💜
اللهم انت ربي لا إله إلا أنت خلقتني وأنا عبدك وانا علي عهدك ووعدك ما استطعت اعوذ بك من شر ما صنعت ابوء بنعمتك عليه وابوء لك بذنبي فاغفر لي فإنه لا يغفر الذنوب إلا أنت 💜💜
*************************
شرين بخبث: انا هسعدك بقا في كل إلي انت عايزه ومتنساش ان احنا هدفنا واحد
بدر بمكر: تعجبني بس انا شرطي انتي عارفه كويس
شرين: تمام وهو بالمرة اخلص منها
*************************
في منزل ادهم
حور بتوتر: انا كنت عايزة اقول لحضرتك حاجة يا طنط
انتبه ادهم لتوترها: واردفت ماجدة: اتفضلي يا حبيبتي
حور: انا بفكر يعني الفترة الجاية إن شاء الله اعمل عملية تجميل علشان التشوه ده
ادهم بحب: مش لازم علي فكرة شكلك متغيرش كتير والي بيحبك هيحبك زي ماانتي يا حور
استغربت حور نبرته ولكنها اردفت بدموع: انا حاسه اني مكسوفة حد يشوفني
فاطمة: علي فكرة هو خدش صغير اثار الحادثة مش حاجة يعني
ادهم وهو يبث لها ثقتها في نفسها من جديد: ليه يعني ياريت حد زيك انتي الدكتورة حور الي طول عمرها بتساعد الي حولها الي سابقة سنها علشان تحاول تكتشف حاجة تقضي علي السرطان انتي الدكتورة حور الي حافظة القرآن كله انتي الدكتورة حور اخت الشهيد البطل عمار ولازم تنجحي في حياتك وتكملي علشانه وثقي انك بروحك ونقاءك مش بشكلك ثم اردفت بمشاكسة وانتي اصلا زي القمر
حور وقد استعادت ثقتها بنفسها ثانية ثم اردفت بابتسامة: شكرا اوي يا ادهم حقيقي صحيت ثقتي بنفسي بس علي الاقل قدام شوية بردو اعملها مش هتخسرني حاجة
ادهم بتنهيدة:ماشي ياستي هشوف الموضوع ده بس مش دلوقتي
(من يحبك حقا سوف يساعدك علي استكمال طريقك من يحبك حقا سوف يبث ثقتك في نفسك ويشعرك وكأنك كنز ثمين من يحبك في جميع احوالك هو الذي يستحقك ♥)
*************************
اما في المقر الرئيسي لشركات اسر
اسر بجدية:الاجتماع انتهي يا اساتذة اتفضلوا
ثم اردف بصرامة:اتفضلي يا جني عليكي تجبلي ورق كل الصفقات الاخيرة فورا علي مكتبي
ثم ذهب الي مكتبه واحضرت جني ما طلبه منها
اسر بحدة: مش كامل علي فكرة
انا قولت بحب النظام في شغلي
وجني وهي تكتم دموعها من نرفزته هذه ولكن خانتها دمعة هاربة من عينيها
ثم اردفت علي فكرة ده كل الورق الي عندي بتاع الصفقات الاخيرة ثم اردفت بسخرية تلاقي الباقي في خزنة حضرتك
اسر وقد المته دموعها ونبرة حديثها: معلش يا جني انا متنرفز بس شوية
جني بصرامة: حضرتك متتنرفز عليا انا بقوم بشغلي بأكمل وجه يبقي ده مش من حق حضرتك
اسر بغيظ وصوت عالي هو ايضا: ماهي نرفزتي دي منك انتي يا اختي علشان الزفت الي كان هنا امبارح ده ولا الهانم مش ملاحظة
جني بغباء: لا مش فاهمة
اسر وهو يشعر بألاختناق منها: روحي يا جني علي شغلك يا ماما انا ضغطي عالي لوحدي
جني وهي تبرطم: مااشي
*************************
اما عند مازن وسهيلة
كانوا يجلسون مع بعض أصدقاء السوء الذين لا يعرفون الله
مازن بخبث:بس حلو شغلك الجديد ده
سهيلة بتوتر :اه بس انا كنت عايزك في موضوع كده علي انفراد
مازن بملل: تمام اتفضلي
سهيلة: هتيجي تتقدملي امتي
مازن وهو يضحك: اتقدم اتقدم لمين قولتي؟
سهيلة بخوف: تتقدملي انا
مازن: بس بقا يبت انا سبت الي احسن منك بأخلاقها دي كلها لمجرد تشوه ولولا شكلي قدام الناس كنت كملت معاها يبقي هتجوزك انتي ده انتي تعريني واتجوزك ليه اصلا انا اخدت كل الي انا عايزه انتي متلقيش بيا حلوة دي قال اتجوزك قال
سهيلة بدموع التماسيح :
بقي كده اخرتها لا وكمان بتقول علي المشوها دي احسن مني انت اتجننت انا هثبتلك ان انا زيها زي وانها مبتفرقش حاجة ولا عندها ادب ولا اخلاق ولا حاجة واني احسن منها
مازن ببرود: وقتك خلص انا مش عايز وجع دماغ تثبتي متثبتيش دي حاجه ترجعلك
*************************
اما عند سرية
سرية: بقولك يا سمير انا عارفة كويس اوي ان موضوع حور ده مزعلك بس لازم نركز في شغلنا بقا متنساش ان اندرو باشا قرب يجي مصر يعني لازم كل حاجة تبقي تمام يأما هنضيع كلنا
سمير بتوتر:خلاص بقا يا سرية اي مزاجك انك ترعبيني مش فاهم انا بصراحة وبعدين حور دي تستاهل ان يتحزن عليها
سرية بسخرية:ماشي يا اخويا
*************************
اما عند حور
سهيلة بخبث: انا عايزة اجيلك اشوفك اصلك وحشاني اوي عنوان البيت الي قاعدة فيه ايه؟
حور: وانتي والله وحشاني
ثم اردفت بطيبة: العنوان..................... ده انتي هتحبي فاطمة وجميلة وطنط ماجدة اوي
ثم بعدها بحوالي ساعة
وجدت الباب يطرق
ثم قامت بفتحه
حور بفرحة: اهلا يا سهيلة عاملة ايه
سهيلة بمكر وحب مصطنع: عاملة ايه يا قلبي
ثم جلسن
سهيلة بخبث: بصي بقا يا حور انتي حبيبتي وانا احبلك الخير اي رايك تشتغلي معايا
حور بعدم فهم: هشتغل معاكي ايه هو مش انتي بتشتغلي في المحل الي تحت بيتك يبقي انا هشتغل فين
سهيلة بخبث وهي تضحك: محل ايه بس يا حور ده انتي طيبة اوي ده واجهة بس لشغلي الحقيقي انا بشتغل رقاصة يبنتي بس دي لسه مشتغلها جديد وغيرت نفسي كليا زي ما انتي شايفة كده لزوم الشغل
حور وهي مصدومة ولم تصدق ما تسمع ثم اردفت بصدمة: معقولة انتي تعملي كده اتقي الله ياشيخة مش صعبان عليكي ابوكي الراجل الغلبان الي ضيع عمره عليكي علشان تبقي حاجة ولا امك الشقيانة عليكي ازاي تغضبي ربنا اتقي الله واتفضلي مفيش بنا كلام غير لما ترجعي إنسانة كويسة عارفة ربنا كويس زي الاول يخسارة حقيقي يخسارة اتفضلي المقابلة انتهت
سهيلة بشتيمة: علي ايه انتي فاكرة نفسك حاجة انتي زيك زي اقل حاجة والي عمليلي فيها محترمة تطلعي عايشة هنا مع قال ايه طنط ماجدة وفاطمة وجميلة وادهم يعني عايشة هنا وفيه في البيت راجل غريب بردو يعني انتي اخر واحدة تكلمي وانا هفضحك في كل حتة وهخلي سيرتك علي كل لسان يا حور وظلت تقول لها هذا الكلام
حور ببكاء: اخرسي الناس دول احسن منك ميت مرة دول فاتحو بيتهم ليا وانا ماليش مكان اعيش فيه ولولا ان بيتي سكن ومفيش مكان اعيش فيه كنت ماقعدتش هنا وانا ازاي كنت مخدوعة فيكي كده ازاياما ادهم فقد استمع إلي حديثهم بأكمله وهو يهبط السلم
وفجأة
ادهم بغضب: انتي ازاي تكلمي مراتي كده؟
*************************
انتهي البارت رايكم يهمني ومش عايزة تم كالعادة 🤷🏻♀️
أنت تقرأ
واشرقت شمس الامل 💜 ما بعد الانتقام
Misteri / Thrillerانتقام؛ اكشن؛ حب؛ اجتماعي؛ غموض؛ تشويق هي ببكاء: حرام عليك انت ظالمني هو بغضب: وهو يضربها بقسوة بعد كل الي عملته معاكي تعملي كده انا هربيكي وهتفضلي محبوسة في الاوضة زيك زي الكلبة انا هعيد تربيتك وإياك اسمع صوتك جلست في غرفتها تبكي وترتجف بخوف هي...
