على حافة الطوفان.. للكاتبة دينا عادل

الفصل الخامس عشر والأخير

*عَلَى حافِة الطُوفان*

-الفصل الخامس عشر- "الأخير"
"يتبع غدًا بخاتمة"

_ ازدادت أنفاس "بلال" وهو يرى الغرفة فارغة متعجبًا لماذا هي ليست بها ، نظر له "فاروق" وقال مخمنًا:
-يمكن تكون في الجنينة تحت مع الدكتورة بتاعتها .

نظر له "بلال" برجاء وقال وهو يتجه خارجًا:
-يبقى خلينا نشوفهم تحت .
وفي طريقهم قابلوا "رقية" التي بدورها ابتسمت إلى "فاروق" ونظرت ل"بلال" بحيرة ، وهتفت مقبلة نحو "فاروق"
-ازي حضرتك ، أكيد جَي تشوف دُرة اتفضل معايا أنا رايحة ليها

هتف "بلال" متسائلًا بنبرة قلقة:
-هي مش تحت ؟
نظرت له "رقية" بتخمين وقالت :
-حضرتك زوجها مش كده ؟

هز "بلال" رأسه سريعًا وقال وهو يحثها على الحديث:
-حضرتك بتقولي إنك رايحلها إحنا كنا في الأوضة عندها ومكنتش موجودة .
تعجبت "رقية" وقالت :
-أنا مشوفتهاش من الصبح ، طيب خلينا نسأل تحت يمكن كانت بتتمشى مع الممرضة .
شعر "بلال" بالقلق أكثر وتوتر "فاروق" خشية أن يكون قد أصابها مكروه .
توجهت "رقية" برفقتهم إلى قسم الاستقبال كي تسأل عن "دُرة" وترى أين هي لكنها صُدمت عندما قالت لها موظفة الاستقبال:
-لاء هي مطلعتش خالص من أوضتها .
ضغط "بلال" على يده بعصبية وهو يهتف بنبرة حادة:
-أمال راحت فين ازاي محدش شافها .
حاولت "رقية" تهدئته وقالت وهي تشعر بالقلق أيضًا:
-اهدى حضرتك أكيد هنلاقيها
شعر "فاروق" بالخوف على ابنته ومن ثم هتف إلى "بلال" وهو يقول:
-خلينا نرجع على أوضتها يمكن نعرف أي حاجة .

توجه "بلال" نحو غرفة "دُرة" من جديد سريعًا وقلبه يدق بشدة خوفًا عليها من أن يكون قد أصابها مكروه .
فتش "بلال" في غرفتها والجميع معه حتى وجد ورقة بالجوار فتحها سريعًا ليقرأ محتواها :
-"آسفة يا فاروق بس أنا قولتهالك قبل كده مش هتاخد بنتي مني "

رمى "بلال" الورقة بعصبية وهو يجلس على حافة الفراش واضعًا يده على وجهه باختناق ، قرأ "فاروق" الورقة وازدادت عصبيته وهو يهتف بنبرة غاضبة:
-مفيش فايدة فيها مفيش .
هتفت "رقية" وهي تدلف خارجًا قائلة بنبرة جادة:
-هشوف الحوار ده بكاميرات المراقبة ونعرف حصل كده ازاي اتفضلوا معايا .
-هتف "فاروق" وهو يقول بنبرة عالية:
-أنا هبلغ البوليس .
هتف "بلال" بحسرة وإنكسار:
-وهتقولهم إيه ؟ ، بنتي خطفتها أمها !
تنهد "بلال" وهو يشير نحوه:
-ولا نسيت كمان حكايتك واللي ممكن يحصل فيك .
-وبنتي !
هتف "بلال" وقد نزلت دمعة من عينه لكنه حاول أن يطمئنه أو يطمئن نفسه وقال:
-اللي متأكد منه إنها كويسة أكيد مش هتعملها حاجة بس أنا متأكدة إني دُرة مش حابة وجودها هناك .
ومن ثم هتف وهو يشير إلى هاتف "فاروق" وهو يقول بنبرة جادة:
-اتصل بالدادة اللي عندك وحاول تخليها توصل لبيت والدتها تطمنا إذا كانت هناك ولا لاء ، عقبال ما نشوف كاميرات المراقبة .
هز "فاروق" برأسه وتوجه الجميع نحو غرفة كاميرات المراقبة واتصل "فاروق" ب"عزيزة" كي يخبرها بضرورة الاطمئنان إن كانت "دُرة" متواجدة في منزل "سوزان" أم لا