واشرقت شمس الامل 💜 ما بعد الانتقام

الفصل ١٩

الفصل  19 💜
سبحان الله وبحمده سبحان الله العظيم 💜
اللهم صلي وسلم وزد وبارك علي سيدناوحبيبنا محمد وعلي آله وصحبه اجمعين ♥♥
الحمد عدد ماكان وعدد ما سيكون وعدد ذرات الحركة والسكون 💜💜
*************************
في منزل ماجدة
في المساء
تسحبت حور للنوم بجانب ادهم فهي اصبحت تخشي وبشدة النوم بمفردها من و قت ما فعلته بها زوجة ابيها فهي دائمآ ما تصاحبها كوابيسها وتقوم مفزوعة
اما ادهم فقد كان ينوي ان يحملها لتنام هي مكانه ويذهب هو للنوم علي الكنبة حتي لا يألمها ظهرها ولكنه وجدها تتسحب فاغمض عينيه سريعا متصنع النوم وصدم عندما وجدها تنام بجانبه ولكنها بعيدا كثيرا وتنكمش علي نفسها بخوف من ان تحلم بأحد كوابيسها المزعجة
حور وهي تخطط في نفسها انا كده كده بصحي تلقائيا علي ميعاد صلاة الفجر اصحي قبله واقعد اقرأ قراءن للصبح ومنمش تاني وهو اكيد هيكون كل ده نايم وبكده مخفش انام لوحدي واصحي قبله علشان ميبقاش شكلي طفلة لو عرف ان انا بخاف ثم ذهبت في نوم عميق
اما ادهم فقد فتح عينه وابتسم بحب ثم اردف ربنا يزرع حبي في قلبك يا مغلباني
*************************
في صباح اليوم التالي  🌤
استيقظت حور سريعا قبله او بالأخص مثل انه نأم عندما وجدها تتملل في نومها
حور بسعادة:الحمد لله اقوم اصلي بقا وقامت تتسحب
اما ادهم فقد ضحك عليها بشدة وبعد قليل خرجت حور بعدما توضأت ووجدته  يستيقظ وهو يبتسم ابتسامة جميلة: صباح الخير يا حوري
حور بإحراج: صباح النور يا ادهم
ادهم بمشاكسة: ايه الطماطم دي
حور بإحراج: احم ها عادي المهم يلا بقا نصلي علشان ننزل نفطر اصل انا جعانة اوي
ادهم بتنهيدة: يلا يا حور
وبعد الانتهاء من الصلاة نزلوا إلي الاسفل
ماجدة بسعادة: صباح الخير يا ولاد ماشاء الله قمرات
حور بكسفة: تسلمي يا ماما وتناولوا الطعام
ادهم بجدية: هنزل انا شغلي بقا يا امي
ماجدة بصدمة: ايه انت لسه عريس تنزل ازاي
ادهم: معلش يا امي انتي عارفة شغلي الايام دي صعب ازاي
ماجدة بضيق: ولو يا ادهم
ولكن ادهم كعادته لم يستمع لكلام احد وقد ذهب إلي عمله فهو وحور علي علم جيدا بحقيقة زواجهم
*************************
اما عند سرية
سرية بضيق: اموت واعرف الي الضابط ده مزعلك اوي كده ليه
سمير بغضب: بيدور ورانا جامد وشكله هيودينا في داهية ادهم ده مسمينه الاسطورة محدش قبل كده عدي من تحت إيده
سرية: اموت واعرف شكله ايه
سمير بسخرية: اهو يختي ثم اخرج هاتفه وقام بفتح اكونت ادهم وجعلها تشاهد صورته
سرية بصدمة: ده ادهم؟! 
سمير بتعجب: مالك مسهمة كده ليه؟!
سرية وقد فاقت من صدمتها: فاكر حور؟
سمير: هو انا كنت نسيتها علشان افتكرها
سرية: ده يبقي وقصت علي مسامعه معرفته بحور وزيارته لها وضربه لابنها بشدة لمحاولة اعتداءه علي حور
سمير بصدمة: كل ده يحصل يعني ايه يعني حور تعرف ادهم وعمل كل ده علشانها ثم اردف بخبث: كده اللعبة احلوت اوي واهو نضرب عصفورين بحجر واحد
*************************
اما عند سهيلة
سهيلة بغل: شرنوبي
شربوني وهو احد الرجال الذين يعملوا معها في هذا المكان السئ
شرنوبي: تؤمري يا ست الناس
سهيلة بخبث:  مش ست الناس زي ما بتقول
شرنوبي بتأكيد: اكيد
سهيلة بخبث: لو طلبت منك طلب تعمله هتعمله
شرنوبي: طبعا انتي بس اؤمري ومحسوبك في الخدمة
سهيلة بمكر الثعالب: عايزك تخطف حد كده وتعلم عليه
شرنوبي: مقدور عليها بس انتي اديني معلومات عن الي عايزة تأدبي او تأدبيها دي وانا اجبهولك تحت رجلك
سهيلة بخبث : ماشي
*************************
اما عند ادهم في العمل وقف بسعادة: ثم اردف:  انت متأكد من المعلومات دي يا خالد؟ 
خالد بتأكيد: طبعا بس هتم العملية دي كمان 3 شهور كده ده الميعاد الي مرتبين فيه
ادهم بتعجل:  يا لسه هستني ٣ شهور انا مش عارف ازاي نبقي عارفين عن الكلاب دي كل حاجة لكن لازم نمسكهم متلبسين
خالد: اصبر الانتقام قرب وقرب اوي كمان
ادهم وهو يشعر وكأن حق صاحب عمره ورفيق دربه قرب ان يأتي اردف بأمل : ماشي ويا انا يا هما وربك دايما بينصف الحق
*************************
اما في المساء كعادة ادهم عاد مهلك من عمله
وكان الجميع في غرفهم ولكن اوقفه صوت يتحدث بغيظ
اسر بغيظ: ادهم
ادهم بملل: وبنبرة متعبة في ايه يا اسر
اسر: مش قولتلي هنروح نطلب ايد جني
ادهم: اه وقلتلك مينفعش انهاردة علشان مش فاضي
اسر بغيظ: اومال امتي
ادهم: بكره إن شاءالله بس فاكرني انت عارف شغلي ازاي الايام دي
اسر بفرحة وهو يقبل احد وجنتيه: شكرا يا اسطا
ادهم بصدمة: اسطا وبتبوسني لا ده انا اتجننت رسمي بقيت بيئة يا اسر اطلع انام احسن
ثم صعد الي غرفته دخل وجد حور تقرأ القراءن الكريم بصوت عذب ثم صدقت
حور: صدق الله العظيم ازيك يا ادهم ثم اردفت بقلق: مال شكلك تعبان ليه كده
ادهم بفرحة من داخله لقلقها عليه ثم اردف بابتسامة: لا الحمد الله كويس وبخير الحمد الله وانهاردة بذات كويس اوي الحمدلله بس تعبان شوية من الشغل
حور: ربنا بقويك اجهزلك تأكل بقا
ادهم: لا الحمد الله
حور بزعل طفولي: يعني انا مستنيا كل ده علشان متأكلش لوحدك وفي الاخر تقولي لا
ادهم بحب : تمام يلا يا حوري جهزلنا الاكل علي ما اغير هدومي
حور: ما بلاش حوري دي افرض حد سامعك يقول ايه
ادهم بصدمة: انتي مراتي والله
حور : يعني عادي ماشي
ادهم وهو يكاد يشل منها روحي يا حور الله يكرمك قبل ما ضغطي يعلي
كتمت حور ضحكتها ثم ذهبت تحضر لهما الطعام وبعد تناول الطعام ذهب لينام وكان يراقب حور ووجد انها فعلت مثل ما فعلت من قبل وبعد ما ذهبت في النوم جلس يتأمل ملامحها الجميلة ثم قال حق اخوكي وصاحب عمري قرب اوي يا حور وحياة كل لحظة اتألمت فيها يا صاحبي وحياة كل دمعة نزلت من عينك يا حور لاندمهم كلهم ثم مالبث دقائق حتي ذهب في نوم عميق من شدة تعبه
*************************
اما عند شرين
شرين: اظن انا كده عملت الواجب وورق الصفقة بقا عندك
بدر: جدعة يبت انا بردو كان نظرتي صح لما قولت انك بتفهمي
شرين: طول عمري بفهم
بدر بخبث: بس متنسيش مهمتك الاكبر
شرين بزهق: مش عارفة ليشرين بزهق: مش عارفة لي يعني مصمم بذات اني اخطف البيت دي
بدر بملل: سألتيني قبل كده وقولتلك ميخصكيش
شرين بغيرة وحقد: ليه بقا مش انا بقيت شركتك يبقي المفروض اعرف كل حاجه
بدر بتحذير: انتي زيك زي اي حد وسرقتك للورق بتاع الصفقة لهفتي قدامه ١٠٠ الف ج يعني متعمليش فيها بقا شركتي وقلبك  عليا وبتحبي والجو ده لان اكيد مش هصدقك
شرين بغضب: هي بقت كده ماشي يا بدر
ولكنها لا تقدر ان تغدر بيه لانها من وجهه نظرها انها عملت معه من البداية ولا ينفع ان تخرج من هذه اللعبة خاسرة كل شئ فكفي ان اسر لم يعيرها اهتمام ولكن الله سوف يحاسبها اشد الحساب علي مكرها وشرها هذا
*************************
اما عند حور
حور بفرحة: ابحاثي الحمد الله نجحت وفاضل موافقة عليها ودكتور فهمي قالي انه فخور بيا انهاردة الصبح لما كنت في الجامعة
جني بفرحة لصديقة عمرها: ربنا يفرح قلبك يا حور
حور بحب: يارب انا وانتي يا قلبي
وجلسوا يتحدثون
جني بحزن: لسه بردو مصممة تغطي وشك بالطرحة بتعتك بالشكل ده يا حور 
حور بدموع: انا كل الي بعمله اني بلف الطرحة علي وشي شوية علشان تداري التشوه ده يا جني مش عايزة حد يبصلي بشفقة
جني بدموع هي ايضا وحزن حقيقي لحزن صديقتها: يا حبيتي خلي عندك ثقة في نفسك وانتي قمر في كل حالاتك زي ما ادهم قالك ثم اردف بمشاكسة حتي تخرجها من هذه الحالة: طب ده يوم كتب كاتبك لما كنت عندكم عجبني شكلك كنتي قمر كده وادهم بردو كان قمر
حور وقد تناست حزنها واردفت بغيظ: لمي نفسك يا جني بدل ما تضربي
جني بضحك: احنا شكلنا بنغير بقا
حور وهي تكذب نفسها: ها لا طبعا
جني: يا راجل
حور:  والله ما عارفة يا جني بس هو طيب وحنين حتي لو قاسي علي الكل والاهم من كده بيصلي وعارف ربنا وبحس معاه بألامان و
جني بخبث: هههههههه وبتقولي مش عارفة ايه ده انتي شوية وتكتبي شعر فيه
حور وهي تضربها بغيظ: غوري من هنا يا جني وجلسوا يضحكون ويتحدثون
*************************
اما في منزل جني
كانت والدة جني جالسة تؤدي فرضها وتصلي صلاة المغرب وبعدما انتهت وجدت الباب يطرق
عايدة: هي جني لحقت تيجي فقد كانت جني بالخارج تشتري بعد الطلبات للمنزل ثم سارت بكرسيها المتحرك إلي الباب لتعرف من الطارق
عايدة بضيق وتوتر: استاذ محسن خير حضرتك عايز حاجه
محسن بخبث: جري ايه يا ام جني مش هتقولنا اتفضل
عايدة بتوتر: معلش انا اسفة بس مفيش حد في البيت حضرتك تؤمر بحاجة
مسعد بسماجة: هما كلمتين بس انا طالب القرب منك في جني بنتك
عايدة والصدمة قد لجمت لسانها  : ايه
مسعد: مالك مسهم كده ليه
عايدة وقد فاقت من صدمتها: دي قد عيالك
مسعد بغضب: ومن امتي كان السن مهم
عايدة بغضب: اتفضل حضرتك معنديش بنات للجواز وليه اخلي بنتي رابعة مع حد في سن والدها اتفضل حضرتك
مسعد بغضب: ماشي اما ندمتكوا مبقاش انا مسعد
عايدة بغضب: هو بالعافية توب علينا يارب من الاشكال دي
*************************
اما جني فقد عادت من الخارج وقصت لها والدتها ما قد حدث
جني بغضب: راجل مجنون سيبك منه
وقد غاضبة للغاية ولكن ولدتها هدأتها وجلسوا يتحدثن بعد قليل طرق باب المنزل
جني: اهلا عمر وتقي اخواتي التؤام وحشنا شكلكم والله
عمر بسخرية: اتريقي اتريقي ما انتي كنتي طالبة زينا وبتروحي دروس بردو والصبح مدرسة ودلوقتي بردو طالبة في الجامعة متعمليش نفسك كبيرة علينا يعني
جني بغيظ: ايه الرغي وطولة اللسان دي شايف تقي محترمة ازاي
تقي: طبعا هو انا زيه ولا ايه
عمر بغيظ: وانتي تطولي طب ده انا اشطر منك بكتير
تقي بغيظ: انا اشطر طبعا
عايدة: بس كفاية دوشة ربنا يكملك بعقلك يا جني
جني بغرور مصطنع: طبعا ثم اردفت بعد فترة: لا طبعا انا اشطر منكم انتو الاتنين
*************************
اما عند سهيلة
سهيلة بغضب: يعني ايه مش عارف
شربوني: اعمل ايه بس وانا ايه ذنبي مبتخرجش لوحدها خالص يأما جوزها بيوصلها اي مشوار او بيبعت سواق كده يوصلها وساعات بودي جارد لما مش عارف اجبهالك خالص يعني انا اعمل ايه
سهيلة بحقد وغضب: كل ده عايشة فيه اسمع بقا تفضل مراقبها لغاية ما تبقي لوحدها اكيد هتبقي لوحدها ويا انا يا هما
*************************
انتهي البارت رايكم يهمني ومش عايزة تم 💜💜