اللهم صلي وسلم وبارك على سيدنا محمد وعلى آله وصحبه اجمعين
لا إله إلا أنت سبحانك إني كنت من الظالمين
الحمدلله كما ينبغي لجلال وجهك وعظيم سلطانك
الحمدلله حمدا كثيرا طيباً مباركاً فيه ملأ السموات والأرض وملأ ما بينهما وملأ الدنيا كلها 💜💜
*************************
الفصل ٣٠
كانت حور تجلس وهي تنظف المنزل سريعا قبل ان يأتي ادهم ويضربها فهي اصبحت تخشاه وبشدة
ادهم وهو يدخل إلي المنزل رأها وهي منهمكة في العمل
ادهم بغضب وهو يشدها من شعرها حتي كاد يقتلع من جذوره : انتي لسه مخلصتيش مش قولتلك تخلصي كل حاجه وتترزعي في اوضتك ومشوف وشك هنا
حور برعب وهي تتأوه: سيب شعري اانا اااسفة
ادهم وهو يصفعها: مش عايزك تنسي دورك زيك زي اي خدامة فهماني
حور وهي تتأوه ثم اردفت ببكاء : س سبني ااانا معملتش حاجة حرام عليك
ادهم بغضب الدنيا: انتي لسه بتهتهي غوري من وشي غوري
*************************
اما عند جني واسر
جني: انا جهزت الميتنج كلها الشركات المتعقدة معنا جديد
اسر بجدية: تمام
وذهبوا إلي غرفة الاجتماعات
وجلسوا جميع العملاء الجدد
وظلت جني تشرح لهم اهم اعمال الشركة واهم الخطط الموضوعة كما فعلت كل سكرتيرة
احد العملاء بأنبهار: انت عندك جوهرة يا اسر بيه ماشاء الله ذكية جداا
اسر وهو يغلي غضبا ثم اردف بعصبية استغربها الجميع: اتفضلي دلوقتي انتي اظن دي خطة الجروب كلها ومعروف ان الكل قائم عليها وكل موظف او موظفة هنا ليهم دور اظن واضح جدا يأما مكناش نوصل لأننا نبقي رقم واحد في الشرق الاوسط
الرجل بإحراج: تمام يا اسر بيه انا عجبتني بس الفكرة حضرتك اهدي
وجلسوا يستكملون عملهم
اما بالخارج خرجت جني وهي مستغربة هجومه وغضبه
جني بأستغراب: ماله ده يلا انا مالي انا بعمل شغلي ربنا يهدي
*************************
كانت جالسة تراجع دروسها ولكنها شاردة تري اين اهلها ولماذا ذهبت إلي هذا المكان الذي تكره هل خطفت في الصغر؟ هل يوجد امل ان تلتقي بهم من جديد نعم هي تشعر وكأن ماجدة وفاطمة وادهم بمثابة عائلة لها تماما ولكنها تريد معرفة الحقيقة وان تلتقي بأهلها
فاطمة بصوت عالي: جميلة يا بت
جميلة بأنتباه: ايه بتقولي حاجة يا فاطمة
فاطمة: انتي مش معايا خالص الجميل بيفكر في ايه
جميلة: نفسي الاقي اهلي
فاطمة بحنان وهي تملس علي شعرها: واحنا مش اهلك وانا مش اختك ولا ايه
جميلة بحب:ربنا يعلم انتو اهلي لولا ربنا في الاول ولولاكم مكنتش عارفة هعمل ايه ولا هدافع عن نفسي ازاي
فاطمة بحب ومرح:انا ماليش في الجو ده تعالي يلا نأكل كيك عملت بقا كيكة تستاهل بوقك وهعملك كحك إن شاءالله
جميلة بسرعة:لا كحك لا
فاطمة باستغراب:ليه
جميلة بهزار:خليها بعد النتيجة
فاطمة بضحك:شكلك ناوية تعملهونا انتي
جميلة بغيظ:كده طب شوفي مين هيأكل الكيك المسمم بتاعك
فاطمة وهي تضحك بشدة:خلاص يا ستي يلا
************************************
عند حناوي
كان في السجن محكوم عليه بتهمة خطف الاطفال
حناوي بحقد: بقا كده يا حضرة الظابط عامل فيها بطل وبتقبض علينا ثم اردف بمكر بكره يجي الي يخرجنا اه اكيد اندرو بيه مش هيسبنا ده احنا رجلتوا بره
احد زملاؤه وكان معه في عمله المشبوه: والله انت غلبان احنا بنسبة له وسيلة نروح احنا يجي عشرة مكانا
حناوي بغضب: اخرس يلا بدل ما اخرسك حناوي مفيش زي شغله ابدا ولو لف الدنيا ده رجله بردو وبكره نشوف
رمقه الاخر بسخرية ثم صمت
*************************
في احد الاحياء الشعبية تدخل غادة بيتها ( غادة الدكتورة الي بتشتغل في شركة اندرو الي بيهددها انها تلعب في الادوية وهي رفضة) وتقابلها والدتها
والدة غادة وتدعي عزة
ازيك يا حبيبتي احضرلك تأكلي
غادة بحزن دفين: لا ماليش نفس انا عايزة انام بس ده الي انا محتاجه دلوقتي
زوج والدتها ويدعي هشام : ما تبطلي دلع يختي فيها هي ناقصة
عزة بغيظ: يا راجل حرام عليك سيب البت في حالها انت مش شايف شكلها
دخلت غادة غرفتها واستلقت علي سريرها فكل ما تريده هو ان تهرب من واقعها الاليم اما ان تسمع كل مديرها الاحمق وتلعب في جرع الادوية اما ان تخسر امها فهي بالطبع لا تخاف علي نفسها بل عائلتها تتمني لو كانت هي بمفردها التمن كانت دفعته دون تردد
************************************
عند اسر وجني
بعد الانتهاء من الميتنج
كانت جني بالخارج في مكتبها كما امرتها اسر
خرج كامل والذي ابهر بذكاءها في العمل اثناء الميتنج
: انسة جني
جني بحدة: نعم يا فندم في حاجة
كامل بجدية: انا عاوز اطلب إيدك
عاوز تطلب إيد مراتي يا روح امك!؟ ده انت ليلتك سودة
كان هذا بالطبع اسر الذي استمع إلي حديثه
كامل بآحراج وتهتهة: والله مكنت اعرف انا اسف
اسر بغضب وهو يلكمه في وجهه: انت هتستعبط الشركة كلها عارفة انها مراتي وكتب كتابها وكمان كام شهر هنعمل فرحنا إن شاء الله تيجي انت بمنتهي البجاحة تطلب إيدها
هرب من يده الراجل ركضا بخارج الشركة كلها
جني بتوتر: الراجل مكنش يعرف و
اسر وهو يقبض علي يدها بقوة: انتي تخرسي خالص انا هنهي الشراكة الي بينا بسببك قولتلك اترزعي في البيت خسرتيني نصف الشركا لكن مفيش سمعان كلام نقول ايه
جني : الله وانا مالي يا لمبي
اسر بغيظ: وكمان ليكي نفس تهزري انا هتشل صبرني يارب
*************************
اما في المساء
تقدمت حور من ادهم برعب ولكنها استجمعت شجاعتها
حور بشجاعة مصطنعة: اادهم احنا لازم نتكلم مينفعش حياتنا كده و
ادهم وهو يقبض علي شعرها بقوة:انتي فاكرة ان في بينا كلام او انك لسه مراتي بجد وحقيقي والمفروض نقعد نتكلم وكده انتي بنسبالي ميتة عارفة انا لغاية دلوقتي ماسك نفسي عنك اني مقتلكيش بأيدي او رميتك في الشارع ليه علشان اعذبك الاول لازم تدفعي تمن حبي بعديها انتقم بعد ما تأخدي عذابك والي تستحقيه
حور وقد نجحت في الفرار من يده ثم صرخت فيه بأنهيار:حرام عليك كفاية كفاية مش هستحمل ظلمك وإهانتك دي كتير قولتلك مظلومة مظلومة ايه مبتفهمش للدرجاتي
ادهم وقد انهار الاخر وصفعها بشدة:انتي مكانك مش هنا انا هرميكي بره انتي طالق ثم القها بالخارج وغلق الباب وجلس مكانه وسمح لنفسه بأن ينهار بكي وكأنه لم يبكي من قبل علي خيانة حبه له كما وسوس له شياطنه
اما هي فظلت تسير في الشارع بلا هدي نعم هي لديها اماكن تذهب إليها مثل صديقتها جني او ماجدة والتي بمثابة ولدتها ولكنها ولأولي مرة تريد الجلوس بمفردها لا تقوي علي التحدث مع احد تمشي في الشوارع كالطفل الذي فقد امه تري الحياة امامها سوداء لا تري شئ هي زهدت كل شئ بحياتها حبيبها والذي تعتبره كل شي في حياتها ظن فيها ظن السوء ولم يصدقها
(وقالوا سعيدة في حياتها ووصلها لكل احلامها)
ظلت تسير وتسير دون ان تري امامها
مالك يبنتي
حور بتوهان: وهي تنظر لوجه الرجل المسن والذي يبدو عليه الطيبة والوقار
حور: اانا اسفة اني خبطت في حضرتك
الرجل ويدعي الشيخ عبدالله: ولا يهمك يا بنتي مالك وليه الدموع دي احكيلي انتي زي بنتي
حور بتوهان:ليه؟!
الشيخ عبدالله:ليه ايه يبنتي
حور ببكاء:ليه انا دونا عن الناس كلها بيحصل فيا كده ليه ليه
الشيخ عبدالله:استغفري الله يبنتي انا مش هقولك احكي دلوقتي بالتفصيل وانتي في حالتك دي انا كل الي هقولهوك خلي عندك حسن ظن بالله بمعني إن الله إذا احب عبد ابتلاه ربنا بيبتلينا علشان يفكرنا علشان نرجعله ونقول يارب مش علشان نقول ليه قولي يارب قولي يارب وانتي قلبك يرتاح
حور ببكاء:يارب
الشيخ عبدالله بحنان ابوي:امسحي دموعك يابنتي وافرحي اه متستغربيش افرحي ربك بقول في الحديث القدسي
( عبدي ابتليتك ليس لهوانك علي ولكن لقدرك عندي وعزتي وجلالي ما ابتليت إنسان في وليد او مرض او مال فأصبر واحتسب وأقام الصلاة إلا واستحيت ان انصب له ميزان يوم القيامة 💜)
تخيلي ربنا بعظماته يستحي من العبد ان ينصبلوه ميزان يوم القيامة تخيلي؟! لمجرد انك تصبري والدنيا دي اسمها دنيا يعني يابنتي دانية مش دايمة متستهلش ولا دمعة من دموعك طب ده حتي الكافر لما شاف عذاب ربنا قال ياليتني قدمت لحياتي يعني حياتنا الابدية هي دار الاخرة والاخرة خير وابقي انتي في اختبار انجحي في اختبارك واصمدي وكفاحي
حور براحة من كلام هذا الرجل: بس انا مبقاش فيا طاقة اني اكافح
شيخ عبد الله:غلطانه هقولك لا يكلف الله نفسا إلا وسعها كفاحي اين كان الي ظلمك في الدنيا ثقي ان حقك ربنا هيدهولك
هحكيلك قصة رجلين اخوات صابر وحسن صابر حياته كانت صعبة اوي بنته تعبانة واتطرد من شغله علشان رفض رشوة اتعملوا مكيدة ووقعوا فيها واتبلو عليه وحالته المادية صعبة والدنيا ضاقت بي ومرداش يقبل فلوس من اخوه لان فلوسه حرام لكن صبر واحتسب ودعي ميأس ربنا رزقه بشغل احسن بعدها بأسبوع وبضعف المرتب وعالج بنته وخفت اخوه التاني حسن كان الكل بيحسدوا علي عشته زي قارون لما كان الناس الجاهلة لما يشوفوا يقولوا يارتنا كنا مكانوا ولما غرق الكل قال ده ال كنا بنمتي نبقي مكانه؟! اخوه ده كان فسح وعربيات واخر عز تقريبا مكنش عنده مشكلة في حياته وفي الاخر مات في سهرة من السهرات المشبوهة وهي بيشرب خمرة وبقا الكل بيحمد ربنا انهم مش زيه وختمتهم كده وهيقابلوا ربنا كده فاهمني يا بنتي مش دايما الابتلاء بيبقي وحش ساعات بيبقي نعمة واحنا مش حاسين ويصحينا من الغفلة ومن تلاهي الدنيا ثم اردف بأبتسامة عجبا للمؤمن امره كله خير له 💙
اصبري واحتسبي يا بنتي
حور براحة وطمأنينة: شكرا ليك يا عم الشيخ
انت اتأخرت ليه يا عبد الله العشاء خلصت من فترة قلقت عليك نزلت اشوفك
كانت هي زوجته سيدة
سيدة بطيبة: ومين البنوتة القمر دي
عبدالله بأبتسامة: اعرفك سيدة مراتي وانتي اسمك ايه بقا
حور بأبتسامة مرهقة: حور
سيدة: الله اسمك حلو زيك
عبدالله: يلا تعالي يبنتي كلي حاجة احنا بعد العشاء
متقفيش في الطريق كده
حور برفض: لا شكرا و
ثم اغم عليها من شدة الارهاق
سيدة بخضة: يلهوي
عبدالله: يحول الله شيليها معايا نمددها جوه ونطلب لها الدكتور
*************************
لا بس انت خلصت كل حاجه في وقتها يا اندرو بيه استاذ فعلا
اندرو بغرور: اومال ايه انت ناسي اننا وارنا سفر ولا ايه
جون: اه الشهر الجاي تسافر بطيارتك الخاصة ولا نحجز طيران
اندرو بعدم مبالاة: مش فارقه Every thing
*************************
اما عند حور قد جلب لها عم عبد الله الطبيب
سيدة بشفقة: يا حبة عيني الدكتور قال انها تعبانة نفسيا وعندها انهيار عصبي يتري حكايتك ايه
سارة وهي ابنتها ومتزوجة ولكن زوجها مسافر: صعبانة عليا يماما شكلها فعلا عندها مشكلة صعبة
عم عبدالله: لا حول ولاقوة الابالله ربنا يعفو عنا وعنها
استيقظت حور بعد قليل وتذكرت كل شئ
حور بتعب: هو انا فين
سيدة: انتي هنا في بيتنا تعبتي فجبناكي هنا عملتلك بقا فرخة وشربة علشان تأكلي وتتغذي
حور بتعب: شكرا لحضرتك انا لازم امشي
عبدالله: والله ما انتي ماشية اقعدي وكلي تمشي ازاي في حالتك دي
سارة بمرح: ياستي اخيرا بقا عندي اخت بنت اعرفك انا سارة وهصدعك انهاردة انا بنت الشيخ عبدالله متخافيش مش حطين حاجة في الاكل حتي هأكل معاكي علشان تتأكدي بنفسك
حور بأبتسامة متعبة: اتشرفت بيكي
عبد الله بأبتسامة: سيبها تاكل وترتاح يابنتي
وظلت مع هولاء الاناس الطيبين حتي تستعد عفيتها
*************************
انتهي البارت من اكتر الفصول الي تعبت وانا بكتبه اتخلط عندي شعورين فرح بالكلام الي فيه ووزعل علشان حور 💙💙
رايكم يهمني ومش عايزة تم بعد كل ده 💜💜
أنت تقرأ
واشرقت شمس الامل 💜 ما بعد الانتقام
Mystery / Thrillerانتقام؛ اكشن؛ حب؛ اجتماعي؛ غموض؛ تشويق هي ببكاء: حرام عليك انت ظالمني هو بغضب: وهو يضربها بقسوة بعد كل الي عملته معاكي تعملي كده انا هربيكي وهتفضلي محبوسة في الاوضة زيك زي الكلبة انا هعيد تربيتك وإياك اسمع صوتك جلست في غرفتها تبكي وترتجف بخوف هي...
