واشرقت شمس الامل 💜 ما بعد الانتقام

الفصل ١١♥

اما عند شهاوي
شهاوي بخبث: الشباب دول بقا زيهم زي غيرهم نعمل قدامهم دور القدوة والدين والتدين وهما ماشين ورانا من غير تفكير
سيد: اسطورة بنتعلم منك والله 
*************************
اما في جامعة حور
حور ببكاء: حاسه اني مش قادرة اركز في اي حاجة خالص بسببها علي طول ضرب وإهانة وخوف من الزفت ابنها
جني بحزن دفين علي صديقتها: يحببتي كل ده فيكي ومتقولليش شايلة ده لوحدك يا حور
حور: حتي ابحاثي استاذنت من الدكتور اني اجلها شوية الفترة دي المهم سيبك مني انا انتي عاملة ايه
جني: الحمد الله بس الزفت مستر اسر خانقني اوووف
حور بضحك وكأنها كانت لا تبكي منذ قليل فهي تشبه الاطفال في تقلب مزاجها: طب لازمتها ايه مستر!  طب ليه زعلانة
جني بحنق طفولي: امبارح استأذن منه مرحش بدري علشان الجامعة و
فلاش باك
في الشركة
جني بتوتر: اسر بيه هو ينفع اجي بكره متاخر علشان الجامعة
اسر بعد لحظات: اه صحيح انا قرأت في السي في بتاعك انك لسه طالبة لما انتي لسه في الجامعة بتشتغلي ليه وقرفنا
جني وكلماته اجرحتها: علشان والدتي واخواتي يا فندم في سؤال تاني؟
اسر وقد شعر بالحزن من لهجتها ولا يعلم لما: خلاص تمام
*************************
بااك
جني وهي تقلده: بتشتغلي وقرفنا ليه
جني بضحك شديد: خلاص يا جني مش قادرة ربنا يهديكي يا بنتي
مازن: ازيك يا حور
حور: الحمدلله ازيك انت يا مازن
مازن بحب مصطنع: هنعمل فرحنا امتي بقا
حور: اكيد مش دلوقتي خالص ثم اردفت بحزن انت ناسي ابيه عمار ولا انت مبقاش يهمك حاجة
مازن بحنق: فات كتير اوي علي فكرة ومش عارف كل ما اجبلك سيرة جوازنا تأجلي ليه
حوربحزن :انت شايف انه كتير ده حبيبي وكل حاجة في حياتي ده كان ابويا واخويا وكل حاجه
مازن بخبث وحب مصطنع:طب وانا ايه في حياتك بقا
حور بإحراج: انت خطيبي
مازن:بس
حور:ايوه بس لغاية ما نتجوز
مازن:امري لله
حور: مازن انا عايزة احكيلك علي حاجة كده وقصت له كل ما حدث في منزل ابيها من المدعو رامي ومن تعذيب مرات ابيها لها
مازن بخوف في نفسه:داهية ليأخد منك الي انا عايزه قبلي
ثم اردف:معقولة كل ده يحصلك ومتقوليش ما انا عشان كده بقولك نسرع جوازنا شوفتي
حور باستغراب من بروده: المفروض تجبلي حقي
مازن بخبث :اه طبعا بس لغاية ما نتجوز انتي معاهم وانا مليش حكم ده  بردو مهما كان بيت والدك يبقي نسرع جوازنا ولا ايه
حور بخنقة:تمام ربنا يسهل بس هجوز من غير فرح ثم اتجهت ببصرها نحو جني التي تجلس وتأكل بنهم ولا تستمع لكلامهم من الاساس
حور بدهشة وغيظ:اكلتي كل الاكل ده اموت واعرف بيروح فين الاكل ده؟!
*************************
اما عند ادهم فقد اخذ جميلة لكي تعيش في منزله مع امه واخته
ماجدة بشفقة: سايبها نايمة دي شكلها غلبان اوي يا ادهم وقصتها تقطع القلب معقولة في ناس كده
ادهم'واكتر من كده يا امي بس بردو انا مش بثق لحد بسهولة وهتأكد ان كان كلامها ده صح ولا غلط ولو صح يستحيل اسيب الناس دي بإذن الله من غير ما اجبهم ثم اردف في خاطره اعداءك كتره اوي يا ادهم وهدفك بيكبر كل يوم عن الي قبله
فاطمة بفرحة:يا بقا عندي اخت عايشة معايا في نفس البيت يا
اسر وهو داخل من باب المنزل اثناء عودته من عمله:يبت هو انتي حد طايقك مننا علشان جميلة دي تطيقك
فاطمة بغيظ: شوف نفسك الاول وانت طويل واهبل وقمور كده بس ابيه ادهم احلي منك بكتير
اسر وهو يجري خلفها:بقا انا طويل واهبل طيب وذهب إليها يزغزغها حتي كادت تنفجر من الضحك
ادهم بغضب مصنع فهؤلاء هم من يهونه عليه:خلاص خلصنا كفاية لعب عيال بقا
ماجدة بقرف:عيال تقرف يبني انت الوحيد العاقل ثم اردفت لما اروح اصحي جميلة علشان تأكل
ثم جلوسه علي المائدة جميعا
جميلة باحراج:شكرا جدا لحضرتك يا طنط و
ماجدة بعتاب:احنا قولنا ايه اسمها ماما
جميلة وهي تتذوق جمال الكلمة التي لم تنطقها في حياتها ابدا:حاضر يا يا ماما
وجلست بين هذا الجو الاسري الذي افتقدته طيلة حياتها ورأت مزاح اسر وفاطمة واحببت هذه الاسرة جدا وتمنت ان تكون جذءا من هذه العائلة
*************************
اما عند حور
ذهبت إلي منزلها واول ما رأتها مرات ابيها اردفت بزعيق: والله عال يا بت انتي اجننتي سايبه البيت يضرب يقلب وخارجه
حور بخوف ولكنها اردفت بشاجعة مزيفة:حضرتك انا نظفت البيت قبل ما اروح الجامعة الصبح ودلوقتي هطبخ اهو يعني انا مقصرتش ومش كل ما حضرتك تشوفيني تزعقي فيا
سرية بغل وكمان بتردي ثم ذهبت إليها وقامت بضربها بشدة حتي فقدت وعيها من ضربها فيها وكان رامي يشاهدها وهي تضرب بسخرية فهو قد مثل عليها دور الانسان التاءب النادم حتي تأمن له وبالطبع بدأت تصدق
*************************
اما عند جني
جني بحب وهي تدلك قدم امها:انا بنفسي الي هديكي الدواء بعد كده مدام مبتخدهوش في ميعاده
عايدة بحب:انتي هتعملي ايه ولا ايه بس يا جني
جني: علي قلبي زي العسل يا قلبي انتي
تقي وهي اختها الصغيرة: ناس ليها حب وناس ليها مذاكرة
جني: ذاكري يبت بضمير مفيش ضمير كده خالص
تقي بضيق: حاضر
ثم سرحت جني في عملها مع اسر وكيف تشعر بطيبته رغم قسوته الظاهرة ثم قالت الي بتفكير في ده يا جني جاتك القرف
*************************
اما في المساء
يلا يبت نضفي البيت كويس وروحي البسي حاجه عدلة هتفضحيني قدام ضيوفي
حور بتعب:حاضر
سرية:وهي ترتدي احدي فستانها الفاضحة ولا تحترم حتي سنها جلست تنفث سجأءرها حتي سمعت جرس الباب ثم فتحت الباب
سرية بفرحة:سمير عامل ايه اخبارك تعالي تعالي لا وكمان جايب سوزي معاك وباقي الشلة اتفضلوا اتفضلوا
(سمير وهو الي كونا جبنا سيرته اول فصل انه بيكره ادهم وبيتمني بنتقم منه)
ثم جلست معاهم
سرية:حور ببت حور
جاءت حور وهي تشعر بالقرف منها نعم
سمير بإعجاب في نفسه: بقا في جمال كده
سرية: هاتي الازايز الي عندك كلها فاهمة
حور وهي تستغفر الله في سرها: حاضر
اما سمير فقد لاحظ ان سرية تؤمر وتنهي في حور
سمير: سرية دي مش شكل خدامة هي دي مين
سرية بخبث: دي تبقي بت الزفت رأفت
سمير بخبث: طب ما تخليها  ترقص لينا كده اهو نتسلي شوية
سرية بمكر وقد اعجبتها فكرته حتي تذل حور اكثر واكثر فحقا هي امرأة لا تعرف الله
سمير وهاتفه رن:اه يا حناوي في ايه عندك شغل جديد طب هبقي اجي اشوفه تمام
سرية:طب والله الي قولته فكرة حلوة بت يا حور انتي يا زفتة تعالي هنا
حور بإحراج:نعم
سرية:تعالي ارقصي يبت واقعدي معنا شوية
حور بصدمة ودموع :ايه كله الا كده احترمي نفسك انا مش كده انا استحمل اني اخدم عليكي وقولت اهو بيت والدي بردو لو نظفت فيه عادي لكن كله إلا كده ولما بابا يجي هقوله انت شايفني ايه
سرية بغل:انتي بتردي عليا يا زبالة ثم قامت تضرب فيها بغل وكره
وكان سمير ومن معه يشاهدون ما يحدث باستمتاع وكأنه فيلم
حتي ارهقت سرية من ضربها فيها وذهبت تجلس تاركة حور لا حول لا وقوة
سمير بخبث: بقولك ايه انا بفكر في حاجة كده بدل ضربك فيها ده اي رايك نأخد البت دي تشتغل مع باقي البنات دي هتجبلنا كنوز وتكوني انتقامتي منها كويس
سرية بخبث: يخريبت افكارك طب وهقول لابوها ايه
سمير: خرجت ومجتش اختفت اتخفطفت زي البنات الي بتخرج ومبترجعش عادي
سرية: والله فكرة واكون خلصت منها
وكان رامي يجلس يستمع لكل ما قاله ثم اردف في خاطره كده يبقي لازم انفذ بكره بكتير
*************************
ياتري الشياطين دول هيعملوا ايه في حور واكيد هتنجوا منهم لان المؤمن ربنا مبيسبهوش لوحده انتهي البارت رايكم يهمني ومش عايزة تم حلقة انهاردة طويلة اهي 💜😍