واشرقت شمس الامل 💜 ما بعد الانتقام

الفصل ١٤

قام ادهم بفتح باب المنزل و
ادهم بفزع:فاطمة مالك بتعيطي كده ليه؟!
فاطمة وهي تشهق وتبكي وارتمت في حضن ادهم
ادهم بخضة: مهدءا إياها اهدي واحكيلي ايه الي حصل وصلك للحالة دي
فاطمة وهي تمسح دموعها هحكيلك
فلاش باك
فاطمة بقلق:يارب يرضي يدخلني يارب
اياد بغضب: لسه فاكرة يا هانم تيجي المحاضرة
اياد وهو احد الدكاترة في جامعتها
فاطمة بخوف وتوتر: ااانا اسفة والله غصب عني كنت في المكتبة والوقت اخدني و
اياد بغضب: عذر اقبح من ذنب يا انسة اظن انك كنتي في المحاضرة الي فاتت وعارفه ان اهم قوانيني ان محدش يتأخر وقولت ان ده هيأثر علي درجات المادة عندكم وحضرتك جيالي بعد ربع ساعه كاملة اتفضلي يا انسة علشان تتعلمي تحترمي الوقت
فاطمة وهي تكتم دموعها مثل الاطفال: انا ااااسفة
اياد: اتفضلي
ذهبت في فاطمة وهي تبكي وتشهق وذهبت إلي منزلها
بااك
ادهم بغضب: خلاص اهدي ومتعيطيش ثم هدأ قليلا انتي فعلا غلطانة انك محسبتيش وقتك صح لكن بردو مش لدرجة انه يتعصب عليكي بشكل ده وكمان بتقولي انك ممكن تشيلي المادة ليه يعني انا بكره بإذن الله هاجي معاكي الجامعة وامسحي دموعك دي وبعد كده التزمي بوقتك واهدي ثم قبل رأسها
فاطمة وهي تمسح دموعها: خلاص ماشي
*************************
في صباح اليوم التالي 🌤
ذهب ادهم مع فاطمة إلي جامعتها
ادهم: فين الدكتور اياد ده يا فاطمة
فاطمة بخوف:هو الدكتور الي هناك ده
ادهم وقد ذهب إليه ومعه فاطمة
إياد اول ما رأه اردف بصدمة: ادهم؟!
اياد بحب: ادهم عامل ايه يا راجل وحشتني  ثم قام باحتضانه
ادهم بحب هو الاخر: عامل ايه يلا وحشني والله انت بقا الي مخوف فاطمة كده وعمالة تقولي بيزعق وتعيط حد يعيط من اياد؟!
اما فاطمة فقد اتسعت عينيها بصدمة وهي تري هذا الترحاب الشديد بينهما ثم اردفت في خاطرها: تقريبا انا كنت سامعه ان في واحد جي يضرب ويتخانق هو راح فين 😳
ثم اردف ادهم: دي فاطمة اختي انا عارفة ان هي غلطت لما اتأخرت بس بردو مكنش ينفع انك تهزقها بشكل ده وكمان هتسقطقها في المادة  ليه يعني انا مقبلش كده ابدا طب ده انا كنت جي اتخانق انهاردة ينفع كده
اياد بحب لصديقه فهو كان دفعته: انا مقولتش هسقطها انا قولت نقص في درجات المادة وكمان عليها الالتزام بوقتها دوما  وانا فعلا انفعلت عليها جامد قدام زمايلها وكنت ناوي اني اطيب خطرها انهاردة قبل ما اعرف حتي انها اختك علي العموم حصل خير يا انسة فاطمة بس بعد كده تيجي بدري
فاطمة بإحراج: تمام يا دكتور اسفة
ادهم: تمام ومتزعقش لحد تاني يلا انت فاهم بتزعق ليه اصلا بقا اياد بيزعق فاكر يا اياد لما كنت عيل صغير وكنت بتضرب و
اياد بتوتر:احم احم مفتكرش الكلام ده في ايه يا ادهم انت جي تخلي شكلي وحش ولا ايه ده انا بردو صاحبك حبيبك وجلسوا يضحكون مع بعضهم ثم ذهبت فاطمة إلي محاضرتها وذهب كلا منهما إلي وجهته
*************************
اما عند مكان اول مرة نذهب اليه
اندرو وهو يتحدث بالانجليزية
  Every thing Must remain With me
لازم كل حاجة تبقي معايا
جون: امرك يا باشا
*************************
اما في شركة اسر
ذهب ادهم الي شركة اسر
وعندما دخل اتجهت جميع الانظار إليه فهو ذات هيبة طاغية وبقي الكثير يتهامسون علي شكله واناقته
اما ادهم فلم يبالي ودخل إلي مكتبه
جني اول ما راته صدمت
جني بصدمة: اهلا استاذ ادهم هو اسر بيه ده هيتقبض عليه ولا ايه يكونش طلع مشبوه استغفر الله العظيم هو اصلا شكله كده تحسه غامض كده في نفسه انا ماليش دعوة بحاجة انا سكرتيره اه و
ادهم وهو يضحك: ايه يبنتي كل ده في ايه انا اخو وجي بعد ما خلصت شغلي عايزه في موضوع عادي
جني وهي تأخذ الصدمة الثانية: ايه اخوه هو ده لي اخوات؟
ادهم وهو يضحك:لا مش معقول ايه ده انا دخلوه ثم ذهب إليه
اسر:ايه ده ادهم ازيك ياحبيبي ايه الي جابك
ادهم باستغراب:عادي والله جي اقعد مع اخويا شوية عادي يعني
اسر بحب:تنور اي مكان تكون فيه ثم جلسوا يتحدثون في امور عدة
ادهم بجدية:اسر انت مش عجبني الفترة دي دايما سرحان وبالك مشغول مش عادتك خالص اوعي تكون فاكر اني علشان الفترة دي مركز في شغلي اوي وبسهر فيه ساعات اني اغفل عنكم لا انتو مسؤليتي واحد واحد
اسر بإعجاب:ليهم حق في شغلك يسموك الاسطورة
ادهم:سيبك مني انا ومتغيرش الكلام مالك؟!
اسر بتوتر: صدقيني كويس بس محتاج ارتب افكاري ولما اخد اي خطوة لقدام انت اول واحد هتعرف
ادهم: تمام
اسر بخبث: المهم انا حاسس ان الاسطورة بقي بيحب البيت اوي اليومين دول
ادهم بغيظ: اكيد وحشك ضربي وقام حتي يضربوه وركض اسر بضحك ووراه ادهم
وفي هذه اللحظة من سوء حظهم دخلت جني علي حين غرة
جني بعملية: اسر بيه الورق ده لازم يتمضي دلوقتي و
وجدت هذا المشهد اسر ولأول مرة يضحك بشدة وادهم يركض وراءه بغيظ وكان منظرهم مضحك للغاية
جني بصدمة ولكن تكتم ضحتها: ااانا اسفة عن اذنكم
اما اسر كان مثل الذي سكب عليه ماء بارد: يلهوي يبرستيجي الي راح يمنظرك يا اسر
ادهم بشماتة: احسن علشان تطول لسانك انا مروح جاتك نيلة
وجلس اسر وهو يندب حظه
************************
اما عند بدرية وحناوي
بدرية بخبث: تمام كده اوي يا حناوي
حناوي بخبث: جدعة يبت الباشا سمير فعلا عجبوا شغلنا
بدرية: بس متعرفش كان مالو انهاردة كده زعلان اوي
حناوي: مش فارقة الي يهمنا انه كويس معانا وعجبه شغلنا
بدرية بدلع: علي رايك واحنا مالنا
*************************
في منزل ادهم كانوا جميعهم يجلسون مع بعضهم الفتايات يتحدثن وادهم واسر وماجدة جالسون
حور بقلق: جني اتأخرت اوي
ادهم بأهتمام متقلقيش زمانها جاية اهي جات اهي
ودخلت وعندما دخلت اعجبت بشدة بتصميم هذا المنزل الذي يشبه القصور في تصميمه وحديقته الواسعة وكل شئ بيه جذاب
ثم ذهبت إلي حور واحتضنا بعضهم بعض
جني بحب: اول ما قولتيلي انك هنا كان لازم اجي اشوفك ثم اكملت بصدمة: ايه الي في وشك ده؟!
جني وهي تبكي في حضنها دي حادثة وحكت لها كل شئ
جني ببكاء هي ايضا يا حبيتي ربنا ينتقم منهم
جني ببكاء هي ايضا يا حبيتي ربنا ينتقم منهم خلاص ما تعيطيش ثم اردفت بمرح حتي تغير مجري الحديث تعالي نلعب زي زمان فاكره
جني تعالي بس ندخل احنا الكلام اخدنا في الجنينة كل ده تعالي ندخل اعرفك علي البنات ثم ذهبوا إلي الداخل
ازيك يا استاذ ادهم ثم وقعت عينها علي اسر الذي عندما رفع بصره اليها صدم بشدة
اسر بصدمة : انتي؟!
جني بصدمة: انت الي جابك هنا؟!
ادهم: نسيت اقولك لما شفتك الصبح جني تبقي صاحبة حور
اسر: اه اهلا
وجلست جني مع حور وفاطمة وجميلة وتعرفن علي بعضهم واحبت جني جميلة وفاطمة بشدة ثم جلسوا يضحكن ويلعبن بمرح
اسر بسخرية: هو ايه الحضانة الي احنا فتحنها دي تقولش اطفال
اما ادهم فكان سعيد بشدة لبداية خروج حور من الحالة التي كانت فيها ثم اردف بخبث: خليك في حالك يلا بدل ما اديك قفا من بتوعي
اسر بخوف: لا هي ناقصة كفاية بسرتيجي الي انهار
وكانت ماجدة سعيدة بشدة ايضا لتحسن حالة حور
ثم اردفت جني: لازم امشي بقا علشان متأخرش ودعت الفتايات
ولكن قال لها ادهم
ادهم بجدية:  مينفعش تمشي لوحدك لازم حد يوصلك الوقت اتأخر
جني بإحراج:  لا هأخد تاكسي واروح
حور بخوف عليها:  لا تاكسي لا دلوقتي الوقت اتأخر فعلا لازم حد يوصلك
وهنا اردف اسر:  خلاص انا اوصلك
جني بتوتر: لا طبعا مينفعش حضرتك
فاطمة بخبث:  خلاص خلي يوصلك وانا هاجي معاكم
ومن شدة تصميمهم وافقت جني لان فاطمة ستكون معاهم وذهبت جني إلي الداخل حتي تأخذ شنطة يدها
اسر بغيظ وهو يمسك فاطمة من تلابيب ملابسها كانه يمسك حرامي:  لازم تقولي انك جايه يعني جاتك نيلة
فاطمة بخبث:  طب انت زعلان ليه يعني عايزة افهم
اسر بتوتر: لا هو انا هزعل ليه
ثم قاموا بتوصيلها إلي منزلها
اما مسعد بخبث:  طب ماانتي بتتوصلي اهو ولا احنا مش.قد المقام يعني ماشي يا جني اما وريتك مبقاش انا مسعد
اما جني فقد لاحظت نظرات هذا الرجل البغيض إلي قلبها ولكنها اسرعت بالهطول الي منزلها
في منزل جني
عايدة بحب: حور عاملة ايه وعندما ذكرت اسمها انفجرت جني ببكاء: صعبانة عليا اوي يا ماما
عايدة بخضة: ليه
قصت علي مسامعها كل شئ
وهونت عليها شوية وقعدنا نلعب عندهم بعض كده اسر بيه وصلني هو وفاطمة اخته
عايدة بعتاب: ازاي يوصلك يا جني
جني بسرعة: والله كانت فاطمة معانا انا مردتش غير لما فاطمة ركبت معانا
عايدة:انا عارفة بردو يا بنتي بس الناس مش هتقول اخته معهم ولا ايه
جني بأسف: صح يا ماما انا اسفة
عايدة بحب: خلاص يا حبيبتي
جني بحب: يلا بقا علشان نعمل احلا عشا لاحلي ست في الدنيا
عايدة بحب: انتي تعبانة ريحي شوية
جني بحب: تعبك راحة يا ست الكل
*************************
انتهي البارت رايكم يهمني 💜💜  وكااالعادة مش عايزة تم نقول تاني مش عااايزة تم