حناوي من شوية
ادهم بابتسامة:ده مجرم ويستاهل المهم عايزين نسلم الاطفال دول لاهلهم ومعهم الطفلة سلمي الي جدتها بتعيط في القسم اهي الحمدلله
خالد بحب: جدع يا صاحبي
وانطلقوا إلي القسم
الست سيدة وهي تحتضن حفيدتها: يا حبيبتي يا بنتي الحمد الله ثم سجدت شكر لله 💜
سيدة:ربنا يحميك يا بني تسلم ربنا ينور بصرك يارب ويجبر خاطرك
ادهم وهو يقبل يد هذه السيدة الطيبة التي تذكره بوالدته:ده شغلي يا امي وحمد الله علي سلامتها
ومن هنا تم القبض علي حناوي وبدرية ولكن تري هل انتهت قصتهم هنا ام انها البداية؟!
*************************
انتهت البارت رايكم يهمني ومش عايزة تم 💜
أنت تقرأ
واشرقت شمس الامل 💜 ما بعد الانتقام
Mystery / Thrillerانتقام؛ اكشن؛ حب؛ اجتماعي؛ غموض؛ تشويق هي ببكاء: حرام عليك انت ظالمني هو بغضب: وهو يضربها بقسوة بعد كل الي عملته معاكي تعملي كده انا هربيكي وهتفضلي محبوسة في الاوضة زيك زي الكلبة انا هعيد تربيتك وإياك اسمع صوتك جلست في غرفتها تبكي وترتجف بخوف هي...
