الفصل ٤٢ 💜
اللهم انت ربي لا إله إلا أنت خلقتني وأنا عبدك وأنا علي عهدك ووعدك ما استطعت أعوذ بك من شر ما صنعت أبوء لك بنعمتك علي وأبوء لك بذنبي فاغفر لي فإنه لا يغفر الذنوب إلا أنت
لا إله إلا أنت سبحانك إني كنت من الظالمين
اللهم إني أسألك حسن الخاتمة 💜
اللهم لا تتوفاني إلا وانت راضي عني
اللهم صلي وسلم وبارك على سيدنا ونبينا وحبيبنا وشفيعنا محمد وعلى اله وصحبه اجمعين
*************************
الفصل ٤٢ 💜
حور: ادهم يا ادهم
ادهم بحب وهو يحتضنها: نعم يا قلب ادهم
حور بخجل: هتقعد معايا انهاردة صح اعتقد العملية الي انت شغال عليها خلصت صح
ادهم: شغلي مبيخلص
حور بغيظ: اشمعنا انت دون عن الكل شغلك كتير كده
ادهم بضحك: ياستي ده شغلي وبحبه
حور بغيظ: بتحبه؟
ادهم بضحك: هههههههه بتغيري من شغلي يا حور؟!
حور: وانا اغير من شغلك ليه إن شاء الله يلا روح ده انهاردة المفروض يوم اجازة
ادهم وهو يقبلها:حبيبتي مش عايزك تزعلي هرجع إن شاءالله بدري مش هتأخر اوك
حور بحب:مقدرش ازعل منك يا ادهم يلا لا إله إلاّالله
ادهم بابتسامة: محمد رسول الله ♥
*************************
في مكان اول مرة نذهب إليه نجد بيت بسيط ولكن رغم بساطته يملأوه الدفء والحب بين افراده
مراد بحب وهو يترك الباب: يا اخيرا هرتاح
سارة بحب: حمد الله علي السلامة اتأخرت ليه يا ابو ريم العيال جاعنين
مراد وهو يحتضن ابناءه حبايبي الحلوين وحشتوني
سارة بحب: يلا ادخل غير علي ما انا اجهز الاكل
مراد بحب: ماشي
وجلسو يأكلون ويضحكون
استوووب
مراد شخصية جديدة معانا هو عامل بسيط بيشتغل في حراسة شركة مهمة اوي وسارة تبقي زوجته عياله ريم ورونة ومحمد وبيجاد بيحب اسرته جداا وبيتعب علشانهم وحياتهم مستقرة وكلها دفء وحب ياتري هيستمرو زي ماهما ولا لا
*************************
لسه زعلان
اسر وهو ينظر لها ببرود مصطنع: اه لسه زعلان طبعا الهانم مبتثقش فيا المفروض ابقي فرحان
جني بخجل: احم انا اسفة يا اسر
اسر بحزن : مش اول مرة يا جني لو مش واثقة فيا ممكن ننفصل لو عايزة العلاقة الي بتتبني علي شك بتبقي محكوم عليها بالفشل
جني بفزع ودوموع: لا والله انا اسفة يا اسر
اسر وكاد ان يتحدث فقد المه منظرها
جني بجمود مصطتنع ودموع: ولا اقولك عايزة تمشي امشي بس انا مش عايزك تمشي ثم استعادت نبرتها القوية عادي انتو كلكم فترات بابا بردو الله يرحمه ساب ماما في فترة بس رجع تاني انت براحتك ثم اردفت وهو تحاول ان تسيطر علي دموعها امامه: اعمل الي يريحك ولا يمكن اكتشفت اني مش من مستواك اتفضل يا اسر انا متعودة اني اكون لوحدي وهمت ان تذهب
اسر وهو يزرعها بين احضانه ثم اردف بدموع متحجرة: اخرسي يا مجنونة انا مقدرش اعيش من غيرك انا بس دمي اتحرق وقلبي وجعني من شاكك فيا غير كده انا كلمة بحبك دي قليلة عليكي والله بطلي هبل بقا قال تمشي قال ده انا كنت ضربتك
جني وهي تمسح دموعها: خلاص كفايه نكد بقا وحياة عيالك
اسر وهو يضحك بشدة: خلاص يا جوجو وصلة النكد خلصت صح
جني بغيظ: صح
اسر بحب وبنبرة ذات مغزي: انا بحب ويستحيل اسيبك طول ما فيا نفس فاهمة يا جني
جني بحب وخجل : فاهمة يا اسر
اسر بحزم مصطنع: يلا علي شغلك ياهانم
جني بابتسامة: حاضر
*************************
الوردية عندي دلوقتي اه يا حبببتي اديني بشرب شاي علشان اعرف اطبق طب حببتي مع السلامة
هتفضل قاعد كده للصبح ماتريح شوية يا راجل
مراد وهو يرتشف من كوبه الشاي: مقدرش يا سيد اسيب شغلي
سيد وهو صديق عمله ثم اردف بخبث: لا منا عارف اخلاصك خد عملتلك كوباية تانية دي صغيرة
مراد بأستغراب: اشمعنا يعني علي العموم كتر خيرك هات ياخويا
سيد بخبث: اتفضل بالهنا
*************************
ادهم بحب: شوفتي جيت بدري ازاي تعالي هغديكي بره
حور بابتسامة جميلة تزين ثغرها:حمدلله علي السلامة بس لا تعالي نتعشي في بيتنا احسن مع شوية شاي بالدنيا
ادهم: للأسف حجزلتنا خلاص الجايات اكتر بإذن الله يلا اجهزي يا حوري
في سيارة ادهم
بقولك ايه يا ادهم كبر دماغك من الحجز ده تعالي هوديكي مكان بقي تأكل صوابعك وراه
ادهم بأستسلام:قولي العنوان ياست حور ثم انحني بطريقة مسرحية خدامينك برينسس حور
حور بغرور مصطنع: عارفة عارفة
ادهم وهو يرفع احد حاجبيه: لا يااختي وحياتك امك متعيشيش في الدور
حور بضحك شديد: خلاص خلاص يلا امشي يمين وكمل علي طول
ادهم: ادينا ماشين
حور بمشاكسة: شغل الكاسيت ده
ادهم: حاضر يا ستي اهو
شو كانت حلوة الليالي، والهوى يبقى ناطرنا
وتجي تلاقيني، وياخذنا بعيد، هدير المي والليل
كان عنّا طاحون ع نبع الميّ
وقدامه ساحات مزروعة فيّ
وجدي كان يطحن للحي قمح وسهريات
ويبقوا الناس بهالساحات
شي معهن اكياس شي عربيات
رايحين جايين ع طول الطريق تهدر غنيات
آه يا سهر الليالي آه يا حلو على بالي
غني آه غني آه، غني على الطرقات
ياي ياي ياي يا سهر الليالي
ياي ياي ياي يا حلو على بالي
غني (آه) غني (آه) غني على الطرقات
وراحت الأيام وشويّ شويّ
سكت الطاحون ع كتف الميّ
وجدي صار طاحون الذكريات
يطحن شمس وفيّ
يا سهر الليالي آه يا حلو على بالي
غني آه غني آه، غني على الطرقات
ياي ياي ياي يا سهر الليالي
ياي ياي ياي يا حلو على بالي
(غني آه غني آه غني على الطرقات
*************************
مراد: يخبر الكوبايه وقعت يلا الحمد الله اسند دماغي شوية اه ياني
سيد بمكر: يلا يباشا تقدرو تسلموا بضاعتكوا في امان انا حطتله منون انا مروح انا دلوقتي سلام يباشا بس نسبتي توصلي تمام ماشي إلي القاء في عملية اخري هههههه
بعد قليل
مراد بأستغراب: ايه الناس الي هناك دي ومالهم بيزعقوا كده ليه اما اشوف
يعني ايه احنا هنحفر دلوقتي الباشا مستعجل فيه اثار كتير لازم تتهرب قبل بكره بليل اظن واضح
مراد وهو تتسع عينيه بشدة: يولاد الكلب بتأجروا في الاثار لازم ابلغ عنهم وامشي دلوقتي حالا قبل مايشوفوني ولكن اوقات تأتي الرياح بما لا تشتهي السفن اثناء هروبه وقعت مدلية مفاتيحه مصدرة صريرا عاليا
ايه الصوت ده امسكوا الواد ده فورا
مراد بخوف: اانا معملتش حاجه انا خدمكوا سيبوني اعيش علشان عيالي
الرجل بخبث: تربي عيالك اممم طب اسمع بقا يا حلو انت هتشتغل معانا
مراد برعب: لا لا اانا مش هعرف اشتغل اانا همشي ومش هتشوفوا وشي خالص ولا هنطق بكلمة
ههههههه هو يا حلو دخول الحمام زي خروجه يا هتموت دلوقتي يا هتشتغل معانا غصب عنا وفي كل الاحوال مش هتتكلم طبعا اصل الاموات مبيتكلموش ثم اصدر ضحكة عالية ههههههههههه
مراد برعب: حااضر
*************************
كان ينظر لها بقرف جالي علي وجه وهي تأكل بنهم
حور: الاكل تحفة مبتأكلش ليه يا دومي
ادهم بقرف منها: جايباني مسمط احباب السيدة ده مكانك المفضل هتشليني
حور وهي تأكل بنهم: خد بس الحتة دي وادعيلي
ادهم بقرف: ابعدي يا حور احسنلك واسلملك
حور بضحك: حاضر يا دومي حاضر
ادهم بغيظ وغيرة: وطي صوتك يا حور احسنلك وخلصي اكلك ده ويلا نمشي
حور وهي تكتم ضحكتها: حاضر
ثم ذهبا بعدها
حور بحب: تعالي يا ادهم نتمشي بعيد عن العربية شوية
ادهم بابتسامة: ماشي اتفضلي وظلا يتمشان علي النيل حتي وقفا
حور بأبتسامة: تعرف يا ادهم ان المشي والاكل البسيط ادفي بكتير من المطاعم الغالية والمناظر الكدابة
ادهم بأبتسامة: اكيد يا حوري
حور: تعالي ناكل فول من العربية الي هناك دي
ادهم بصدمة: يخربيتك مينفعش اللخبطة دي في الاكل
حور بإحراج: لا ياحبيبي ده علشانك انت انما انا شبعانة يلا
ادهم بنفاذ صبر: ماشي يا حور تعالي هجيب سندوتشات
ما كفاية بقا يا حور بقالك ساعة بتأكلي
حور: الفول حلو يا ادهم
ادهم بضحك: بالهنا والشفا يا حوري يلا بقا نكمل مشي
*************************
لا عايزينك تبقي دكتورة كبيرة مينفعش الكسل ده
فاطمة: حاضر والله يا إياد
إياد بأبتسامة: ولو احتجتي حاجه قوليلي ها
فاطمة بحب: ربنا يخليك ليا يارب
إياد: ويخليكي ليا يا دكتورتنا الجميلة
*************************
في صباح اليوم التالي 🌤
في جامعة حور
تمام كده بإذن الله يبقي كله جاهز
دكتور فهمي بفخر: انا فخور بيكي يا حور انتي زي سهير بنتي بظبط
حور:شكرا يا دكتور لسه سهير مسافرة بردو
فهمي:اه يابنتي بتعمل ابحاثها وشغلها كله بره ادعيلها
حور بأبتسامة: ربنا معاها يارب
فهمي: يارب
جني: يلا يا نونو
حور: يلا يا مغلباني بت دي اخر سنة عايزين نشد حيلنا
جني:عيب عليك يا كبير هتخرج وبتقدير إن شاءالله
حور: اما نشوف
*************************
كان يفتقدها في شغله كثيرا ولكنه يأبي ان يعترف بهذه الحقيقة
ازيك يا حضرة الظابط
خالد بأبتسامة جانبية: احم ازيك يا انسة سلمي يا تري جيلنا في مصيبة ايه الساعة دي
سلمي بغيظ: ولا مصيبة ولا حاجة دول شوية شغل بسيط كده بس واضح اننا هنشتغل مع بعض كتير فعلشان كده قررت نأخد هدنة
خالد بأستغراب: ده ازاي بقا!
سلمي بحماس: يعني متغظنيش ولا اغيظك الهم طيلني وطيلك
خالد بأستفزاز: اتكلمي عن نفسك انا بحب شغلي جداا
سلمي وهي تستغفر الله في سرها: طب يحضرة الظابط اتفقنا
خالد بأبتسامة: اتفقنا ويلا هعزمك علي الغدي لسه فاضل شغل كتير قدامنا لازم نأكل حاجة علشان نقدر نواصل
سلمي: اوك
وجلسوا في مطعم بالقرب من عملهم
سلمي وهي تأكل: احكيلي بقا عن حياتك اهو نتسلي
خالد: حياتي روتينية جدا والدي الله يرحمه كان لواء ولما توفي متبقاليش غير امي هي حياتي
سلمي بأبتسامة: ربنا يباركلك فيها
خالد: يارب
ويبدو ان قصتهم ستبدأ عن قريب
*************************
يا اندرو باشا ايه خطتنا الفترة الجاية
اندرو بخبث: هنبدأ واحدة واحدة دلوقتي فهمي طلع دي كلها أبحاث بنته اسمها سهير ومسافرة بره اول لما ترجع هنفذ انما هو مالوش لازمة ودلوقتي علينا اننا نهتم بالفرع الرئيسي لشركتنا شركة درو وزي ما قولتلك سمير واخته بقوا كارت احمر الي يتمسك مرة يتمسك التانية بس كده ونخلص شغلنا بأستمتاع Enjoy علي الاخر
جون: اوك يا باشا
*************************
رامي بقلق: هي مختفية فين كل ده راحة فين مهما كانت امي ولازم اخاف عليها انا هروح لأدهم هو الي هيساعدني اه
*************************
انتهي البارت رأيكم يهمني 💜
ياتري ادهم وحور هتكمل سعادتهم وحياتهم اخيرا هتستقر ولا هيحصل حاجه؟
ياتري مراد وسارة شخصياتنا الجديدة هيرسي الحال بيهم علي ايه؟
ياتري اندرو ده شره هيستمر ولا هيكون في وقفة؟
وجميع شخصياتنا هيحصل معاهم ايه
تابعوني في الحلقات الجاية بإذن الله
تعليق بسيط الرواية اصلا ٣٠ فصل لكن بنظام فصلين فصلين يعني اكيد كلنا ملاحظين ان الحلقة صغيرة شوية لان المفروض تنزل حلقتين في مرة علشان يبقي المعدل في الآخرة ٣٠ يوم بس انا ملزمة بوقت لازم انزل فيه ومقدرش اطول المدة علشان متنسوش الاحداث
دمتم سالمين 💜
أنت تقرأ
واشرقت شمس الامل 💜 ما بعد الانتقام
Misterio / Suspensoانتقام؛ اكشن؛ حب؛ اجتماعي؛ غموض؛ تشويق هي ببكاء: حرام عليك انت ظالمني هو بغضب: وهو يضربها بقسوة بعد كل الي عملته معاكي تعملي كده انا هربيكي وهتفضلي محبوسة في الاوضة زيك زي الكلبة انا هعيد تربيتك وإياك اسمع صوتك جلست في غرفتها تبكي وترتجف بخوف هي...
