انتقام عاشق 🔥

27

#منقوولة
.
انفتح الباب انصدمت ب سمية طالعه من الدار تبكي وجهها احمر و آثار اصابع ع خدها
تشوفلي بحقد دفعتني و نزلت بسرعه
انا قاعده ع وقفتي نشوفلها لين نزلت
نشوف ل فهد يلي يدور ف الدار و صاير نار من الاعصاب
دخلت و قفلت الباب
هزار: فهد شن كانت تدير سمية هنا؟!
فهد: فوتيها ما تعدليش عليها ما تهتميش
هزار: شنو يعني ما نهتمش و هي طالعه من دارك تبكي
فهد: خلاص قتلك مش مهم
هزار: شنو المش مهم!! تخيل انك شفتني انا و ياسر ف دار وحد..قاطعني بكف هزني هز
فهد: الف مرررة قلتلك مااا تقاااارنييش
هزار: ااااببعععددد حقييييير كلللب
حط ايده ع فمي يحاول يسكتني لان الكل سمع صوتي
فهد: اسسس حيوانه اسكتي
غضيت ايده بقوة غمض عيونه و مازال حاط ايده ع فمي
اندق الباب بقوة
ام أطياف: فههدد افتح شن درت للبنت؟!
فهد: ما درت شي خاله مشكله بسيطه تقدري تنزلي
ام أطياف: والله ما ننزل قبل لا نسمع صوتها فهد ما تديرلها شي البنت صغيرة
وجه كلامه ليا و قال...
فهد: ح نشيل ايدي منگ و لو صرختي ي هزار موتك ع ايدي
هزيت راسي بمعنى اي هو شال ايده و انا صرخت بقوة رجع حط ايده ع فمي
ام أطياف: فهد افتح الباب وراس وليدي بتقتلها البنت
فهد: والله لو ما تنزلي و رب الكعبه ننزلهالكم جثه
سكتت ام أطياف الباين انها نزلت
طلع السلاح خصره و حطه ع بطني
فهد: و رب الكون نسمع صوتك ما نخسر الا طلقتين وحده ف راسگ و الثانية ف راسي
هزيت راسي بمعنى لا ما نتكلمش
شال السلاح و سحبني من شعري
فهد: غبية حقييررة كيف تديري هكي
سحبت السلاح و حطيته ع راسي و هو ماسكه
خ
هزار: اقتلني فهد
نصغط و الزناد و هو يصرخ
فهد: هزاار حيوااانه ابعدي السلاااح مش مأمن
هزار: اقتلني فهد
سحبه مني بسرعه يتنفس بقوة
فهد: حيوااانه حقييرة علاش هكي
هزار: اقتلني فهد اعتقني تعبت والله تعبت😭
فهد: انتي تتعبي ف روحك الف مرة قلتلك ما تقارنيش
هزار: انت مجرد ما قلت تخايل ضربتني شن شعوري و انا نشوفها طالعه من دارك تبكي 😭
نضرب فيه ع صدره و نحكي شيش بيش
حاضنني و يمسح ع راسي
فهد: اسس حبيبي والله الموضوع ما يسوى دموعگ
هزار: فهمني شن كانت تدير هنا؟؟؟
فهد: دخلت للدار انفتح الباب ف بالي انك انتي...
فهد: تعالي حبيبي
سمية: فهد...
التفتت لقيت سمية جنب الباب
فهد: ااه هلا سمية محتاجه شي وخيتي؟!
سمية: لا سلامتك بس...
فهد: شنو؟؟
سمية: هزار
فهد: خيرها؟!
سمية: انت كيف متجوزها!! ما تخافش يجي يوم و تخونك؟؟
فهد: احترمي نفسك ما تخلينيش نجي نكسر سنونك ف فمك و اطلعي اقلبي وجهك
سمية: ما تنساش ان هي و حبيبها ف نفس المدينه يعني توقع انها تدخله وراك للحوش
ما تحملتش كلامها و ضربتها كف هي طلعت و انتي دخلتي هدا يلي صار
هو يحكي و انا دموعي ينزلو
سحبني ل حضنه و تمددنا ع الارض
سرحت و انا نفكر ان كيف سمية تغيرت للدرجه هادي!!
كانت اكتر شخص مقرب ليا ف الحوش هدا كيف قدرت تكرهني و تحقد عليا لسبب مش ذنبي؟؟
بعد نصف ساعه و حنا ع نفس الوضع محد فينا تكلم
هزار: علاش ما تجوزتش سمية؟؟
فهد: شن تقولي أنتي!!
هزار: هي تحبگ💔
فهد: بلاش منه الكلام الفاضي هدا مش عارف منين تجيك هالافكار
هزار: هي تحبگ و هي يلي ساعدتني نهرب
فهد بصدمه: شنووو؟؟ نوضي نوضي احكيلي كيف صار
قعدت و هو قدامي و حكيتله كل شي من البداية
فهد: طلعتي وحده غبية انتي
هزار: علاش!؟!
فهد: تعرفي ان ف اليوم يلي هربتي فيه كنا انا و اولاد عمي سهرانين ف المربوعة و دخلت علينا سمية تجري قالت سمعت هزار تحكي مع ولد يقوللها منتضرك ف البستان و هي طلعت مشتله
فتحت عيوني بصدمه من يلي نسمع فيه
هزار: شوف فهد صح انا كنت نحب نضال بس صدقني من يوم يلي قريت فاتحتي نضال انتهى بالنسبة ليا
و صح انا كنت نكرهك بس صدقني توا نعشقك و نموت عليك و نحبك
يقولو القلب يحب مرة وحده ما نعرفش يلي كنت نحس فيه اتجاه نضال شنو! بس أكيد مش حب لان الحب عشته معاك انت وربي
صدقني فهد مستحيل نخونك
نحكي و نمسح ف دموعي و يرجعو ينزلو
مسح دموعي و حضنني
فهد: اسس ي روحي والله انا يلي نعشقك والله ب ودي ما نمدش ايدي عليك بس انتي ب هبالك تجبريني نضربك
يلا حبيبي امسحي دموعك خلينا ننزلو
مسحت دموعي و وقفت دخلت للحمام غسلت وجهي و طلعت للمراية حطيت كريم نحاول نخفي آثر الكف
هزار: الخبيث آثاره ف كل جسمي
سمعني ندوي عليه جاا وراية و حضني من خصري و راسه ع كتفي
فهد: منو الخبيث؟!
هزار: انت شوف وجهي كيف صار
فهد: آسف ي روحي انشاء الله تنكسر ايدي لو مديتها عليك
هزار: آمين
فهد: شوف الخبيثة عبالي تقوليلي اسمالله عليك حبيبي
هزار: ههههه. يلا ننزلو
فهد: يلا
طلعنا و اول ما وصلنا الدرج قلت
هزار: فهد امسك ايدي نبي نحرق قلب سمية الحقيرة
فهد: ههههه يلا انا مادابيه
مسكت ايده و نزلنا و حنا نضحكو
شافونا منهم يلي استغربو و منهم يلي فرحو
جداي: يمه ما تقولش خيركم ساعه عسل ساعه زي الفار و القطوس
توجه الها و باس ايدها و راسها و قعد جنبها
فهد: والله ي حنينه حفيدتك حارقة قلبي عنيده ما تبيش تعطي بوسه و تعاركنا عشان بوسه
حيي عليك فهد حشمتنا الله يحشمك😱
جداي: و انتي علاش ما تعطيشي بوسه يتجوز عليك ي غبية
قعدت جنبها من الجبهه الثانية
هزار: والله ي حبيبه حفيدك وكح يتعب فيا
ام أطياف: تي اسكت انت وياها معانا البنات و أنتم تحكو بالخط العريض
نور: خليهم خلي نتفرجو ع رومنصياتهم والله كإن نتابع ف مسلسل تركي😍
ضحكو كلهم ع كلامها
فهد: ههههه تعالي ي شيطانه انتي
جت بسرعه ل حضن خوها تبوس و تحضن فيه و يضحكو و يهدرز عليها
مرات نقول والله نيالها و قدرت تسامحه لو انا نقعد حاقده طول عمري
أطياف: دير بالك منها هادي ترفعك للشط و ترجعك عطشان
فهد: اي بيش نغرقها ف الشط
نور: فهد حبيبي ارفعني معاك للمدينه هنا كلهم يجعزو فيا
فهد: تدلل نوراتي جهزي روحك نرفعك معاي
ما قلت شي بس بيني و بين نفسي فرحت ع الاقل تسايرني
أطياف: مجنونه انتي!! هو دوام و هي مدرسة تقعدي بروحك بين الحيطان
نور: لاااع مانا لمن ماشيا انا
مشمشه (بنت عمي) : ارفعني انا معاك
ام مشمشه: انتي انطمري هو يحكي مع اخواته انتي شن دخلك؟؟
فهد: خليها ف حالها مرت عمي حتى هي اختي
نشوف لام مشمشه تلعثمت و مشمشه عيونها يلمعو دمووع
فهد: تعالي مشمشه
جت جنب فهد و نور يهدرز و يضحك معاهم
ناداهم كلهم أطياف و ملاك كلهم يحضنو فيه
انا قاعده ف مكاني مبتسمه مش عارفة ليش فرحانه شكله حلو بين خواته
فهد: وسعو وسعو وين مرتي تي تعالي انتي يحضنو ف راجلك ما تغاريش
هزار: هههههه. ضحكت و ضحكو كلهم
MR♥️Aß
قعدنا معاهم شوي و فهد قال تعالي نطلعو نتمشو ف البستان
طلعنا ماسكه ايده و نهدرزو
هزار: يويلي المنضر متع صورة توا🤤
فهد: خودي تيليفوني صوري بيه
هزار: ما فيشي سناب!؟
فهد: شن تديري بيه يستعملو فيه يلي مش حلوين بس
هزار: خف علينا عيني يحلو انت😂
فهد: ههههه مجنونه عندي نت نزليه لو تبي
قعدنا بين الاشجار ع جدع شجره منتضرة السناب ينزل و نهدرزو
هزار: فهد بجد خلي أطياف و مشمشه يجو معانا
فهد: يصير خير اصلا هو ياسر و خالد يمكن يجو معانا لان كليتهم قريبه علينا
هزار: قصدك يقرو؟!
فهد: اي كلية عسكرية
هزار: يعني مش مبطلين دراسه؟!
فهد:. ههههه لالا شبابنا كلهم يقرو منهم طب منهم كلية تربية لكن ياسر و خالد كلية عسكرية
هزار: اممم كويس معناها يمشو معانا و بعدين يرحعو هما و البنات
فهد: انشاء الله
كمل تنزيل السناب فعلته و بديت نأخد ف صور
فهد ما يبيش يصور يألف ي ويلا قدرت نقنعه يصور بيه
قعدنا نهدرزو للغروب دخلنا للحوش
متجمعين عمامي كلهم و فهد كلم عمو حازم بيش مشمشه تمشي معانا و قال عادي
ياسر ما قبلش ع أطياف و خالد ما قبلش ع مشمشه
لكن سكتهم فهد و قاللهم ما دخلكمش
شفت ل خالد و درتله حركه ب ايدي بمعنى تستاهل
خالد: خليك ف حالك انتي
طلعتله لساني بمعنى مش معدله عليك
خالد: فهد شد فرختك ما نبيش نضربها
فهد: تعالي هزورتي ما تلعبيش مع الصغار
ضحكو كلهم عليهم
بعد العشاء بدأ الانسحاب التكتيكي كل واحد لغرفته
فهد: اركبي ارقدي حبيبتي
هزار: نستناك نركبو مع بعض
فهد: انا نبي نكلم ياسر ف موضوع مطول شوي اركبي انتي
هزار: اوكي
ركبت للدار بدلت ملابسي و فتشت ف اغراض فهد شوي ما لقيش شي قداش غامظ هالفهد
تمددت ع السرير و انا نفكر فيه لين دخل بدل ملابسه و تمدد جنبي
فهد: قاعده نايضه حبيبتي
هزار: كنت نستنى فيك
سحبني لحضنه قلتله
هزار: نحبگ
فهد: مش بقدي
حطيت ايدي ع لحيته و قلت
هزار: ما تسيبنيش
فهد: مجنون و نسيبك انا؟؟
حطيت راسي ع صدره
هزار: نقدر نطلب منك طلب؟؟!!
فهد: و انا نقول الغزل هذا كله مش بلاش اطلبي حبيبي
حبحبيت نهديه اول شي
بسته و حطيت راسي ف رقبته
هزار: فهد انت عارف ان ربي وصانا ببر الوالدين
حاول تسامح ابوك حرام عليك انت ما شفتش بكري لما تهدرز كيف يشوفلك
كافي 20 سنه مش ناوي تسامحه؟!
فهد: هزار اسكتي قلتلك الف مرة الموضوع هدا ما تتدخليش فيه
هزار: خلاص والله حرام عليك سامحه و خليه يرتاح
بعدني من عليه
فهد: ابعدي قلتلك ما تتدخليش اصلا
نزل من السرير مسكت ايده دفعني و توجه للغرفة يلي فيها اللوحات
اووف شن خلاني نحكي توا ينتكس مرة وحده
ما حبيتش نجعزه استنيت ساعه ساعتين ما طلعش كل شوي نوصل للباب و نرجع آخر شي قررت ندخل و يلي بيصير خل يصير
فتحت الباب درت الغرفة بعيوني ما شفتاش!!
دخلت و قفلت الباب شفته متمدد ع الارض رجل تحت و رجل ثانيها ايد مادها و ايد مثبت بيها قفطان امه ع وجهه
انمرد قلبي ع شكله
تمددت جنبه و حطيت راسي ع ايده
قال بصوت يقطع القلب
فهد: هزار خليني بروحي
حضنته بقوة و انفجرت بالبكاء
هزار: آسفة ي روحي والله آسفه والله مش قصدي نفتح جروحك
ما ردش عليا سحبت القفطان من وجهه تمسك بيه
فهد: خليه
هزار: حبيبي ع خاطري ما تديرش هكي
سحبت القفطان و انصدمت من شكله وجهه احمر و عيونه منفوخات و خشمه احمر وجهه مليان دموع
نمسح ف دموعه و نبكي
هزار: خلاص حبيبي ما تديرش ف روحك هكي
ثنا ايده يلي راقده عليها و حضنني بقوة و هو يبكي
فهد: ما نقدرش هزاار ما نقدرش كل ما نشوفه نشوف امي محترقة قدام عيوني
كل ما تجي عيني ف عينه نشوف عيون امي و نضرتها ليا قبل ما تموت
تي 35 سنه عايش نفس الكابوس
حامل نفس الحقد يلي ف قلبي
حاسس نفس الوجع يلي ف صدري
مش قادر نسامحهه مش قادر
نمسح ف دموعه و نبكي ع بكاه
هزار: اسس خلاص حبيبي اهدىء
بعد فترة حسيت انفاسه انتضمت بعدته عليا ي روحي راقد
شلت القفطان من جنبه و كلمته نطلعو
طلعنا تمدد و فتحلي ايده رقدت ف حضنه...

صباحا🌄

فهد: هزار... هزوورة...حبيبي...يحلو
هزار: اممم
فهد: يلا نوضي حبيبي بنطلعو
هزار: قداش الساعه!؟
فهد: الاربعه و نصف لازم نطلعو توا بيش نوصلو بكري
فتحت عيوني شفته مبتسم حضنته
هزار: آسفه حبيبي
فهد: اسس معشوقتي انسي يلا نوضي بدلي ننزلو
هزار: اوكي
نزلت من السرير للحمام غسلت و بدلت و وقفت ع المراية نحط شوي مكياج
فهد: لو نعرف ليش تحطي فيه بس
هزار: حتى نصير حلوى
اقترب مني رفع راسي و قال
فهد: مش محتاجه اصلا حلوة خل نضوق💋 سحب شفايفي ببوسه طويله حسيت النفس انقطع دفعته من صدره
هزار: هو هكي يلي يضوق!؟
فهد: مسحت الروج كله
هزار: بسيطه نحط غيره
فهد: نرجع نبوسك ثاني
هزار: ما عنديش مشكله اصلا تهبل
فهد: اها يعني تبي💋 بوسه اطول من يلي قبلها
فهد: ها شبعتي!
هزار: لالا
فهد: هههه تي شن انتي ما تشبعيش💋 قعدنا هكي لين اندق الباب
أطياف: الفطور جاهز
فهد: جايين
شفنا لبعض و ضحكنا مع بعض
نزلنا فطرنا نصف العيلة راقدين لان وعينا بكري
ام أطياف خدتني ع جيهه توصي فيا ع البنات
MR♥️Aß
وقفنا ف الباب نودعو فيهم و عمو كاظم معانا واقف
فهد سلم ع الكل و أشرتله بعيوني بمعنى سلم عليه
سلم ع ام أطياف و التفتله
فهد: في أمان الله دير بالك ع جدي
مسكين عمو كاظم طار من الفرحه حتى معش عرف كيف يرد
ركبنا للسيارة انا و فهد و معانا أطياف و مشمشه
هزار: نحبگ
مشمشه: احم احم نحن هنا
فهد: نمووت عليگ ي قلبي
أطياف: ربي يحفظكم لبعض
هزار: و يحفضگ حبي
مشينا طول الطريق هدرزة و صحك
قريب نوصلو فهد قال ل ياسر يجيب غداء من المطعم
نزل ياسر يجيب غداء و مشينا للحوش
فتح فهد الباب و انا سبقتهم فتحت الاضوية
نحس بالمسؤولية لان هدا حوشي و هما ضيوفي
جابو الغداء و رتبنا السفرة انا و البنات
تغدينا و فهد و الاولاد طلعو
أما انا و البنت غسلنا المواعين و ركبنا فوق ل داري
قاعدين ع السرير نتابعو تلفزيون بس حاستهم شاردين و مش معاه ابدا
هزار: بنات تحبو؟!؟
ناضت مشمشه تطق اصبع و تغني
مشمشه: اي اي ي عيني هدا الحب معذبني💃💃
وقفت أطياف جنبها تطق اصبع
أطياف: نحنا يلي نحبو اولاد عمنا بس محد معبرنا و هيي بالله هييي💃💃
هزار: تي اسكتي انتي وياها و ادوي معاي بجد
أطياف: انا نحب هذاك الشين خالد
مشمشه: و انا نحب أكتر واحد يتمسخر عليا و ع اسمي ياسر
فتحت عيوني ع وسعهن هذوما كلهم يحبو اولاد عمهم
هزار: اي...!
مشمشه: شنو اي؟؟
هزار: يعني مش مقررين تعترفولهم!؟!
أطياف: مستحيل انا مجرد ما يقولي شن الجو نهرب نجري
مشمشه: و انا فالح غير يتمسخر عليا يقولي انتي المفروض اسمك بطاطاية بصلاية ثوماية🙂
هزار: غبياات والله لو انا ولد عمي و معاي ف نفس الحوش ندخل عليه نغتصبه بيش يتجوزني
انصدمنا ان الباب انفتح...
يتبع⁦♥️⁩...
رايكم يهمني 🔥