واشرقت شمس الامل 💜 ما بعد الانتقام

الفصل ٣٥

الفصل ٣٥
اللهم انت ربي لا إله إلا أنت خلقتني وأنا عبدك وأنا على عهدك ووعدك ما استطعت أعوذ بك من شر ما صنعت أبوء لك بنعمتك علي وأبوء لك بذنبي فاغفر لي فإنه لا يغفر الذنوب إلا أنت
لا إله إلا أنت سبحانك إني كنت من الظالمين
الله اكبر كبيرا والحمدلله كثيرا وسبحان الله بكره واصيلا
اللهم صلي وسلم وبارك على سيدنا ونبينا وحبيبنا وشفيعنا محمد وعلى اله وصحبه اجمعين
*************************
الفصل ٣٥
ذهبوا سريعا إلي المستشفى التي بها ادهم
ماجدة ببكاء: يارب نجيه يارب
اما الباقي منهم حتي جميلة كانوا ينتظرون ويبكون ويدعون له
اما هي فكانت في عالم اخر غير عالمهم هذا كانت لا تشعر بمن حولها كانت فقط تبكي بصمت ودموعها تغرق عيونها واستأذنت منهم وذهبت إلي مسجد المستشفي تبكي وتدعو الله ان يشفيه
ثم ذهبت إليهم واستمرت في حالتها هذه
جميلة وهي تربط علي كتفها: متخافيش إن شاء الله هيبقي كويس متخافيش
حور بتوهان وبكاء: يارب إن شاء الله
وبعد فترة خرج الطبيب من غرفة الطبيب
حور وماجدة بلهفة: ها يا دكتور هو كويس؟! 
الطبيب بأبتسامة: اهدوا اهدوا يجماعة الحمدلله بخير إن شاء الله كمان ٢٤ ساعة هنبقي عدينا مرحلة الخطر
حور وهي تلتقط انفاسها: الحمدلله ولكن فجأءة من التعب فقدت وعيها
ماجدة بفزع: دكتور بسرعة
الطبيب: متقلقوش ارهاق وقلق مش اكتر دلوقتي اديتها مهدأ وإن شاء الله هتبقي كويسة
*************************
اما عند اسر وجني
اسر وهو يوصل جني إلي منزلها:  يلا يا جوجو انزلي
جني بخجل: تمام شكرا ثم اردفت بتذكر اه صحيح ماما بتسلم عليك وبتقولك تعالي اتغدي
اسر بأبتسامة: لا يا جوجو تسلميلي هأكل انا في البيت انت عارفة ماما
جني بابتسامة: تمام يلا سلام
واثناء نزولها سرقت شنطتها بواسطة موتسكيل
جني بصراخ الشنطة
جري اسر سريعا وراء الموتسكيل سريعا حتي لحقه ولكن سيارته لم تستطع الدخول في هذه الاماكن الصغيرة ولكنه سريعا خرج من السيارة وجري خلفه حتي لحق به اخيرا
اسر بغضب: بتسرق شنطة واحدة يا..........  ثم ابرحه ضربا وذهب وجدها تجلس علي الرصيف وتبكي
اسر بغضب لرؤية دموعها: اهدي يجني علمته الادب
جني وهي تمسح دموعها مثل الاطفال: اانت كويس
اسر بأبتسامة: ايوه يستي يلا اطلعي بقي ومش اي حاجة عياط كده طول ما انا موجود متعيطيش تمام
جني بأبتسامة خجولة: شكرا يا اسر
اسر بحب: العفو يا جوجو يلا اطلعي وتطمنيني انك فوق ثم ذهب إلي منزله وقد علم من الخادمة ما قد حدث
اسر بفزع: ايه ادهم مستشفي ايه بسرعة
************************************************
وصل اسر إليهم واطمئن علي ادهم وهدأ قليلا
اما حور فقد فاقت وترجت الطبيب ان تدخل إلي ادهم  بعدما علمت إطالة نومه
ماجدة ببكاء: هو مفقش ليه
اسر بتماسك:  إن شاء الله هيبقي كويس ترجت حور الطبيب ان تدخل لأدهم وانها صيدلانية وتعرف كافة الاحتياطات
دخلت إليه وجدته موصلا بالاسلكة بكت كثيرا لم تتحمل ان تري زوجها وحبيبها هكذا ظلت تبكي وتبكي ثم امسكت كفه بين كفيها
حور ببكاء علشان خاطري قوم بقا يا ادهم كفاية كده وظلت تترجي وتتحدث معه
الممرضة: كفاية كده يا دكتورة
خرجت حور وهي تدعو له بأن يكون بأفضل حال
*************************
عايدة بسعادة:كل ده حصل يا جوجو
جني بسعادة وهي تحكي لها عن مواقف اسر معها وحبه الشديد لها
عايدة في نفسها:يارب اطمن علي اختها المختفية زي ما اطمنت عليها يارب واسعدهم يارب
تقي وهي تركض وتقف خلف جني: الحقيني منه عايزة يضربني
عمر بغضب: عاملة تقولي ذاكر ذاكر وتعمل دوشة جمبي ولا كانها عيلة
تقي وهي تخرج له لسانها:انا خلصت امتحانات وانت لا
جني بغيظ: مش معني اننا مخلصناش امتحانات انك تغيظي فينا يعني
عمر:كل شوية ذاكر يثانوية ذاكر يثانوية الواحد زهق
عايدة بضحك:طب ذاكر يثانوية
وجلسو جميعهم يضحكون ويتحدثون
عايدة في نفسها:يارب الاقي تؤامك يا عمر قبل ما اموت يارب
*************************
بعد عدة ساعات فاق ادهم من غفوته
الطبيب بأبتسامة:حمدلله علي سلامتك يا سيادة المقدم
ادهم بأبتسامة مرهقة:الله يسلمك
واطمءن عليه الجميع ولكنه كان يبحث بعينه عنها
وجدها تقف في ركن في الغرفة تنظر له
ادهم بحب وهو يبحث عن الكلام:قربي يا حور
حور بهدوء ولكن في داخلها لهفة الدنيا عليه:حمدا علي سلامتك
ادهم بحب وهو ينظر لها ويتمني ان يزرعها بين احضانه:الله يسلمك
ماجدة بخبث: طب اروح انا اجيب حاجة من الكافتريا
اسر بخبث هو الاخر: انا رايح اشوف حاجة تحت وهاجي
فاطمة بتوهان: وانا هنزل اصلي واخذت معها جميلة
ادهم بخبث: ااه يا ضهري
حور بلهفة مخيفة:م مالك
ادهم بكذب :ضهري وجعني جدا باين اخد رصاصة فيه ولا ايه ممكن تحطيلي مخدة وراه ضهري
حور:  حاضر
وضعت حور وراءه المخدة وجاءت تذهب
ادهم بحب جام: وهو يمسك يدها خليكي جمبي يا حور انا بحبك متسبنيش
حور بسماجة:الف سلامة عليك شكلك بقيت كويس عن اذنك
ادهم بغيظ: باردة
حور بأستفزاز:شكرا ده من زوقك
*************************
جريت الايام وعاد ادهم إلي منزله وقد تعافي
اللواء: حمدالله علي سلامتك يا بطل انا وخالد والانسة الصحفية سلمي صممنا نجيلك
ادهم بأبتسامة تسلم يا فندم مكنش في داعي
خالد بضحك: يعم مفيش داعي ازاي بس ده ماشاء الله لولاك مكنش عارفنا اتصرفنا في حاجه خالص
سلمي بضحك:بصراحة اه المقدم ادهم معروف في المديرية كلها الف حمدلله علي سلامتك يا سيادة المقدم
حور بأبتسامة صفراء: حبيبتي الله يسلمك بس بردو ايد لوحدها متسقفش معروفة يعني
سلمي بتلقاءية: ايوه يمدام بس ماشاء الله المقدم ادهم ده بيهم كلهم طب ده الكل بيحكي دخل ضربهم كلهم وقبض علي الي اسمه شهاوي و
حور بحدة:هتفضلي تكلمي علي بطولاته كتير ماخلاص؟!
سلمي بأستغراب: انا زعلت حضرتك في حاجه
حور بغيظ:لا ابدا عن اذنكم
اللواء عبد العزيز بابتسامة:واضح  ان المدام بتحب حضرتك جدا
ادهم بأبتسامة: عارف
*************************
وبعدما ذهبوا خرج ادهم سريعا
حتي وصل إلي وجهته
ادهم بملامح جامدة: اتمني تكون الإقامة هنا عجباك
شهاوي بغضب: متفتكرش انها النهاية مش معني انك قبضت عليا انها النهاية
ادهم بأستفزاز: لا تصدق هي النهاية واكبر دليل انك هتتحاكم وهيتحكم عليك كمان انت قتلت ناس ويتمت اطفال
شهاوي بأستفزاز:حتي لو مت صاحبك مش هيرجع انا قتلته وقتلت باقي اصحابك هروح انا يجي عشرة لكن صاحبك مش هيرجع
ادهم وهو يلكمه في وجهه: كلب هتفضل طول عمرك كلب تقدر تقولي دين ايه الي انت بتتكلم عليه
شهاوي بضحك وهو ياخذ انفاسه:  دين دين ايه ده بيزنس انت شكلك طيب اوي
ادهم بسخرية: انت طلعت............  انا كنت فاكر ان قدامي واحد متطرف دماغه بايظة اتعلم غلط لكن انت طلعت اسؤا بمراحل وإن شاء الله هتأخد جزاتك زيك زي اي كلب زيك ثم بصق عليه ورحل
*************************
ومن هنا تم القبض علي شهاوي ورجاله وانتهت صفحته
كان هذا تقرير الصحفية سلمي عن هذا الحدث
خالد: خلصتي يا انسة؟!  اتفضلي  ورانا شغل
سلمي بغيظ: هو انت فاكر نفسك انت بس الي بتشتغل في ناس والله زيك
خالد بغيظ:بره يا انسة بره
*************************
في المساء
عاد ادهم إلي المنزل
ماجدة بعتاب: تعبت نفسك بردو وخرجت يبني
ادهم بحب وهو يقبل يدها:معلش يا ست الكل مشوار صغير
قامت ماجدة تحضر الطعام
ادهم بخبث:حور
حور بتوتر: نعم اه علي فكرة اانا هطلق اه متفتكرش اني سامحتك انا بس كنت مستنية تبقي كويس واطمن عليك بعدها تطلقني زي ماردتني اه
ادهم بخبث: تطمني ليه وانت عايزة تطلقي
حور بتوتر: ع عادي يعني بردو في يوم وليلة كان في عيش وملح بينا ولا ايه
ادهم: علي فكره اعملي حسابك انك هتنامي في اوضتنا انهاردة
حور بعند:لا
ادهم : ارجوكي انا مش عايزة ماما تحس بحاجة انت عارفة انها تعبانة انا فهمتها اننا رجعنا وبقينا كويسين انت عارفة انها عندها السكر ومش حمل تعب كفاية خضتها عليا ماشي
حور بتردد: علشان خاطر ماما بعدها بشوية لما الدنيا تهدي تطلقني انت فاهم
ادهم بغضب وقد نجحت في استفزازه:قولتلك طلاق مش هطلق يشيخة انت ايه مبتحسيش كنتي عايزاني اعمل ايه يعني وانا شايف مراتي في الوضع ده المفروض اعمل ايه ها قوليلي؟ ده انت لما بنت سلمت عليا بس وانت معايا خربتي الدنيا وزعلتي وجيت صالحتك كنتي مستنية ايه
حور ببكاء:كنت عايزك تثق فيا
ومتصدقش اي حاجة من الكذب ده
ادهم بتعب: وعرفت الحقيقة وندمت ونفسي تسامحيني اديني فرصة واحدة ارجوكي كفاية بعد بقا كفاية انا لما كنت بموت كنت بفكر في ظلمي ليكي وخفت اموت وانت مش مسامحني 
حور بلهفة ودموع:  بعد الشر
ادهم بإرهاق:كفاية يحور ندمت والله ندمت
ثم ذهب إلي اعلي بتعب
************************************************
اما فاطمة فقد قصيت علي ولدتها كل شئ
ماجدة بخضة: يا حببتي انا مش فاهمة اوي بس شكلها مصيبة طب هنعمل ايه ادهم تعبان واخاف اقوله وهو تعبان يحصله حاجة احنا نقول لإياد
فاطمة بتوتر وخوف : يارب خير
************************************************
مساءا
في غرفة ادهم
حور بغيظ: قوم نام علي الكنبة يبيه
ادهم بتعب مصطتنع: حاضر يا حور
حور بخوف: خلاص انت شكلك تعبان خلاص
ادهم بخبث وهو يعلم انها تخاف من النوم بمفردها: ماشي يا حور تصبحي علي خير ثم ادار وجه واصطنع النوم
بعدها وجدت حور انفاسه منتظمة ونأءم ذهبت ونامت بجانبه
حور: إن شاء الله اصحي قبله يارب
بعدما غطت في نوم عميق قام ادهم من نومه المصطتنع ظل يراقبها طوال الوقت ويمسح علي شعرها بحب متجهلا تعبه حتي غفي في نومه
*************************
في صباح يوم جديد 🌤
استيقظت حور وجدت نفسها بين احضان ادهم
حور بصريخ: اه
ادهم بفزع: ايه البيت بيوقع
حور بغضب وإحراج: ازاي تنام هنا
ادهم بسخرية: حضرتك ناسية انك انت الي جتي هنا امبارح وقولتلي انام هنا علشان اصابتي
حور بتذكر وهي تهتف بخجل: ااه صح بس انا ايه الي جبني هنا يلا مش مهم ثم اردفت ببراءة مصطنعة: تقدر تكمل نومك
ادهم بغضب وسخرية: بعد ايه  انا قطعت الخلف
ثم. ذهب إلي حمام الغرفة
حور بخجل: غبية يا حور ازاي نستي ثم اردفت بخبث: بس احسن اديه اتخض واتفرس ثم اردفت بحب: انا بحبك يا ادهم بس لازم اربيك شوية علشان تتعلم تحكم بعقلك قبل ايدك وعلي راي طنط ماجدة جوزك علي ماتعودي اعلمه الادب من الاول ثم ضحكت بشدة مثل الاطفال
ادهم وهو ينشف وجه ويخرج من الحمام ثم اردفت بصدمة مصتنعة: يخبر
حور بخضة وهي تتوقف عن الضحك : ايه
ادهم بسخرية: مراتي اتجننت
حور بسخرية وهي تبرطم: جن لما يلهفك
ادهم: بتقولي حاجة يا حور
حور: ها لا ابدا
ثم  ذهب  إلي غرفة الملابس لأستعداد للخروج إلي عمله
ثم وقف امام المرآة يمشط شعره ويضع من برفانه
حور وهي تسرح في شكله
ادهم بخبث: مالك يا حور تحبي تأخدي صورة
حور بخجل: ها لا عادي المهم هتروح الشغل ازاي وانت تعبان
ادهم بخبث: وانت مالك مش انت عايزة تطلقي مهمكيش اكيد
حور بغيظ: قولتلك قبل كده متمنلكش حاجة وحشة
ادهم بغيظ: علشان كده بس
حور بمكر: اه
ادهم بمكر: طب اروح بقا لسلمي
حور بغيظ شديد: ادهم احترم نفسك انا لسه علي ذمتك وسيبك من الزفتة دي احسنلك فاهم
ادهم بأستفزاز: وانت متنرفزة ليه عايز افهم انا
حور بغيظ وغيرة شديدة : خليك في حالك
ضحك ادهم عليها بشدة ثم ذهب إلي عمله وهو يتمني ان يعود كل شئ إلي مايرام فهو اصبح سعيد للغاية هذه الفترة لانه اخذ بثأر صديقه واوصل شهاوي إلي السجن وانتقم منه والان يتمني ان تعود حبيبته إليه
*************************
انتهي البارت واظن انه طويل لدرجة ان إيدي وقفت عن الكتابة حاليا دعواتك والي بيقول قصير او غيره البارت الي حضرتك بتقرأي في عشر دقائق انا بقعد فيه ٤ ساعات لانها قيد الكتابة يعني بألف واكتب غير ان ربنا عالم بأشغالي التانية كتير شايف انه حظر فهي كده كده قاعدة مبتعملش حاجه لا انا ربنا اعلم مشغولة ازاي لاني بجهز لثانوية عامة يعني كورسات وبتمرن كونغفو في البيت بدرب نفسي علشان لما الدنيا ترجع منساش ده غير اني بحفظ قراءن وبدرس تجويد ده غير اني بحب اساعد والدتي في اجازتي لان دايما مشغولة في الايام العادية واكيد من غير ما تطلب ليها حق عليا ده غير اني ايدي وعظمي ورقبتي تعبنين  فبخد علاج واريح علي قد مااقدر ده غير مذاكرة النحو يعني وقتي مش للكتابة بس  ياريت نقدر بعض بارت انهاردة لوحده واخد مني من ٣ ل ٨ الضهر يعني نحترم بعض شوية لان الواحد تعبان والمفروض ان دي اجازتي وبريح فيها علشان ابدا ثانوية عامة شهر ٨ يعني المفروض اني كده في راحة الحمدلله يعني نحس ببعض شوية