انتقام عاشق 🔥

🔥❤

انتقام عاشق(fire)
الحلقة الاولة «1»
#منقوولة
.
هزار: بابا بالله عليگ خلينا نمشو للمحلات قبللل
بابا: لا خلاص انا قررت أنتي تكملي امتحانات الصبح و حنا نطلعو العصر
هزار: والله محتااحه هلباا حاجات
ماما: خلاص خلينا نمشو للمحلات و نطلعو اليوم يلي بعده
بابا: اووف نسوان من يقدرلكم اوكي براحتكم
جريت لعنده حضنته و يسته
هزار: شكرا ي احلا بابا
_____________
دخلت فيكم زي الحادث😂 تعالو نتعرفو ع ابطال الرواية🔥
1. هزار/ مواصفاتها : بشرتها حنطاوية تميل للبياض عيونها رصاصيات و عمرها 19 سنه . بنت وحده عند بوها و ليها 2 خوت شباب
2. حيدر/ اخ هزار متجوز و عنده بنتين تؤام و ولد و مرته صابرين
3. حسام/ اخ هزار التاني و حتى هو متجوز و عنده بنت و ولد و مرته فاطمه
ساكنين ف نفس البيت كلهم حياتهم حلوة و هادئة
و هزار تقول ان يلي مخلي حياتها حلوة هو حبيبها و ولد خالها نضال
4. نضال/ ولد خال هزار و حبيبها مرتبطين ليهم 3 سنين و مقرر يخطبها لان يحبها
طبعا هزار و عائلتها عايشين ف مدينه هما و خوالها أما عمامها كلهم ف الريف و هي ما شافتهمش من لما كان عمرها 5 سنين
دويت معاكم هلبا هي نرجعو للقصة🔥
و نحكو على لسان البطلة💪
____________
طبعا أنا ما نمشيش لحوش جدي من بابا اصلا بابا و خوتي ما يمشوش الا ف العطلة
بما انهم يسكنو مكان بعيد علينا و هگ
ف اليوم كملت امتحانات نصف السنه و بابا قرر ان لازم نمشو ل حوش جدي
بس طبعا أنا مستحيل نمشي الا ما ناخد ملابس جديده😌
كنت كل عطلة نقعد ف حوش خالي مع حبيبي بس هالمرة بابا صدمنا لما قال العطلة كاملة ح نقعدو ف الريف
بس نضال قال بري و انا نكلم بوك بيش نجو نخطبوك
المهم طلعنا انا و ماما للمحلات و اشتريت كل يلي نحتاجه
و ف الليل هدرزت على نضال
نضال: بنتفجرر و ربيي ليا قدااش صابر عليك و طوول فترة الامتحانات ما نتواصلوش هلبا هدا كله ع امل انك تكملي العطلة عندنا
مش عارف بوك منين طلعلنا ب مشيت الريف هادي
هزار: ولا يهمك حبيبي طول بالك
نضال: حبيبي نبي منك طلب
هزار: اطلب و عيوني ليك
نضال: بالله عليك حطي حجابك بالطريقة الصح و ما تخليش شعرك يبان
هزار: اووف نضال رجعنا لنفس الكلام يعني تبي تختمها ب عركه
نضال: سكفمگ عركه شنو انا ندوي ع خاطرك لان غادي كلهم شيوخ و ملتزمين
هزار: والله ي حبيبي ما بعرف شو رح ءول بس رح فكر و ردلك خبر
نضال: رجعنا لتلخبيط الكلام🤦
هزار: هههه والله كتير بحب احكي هيك انتي ليش مدايق!!
نضال: ما تغيريش الموضوع هي شن قلتي
هزار: اوكي حبيبي يلي تبيه
نضال: محلاك و انتي تسمعي ف الكلام
هزار: ما نسمعش ف الكلام مجرد ان اقتنعت بالفكرة
نضال: مستحييل قداش عنيده😅
هزار: يلا حبيبي تعبانه و نعسانه نحكو غدوة باي
نضال: باي حبيبتي
نضت درت دوش و جففت شعري و رقدت
حسيت الصبح ع صوت ماما تنوض فيا
ماما: هزاار هزورة ماما نوضي
هزار: اممم نعم
ماما: هي نوضي بيش نطلعو
هزار: قداش الساعه
ماما: 4:30
هزار: مو كإنگ عم تفيئيني بكير؟!
ماما: ابوك قال لازم نطلعو بكري بيش نوصلو بكري هي نوضي عاد
هزار: بتئمري امر ي ست الحبايب
ماما: مش عارفة امتا ح تبطليها العاده هادي بالله عليگ ف حوش جدك تكلمي كويس مش تحشمينا قدامهم🤦
هزار: ماشي حبيبتي متل ما بدگ
ماما: لا الباين انگ ح تحكي كويس🤦
هزار: ههههه والله ماما مش عارفة علاش متضايقين من طريقه كلامي لمادا انتي منزعجه مني هكدا؟!
ماما: ي بنيتي فكيني من الفصحه و السوري خليك تكلمي زينا حناا بسسس
قالت كلامها و طلعت و انا ميته ضحك عليها
مش قادرة نبطل هالعاده ابدا حتى مرة بابا ضربني بالشبشب ع خاطر كلامي🙊😂
دخلت للحمام شطبت و لبست سروال نيلي و بلوزة وردية و حجاب نيلي
طبعا حطيت الحجاب كويس و شديته ب بروش(paperclip) لان ف العاده نحطه ع راسي هك و خلاص
المهم نزلت لقيتهم يفطرو
هزار: صبااحوو
الكل: صباح ألنور
حيدر: طالعه محلاگ و انتي حاطه الحجاب كويس
حسام: اي والله طالعه طرف(mwah)
هزار: حبايبي انتو الحلوين
فطرنا و طلعنا و حيدر و حسام يسحبو ف الشناطي للسيارة
طبعا أنا مخليت مرفعت😆
حسام: تي وااك شن حاطه فيها الشنطه رزينه للنم
هزار: لالا شي خفيفه اصلا
طلعنا ع سيارتين و انا و ماما مشينا مع حسام و عائلته و بابا مشا مع حيدر و عائلته
ف الطريق كله اغاني و رقص و عياط و جوو ملييح طبعا خوي حسام ع الرغم من انه متجوز بس مجنون اكتر مني😅 مشينا ساعات طويلة لدرجه ان رقدت ف السيارة
فتحت عيوني شفت السيارة واقفه ف مكان أخضر زرع و اشجار و قدامنا شط
المنظر خوراافييي
هزار: وصلنا؟!
ماما: لا بس وقفنا نرتاحو شوي
قعدنا نهدرزو و انا خديت صور للمكان لانه بجد روعه
رجعنا شغلنا السيارات و انطلقنا من جديد
حناا ف سيارة حسام الاغاني تنسمع لاخر الدنيا و نعيطو و نهيجو 🤤
دخلنا ع طريق ترابي بابا قال وطو المسجل و خففو السرعه
حسام: اي من عيوني يابا
قال هكي و زااد ف السرعه و قوى ف صوت الاغاني اكتر و حناا انفجرنا بالضحك عليك
المزارعين يسمعو ف الاغاني و يرقصو
و حسام المجنون وقف السيارة و نزل يرقص معاهم😂 كملنا هبالنا و اتجهنا ل حووش عاالي و كبييير
شفنا هلبا ناس واقفين البرا كبار و صغار رجال و نسوان
وقفنا السيارة و نزلنا و بدينا ف السلام(exhausted) متنا ع ما كملنا السلام و طبعا أنا ما نعرف حد
MR♥️Aß
دخلنا الداخل لصالة الاستقبال و انصدمت فيها بجد كانت كبيرة واسعه و فخمه و ترتيبها و اثاتها كله حلو
قعمزو العيلة يهدرزو و يضحكو و انا قعدت زي الاطرش ف الزفة غير نشوف للوجوه
معش قدرت نتحمل و قلت
هزار: بابا (كلهم انتبهولي و يشوفولي)
بابا: ها حبيبتي!!
تكلمت و انا نقعمز بجنبه: يعني ما تبيش تعرفني على حد!!
ضحك بابا و تكلم جدي يلي كان قاعد جنبه
جدي: هههه هادي هزار حبيبه جدها كبرت هكي؟!
هزار: اي جدو حتى سلمت عليك بس أنت مش منتبهلي
ضحك جدي و ضحكو عمامي كلهم
جدي: حقك عليا جدو تعالي جنبي انا نعرفك عليهم
قعدت جنبه و هو يعرف فيا عليهم
طبعا أنا عندي 6 عمام و بابا السابع
و كل واحد فيهم عنده اقل شي 5 صغار
توا هما مش صغار يعني من عمري و أكبر مني😅 المهم حتى عندي عم عنده 10 صغار
عندي 3 عمات 2 متجوزات و وحده ارمله ب بنتها قاعده ف حوش جدي
عرفني عليهم كلهم عمام و عمات و أولاد عمامي هلبا شباب و هلبا بنات
خدانا الوقت نهدرزو و انا انسجمت معاهم كلامهم حلو و هدرزتهم ما تملش منها
النسوان صارو ينسحبو للمطبخ شوي شوي حتى يجهزو الغداء
طبعا حوش جدي ع 3 طوابق و عمامي كلهم ساكنين معاه بصغارهم حتى المتجوزين
الحوش فخم و كبير بجد الطابق الثاني فيه 20 غرفة بدون مبالغه لكن كإنه قصر
مشيت مع بنت عمتي اسمها سمية طلعنا للمزرعه البرا
اشجار فواكه و خضروات و جميع انواع المزروعات
هما لان عددهم كبير ما ياخدوش ف احتياجاتهم من السوق لا زارعين كل يلي يحتاجوه . سميه ماسكه السلة و تهدرز
سميه: يعني انتي هادي اول مرة تجي هنا؟!
هزار: جيت قبل بس كنت صغيرة و ما نتفكر ف شي
و حناا نهدرزو شفنا قطيع جواميس و بقر جايات من الطريق الترابي
سميه: هزار امسكي السلة و كلمي البنات يجو نربطو البقر
انا قعدت فتحه عيوني من الصدمه!! يربطو البقر!! صحيت من تفكيري على صوت كلب يبي يعضني هو قاعد ما نبحش و انا ننطلق طلقه جريييي نجري و نعيط بكل ما عطاني ربي من قوة ماسكه السلة و نجري و يلي ف السلة كله طاح و توزع ع الارض
انا نجري و الكلب وراي
هزار بعيااط: لااااااا مااااامااااا بااااابااااا حسااااااام وااااااك(crying)
نجري نعيط و نبكي طلعو عمامي و النسوان كلهم ع صوتي
عمي: هششش بخخ هشش
عمي قال هكي و الكلب وقف اما انا مستمرة ف الجري و العياط لين وصلتهم و طحت دااهشه(exhausted)
و هما ميتين ضحك عليا
صابرين (مرت حيدر خوي): ههههه خسارة الهاتف مش معاي و الباقي راهو صورتك😂
هزار: و النبي اسكتي قلبي طااح
دخلو كلهم و ماما جابتلي طاسه ميه شربتها و ارتحت شوي
مشيت مع البنات يلي يربطو ف الجواميس و شفت ولاد تانيين ما شفتهمش بكري
مقداد (ولد عمي): سميه مني هادي؟
سميه: هادي هزار بنت عمگ
خالد: والله وعمي طلع عنده كيكه
هزار: كيكه شنو!! بالك تحسابني مايعه!! انا بنت ب 100 ولد💪
سميه: اي شفناهم ال100 ولد قبل شوي كيف تصرفو مع الكلب😂
انفجرو بالضحك عليا
هزار: توا انتي لازم تتكلمي!! تي خليتيني نافخه ريشاتي عليهم شوي
رجعنا للحوش و حنا نهدرزو و نضحكو شباب و بنات و هما جوهم يهبل كله تنكيت و ضحك
دخلنا لقيناهم يجهزو الغداء قعدت جنب مرت عمي يلي تشوي ف السمك
هزار: عمتي الاقراص النارية هادي منين صنعتوهم؟!
مرت عمي: ما صنعناهمش هما جاهز
مرت عمي: ما صنعناهمش هما جاهزات
هزار: منين جاهزات؟!
مرت عمي: هدوما من فضلات الحيوانات
هزار وسعت عيوني بصدمه: و تشوي عليهم السمك!!
مرت عمي: اي ليهم سنه كاملة ف الشمس
قعدت نهدرز عليها و هي تشوي قداش كان خاطري ف السمك بس توا حسيت روحي انقرفت منه
وزعو سفر الغداء ف الصالة و طبعا يقعدو كلهم مع بعض رجال و نسوان
أما انا ما قدرتش ناكل من الاكل يلي دايرينه كله دهون
خديت الشنطه طلعت منها كيكه و عصير و بديت ناكل
جدي: تعالي هزار جدو اقعدي جنبي
هزار: لا جدو صحه انا ناكل كيك
جدو و هو يوجه كلامه ل بابا: بالله ما تقولي خيرها بنتك زي العودة اليابسة هكي
ضحكو كلهم ع كلام جدي
بابا: والله يابا هي تتبع ف الدايت و الستايل انا مالي🤷
قعدنا نهدرزو و نضحكو و انا تعبت و نعست
MR♥️Aß
كملو الغداء و لمو السفرة و طلعت انا و سميه نتمشو ف الحديقة شوي و لحقونا بنات عمامي
اتصل نضال و رديت عليه
هزار: الووو ها حبيبتي كيفك
نضال: اهلين حبيبتي شن الجوو
هزار: الحمد لله ي عمري انا كويسة انتي شن اخبارك؟!
نضال: هزار انا نضال
شفت للبنات و قلتلهم نبي نكلم صاحبتي شوي ابتعدت عنهم
هزار: ها حبيبي آسفه البنات كانو جنبي
نضال: مش مشكلة ي روحي المهم شن اخبارك كيف الوضع غادي
هزار: يهبلل نضال يهبل المكان خيااالي
نضال: افتحي نت و ابعتيلي الصور
هزار: ما عندهمش نت هني🤷
نضال: اها تمام يلا حبيبتي نكلمك بعدين ديري بالك ع روحك نحبك
هزار: حتى انت دير بالك ع روحك ي عمري باي
قفل الخط و قعدت نشوف للمكان و نصور فيه
شوي و وصلتني رساله من نضال فيها رقم كرت و كاتب عبيه و اشتركي نت
عبيته و اشتركت بالنت
كلمته هزبته ع خاطر الرصيد و بعدين دزيتله الصور...
يتبع⁦♥️⁩...
رايكم يهمني 🔥
بلييييز تفاعل بنوتات مصراته نحبكم 🔥🙈❤