انتقام عاشق 🔥

29

#متقوولة
.
انفتح الباب تلقائيا وقفت و دموعي ينزلو هو يتقدم و يشوفلي بنضرة مستغرب!
هزار ببكاء: والله مش قصدي والله كل نيتي ان نطلعو نغيرو جو
حضنني يمسح ع ضهري و بالقوة حاصر ضحكته
فهد: خيرك انتي توا شن قلتلك انا اهدي ي عمري
بعدت عنه قعدت ع حافه السرير و حاطه رجل ع رجل و نمسح ف دموعي
هزار: ووف الحمد لله
فهد: قصدك الدموع هادي كلها تمثيل؟؟
هزار: هههه لا مش هكي بس خفت تضربني
فهد: اممم
اخد ملابسه و دخل يتحمم شوي و قال عطيني المنشفه
مديتهاله و ما نحس غير انسحبت و صرت تحت المي
باسني عضيته بقوة دفعني و هو عصبي
فهد: اطلعيي
هزار: مم... قاطعني بصوت عاالي
فهد: ااااططلللعييي
طلعت و انا مقهورة كنت نبصر عليه اووف ي ربي شن ندير توا؟؟
مشيت فتحت الدولاب لبست و رتبت روحي وقفت قدام المرايا حطيت روج و قاعده نرش ف العطر سمت صوت المي توقف
بسرعه طفيت الضوء و تغطيت كلني
طلع من الحمام نسمع ف صوت حركته ف الدار آخر شي قعد ع الكنبة يدخن
ااووف غير نستنى فيه نبي نرضيه توا يلزمها زعل لاسبوع كامل
شوي و تمدد ع السرير بس بعيد عليا
مشيت رجلي ع طول رجله بعدها
ضحكت عليه لأن عارفه انه ما يقدرش يقاوم لمساتي
مشيت ايدي ع رقبته بعدها و قال بعصبية
فهد: هزار ابعدي احسن من نأذيك و تعرفيني نحب ننتقم🔥
هزار: عادي يا محلا الاذية منك
فهد: اها هكي!!
سحب الغطاء من فوقي و شغل التيلامب 
شافني شن لابسه و تخبل (هبل)
و فعلا انتقم مني بطريقته...
مشيت تحممت و طلعت لقيته مستند ع السرير ف ايده السيقارة و يتكلم بالهاتف نفس المكالمات الغامضه
فهد: اها...امممم...بكرة بإذن الله نمر عليكم...مش محتاجين شي...اوكي...ف امان الله
قفل الخط و انا مركزة معاه من لما طلعت
هزار: من هدا؟؟
فهد: صديقي
مش مرتاحه لمكالماته بس ما نقدر نقول شي لانه گ العاده ح يسكتني و يغير الموضوع
تمددت جنبه هو حضنني و رقد و انا مازلت نفكر ف المكالمه
وعيت الصبح هو قاعد راقد نزلت بسرعه دخلت للحمام غسلت و طلعت وعيته
بدلت و نزلت لقيت البنات مجهزات الفطور و الشباب طالعين
نزل فهد مبدل فطرنا و وصلني للمدرسة و طلع
فات الدوام عادي زي كل يوم
و في نهاية الدوام طالعين انا و البنات نهدرزو و نضحكو گ العاده
بس وقفت مصدومه و فاتحه عيوني ع وسعهم نحاول نستوعب يلي نشوف فيه!
نضاال!! متغير هلبا و كإنه كبر عشرين سنه لحيته طويلة و شعره غزير و كثير و مش مرتب
ضعفان و سمران و مش هو
قعدت ع وقفتي نحاول نمسك دموعي بس خانوني و نزلو
تقدم وقف قدامي و قال بصوت مخنوق
نضال: كيفك هزار
هزار: الحمد لله وو انت؟؟
نضال: شوفت عينك عايش
هزار: شن جابك هنا!!
نضال: جيت بناخد مرتي تقرا هنا
هزار: ااه الف مبرووك زواجگ💔
نضال: حتى انتي الف مبرووك زواجگ💔
دموعي ما بطلوش نمسح وحده تنزل الثانية
نضال: ما تبكيش هزار كيفه فهد معاك؟؟
هزار: الحمد لل... ما كملتش كلامي و انا نشوف فهد واقف قدامي عيونه دم و بيطلعو ماسك ع قبضه ايده و عروق رقبته بارزة من العصبية🔥
قال بصوت طالع من بين سنونه
فهد: شن يلي قااعد يصيير😡!
نضال: ولا شي جيت ناخد مرتي و شفت هزار و جيت نسلم عليها
ما تنساش ف النهاية بنت عمتي هي
يلا في امان الله
مشاا نضال و فهد قاعد ع نفس الوقفه
فهد: تحررركي قداامي للسياارة😡
هو يمشي سريع و انا نمشي وراه و حاسه جسمي يرجف و معنديش ولا قطرة دم
طول الطريق ساكتين و حاسه قاعد ع اعصابه
اول ما وصلنا فتحت الباب و نزلت نجري شافوني البنات استغربو
أطياف: خيرك هزار شن في
هزار: فهد ح يذبحني
قلتها و ركبت جري و سيبتهم
دخلت للدار و قفلتها بالمفتاح و شلت الحجاب صدري مش راضي يتنفس
ثواني و سمعت صوته يلي رج البيت
حسيت خطواته اقتربت من الباب و يخبط فيه بقوة
فهد: ااافتتحيي البااااب
هزار: تضربني؟؟
فهد: افتحي العن... بنت ال... بنت ال...
لما سمعته قال هكي قعدت بين السرير و الدولاب و نرجف خايفه ح يموتني
فهد: و رحمه امي يا هزار لو ما تفتحي الباب ح نكسره و لو كسرته وقتها امه محمد كلها ما تفككش من ايدي
وقفت و انا نرجف بنفتحله وين بنهرب ف النهاية ح يواجهني
فتحت الباب و قعدت واقفه
سحب السلاح و عطاه لاطياف و دفعني و قفل الباب و سحب الحزام من خصره
هزار: فه فهد بس اسمعني
ضربني ضربه ع رجلي حسيت روحي شاغت من قوتها
فهد: قداش مرة طالعه معاه؟؟
هزار: م ما طلعتش معااه
ضربني ضربه تانية طحت ع الارض
المفروض نبكي أو نصرخ بس لا دموعي راضيه تنزل ولا صوتي راضي يطلع
نازل فيا ضرب بالحزام بالاضافة لكلامه يلي زي السم
فهد: كلبة حقيييرة كم مرة طاالعه معااه كم مرة لااامسك؟؟ كنتي تسيبي ف الدوام و تطلعي معاااه ولاا؟؟ كل يوم يجيني اتصال ان مرتك طالعه مع حبيبها و انا الغبي يلي واثق فيك
مش ع اساس نسيتيه
كم مرة لامسك تكللللميي
ما بطلش ضرب بس كل الضرب يلي كليته ما وجعنيش زي الكلام يلي قاله
البنات يخبطو ف الباب و يصرخو بس هو مش مهتم لوجودهم
ممدده ع الارض و حاسه جسمي ينزف من كل مكان
تعب من الضرب تمدد جنبي و يتنفس بقوة التفتلي قال...
فهد: كم مرة طالعه معااه؟؟
طلعت مني كلمه وحده...
هزار: انت همجي
فهد: كم مرة لامسك؟؟
ندور اي اجابه توجعه...
هزار: عديم الرجولة انت مش راجل لو راجل ما تضربش امراة لاكن انت حيواان و همجي
حط ايده ع فمي و خشمي بكل فوته
انقطع عني النفس بس ما منعتاش اصلا ما نقدرش كل جزء ف جسمي متأذي مش قادرة نرفع لا ايد ولا رجل
حس اني اختنقت شال ايده عني
شغل سيقارة سحب منها نفس و مسك ايدي حط السيقارة بين اصابعي ف المنطقة الناعمه
ما تحملتش اكتر من هكي و صرخت بقوة و بكيت من قلبي
فهد: قولي كم مرة شفتيه؟؟
هزار: ولا مررة وربي ولا مررررة لاااااء
ترك ايدي و شغل السيقارة مرة تانية و حطها ف نهاية اصبعي قبل الاضفر يعرف وين يأذيني
صرخت بصوت يخوف و دموعي ينزلو
هزار: نضااااااااال
هو سمع اسمه ولا هبل احتار كيف يأذيني يضرب يرفس ب رجليه يسب و يلعن
شغل الولاعه و يمشيها ع جسمي
صرخت و بكيت حد ما صوتي راح
مسك اصبعي الصغير ب اصبعه الصغير و شغل الولاعه يحرق فيهم الاثنين
هزار ببكاء: اقتلني فهد ما تعذبنيش😭
فهد: احكيلي كل شي مستحيل نسيبك لو ما حكيتيليش كل يوم يجيني اتصال مرتك مع حبيبها
قولي كم مرة طالعه معااه؟؟
MR♥️Aß
سمعنا صوت الباب اندق بقوة لدرجة كان رح ينكسر
ياسر: فهد افتح الباب ما تتهورش
فهد: سيبونا براحنا محد يتدخل
خالد: فهد ما تضلمش هزار افتح الباب
شغل الولاعه مرة تانية صرخت بقوة و زاد صوت الباب
ياسر: فهددد رح نكسسررر البااااب وربي
خالد: فهد إبراهيم هنا يبيك تعال اسمع منه ما تضلمش هزار
فهد: من من؟؟
خالد: إبراهيم
ناض فتح الباب و دخلو البنات و الشباب يجرو
ياسر: شن داير ف البنت الله يكسر ايديك
فهد: من هنا؟؟
خالد: إبراهيم يبيك
طلع يجري و البنات و الشباب قاعدين قدامي كلهم و منين ما يلمسوني نصرخ احتارو كيف يساعدوني
يشوي و دخل فهد يجري سحب الهاتف
فهد: السلام عليكم استاذة
المديرة: وعليكم السلام خير ابني فهد
فهد: استاذة هزار تطلع من المدرسة قبل الدوام؟؟ او يوم غابت عن المدرسة!!
المديرة: لا ابد اصلا ممنوع ولا طالبة تطلع قبل الدوام و غياب ما تغيبش الا لو انت خديتلها اجازة
فهد: تمام مشكورة
قفل الخط و قعد واقف ف مكانه
ياسر: شفت عصبيتك و تسرعك لوين يوصلوك؟؟
فهد: اطلعوو
خالد: شوف حاله البنت ع الاقل خلي البنات يغسلولها
فهد: قلت اطلعوو برااا
طلعو كلهم و طلع وراهم شوي و دخل ف ايده سلاح
تشاهدت ع روحي
قعد قدامي و قال بصوت مخنوق
فهد: هزار رح نقعدك تقدري؟؟
ما قلت شي بس دموعي ينزلو
مسكني من كتفي صرخت و هو بكا و حضنني بقوة
الم جسمي موتني بس لما نسمعه يبكي قلبي يتقطع عليه
سندني ع السرير و سحب السلاح شال منه كل الرصاص بعثره ع الارض و سيب رصاصه وحده حطها ف السلاح
بيني و بين نفسي نتشاهد ع روحي
حط السلاح ف ايدي و وجهه ع راسه
فهد بدموع: هزار انا أذيتك انتقمي مني اقتليني
سحب السلاح و حذفته ع الارض و انفجرت بالبكاء
حضنني و يبكي معاي بعد فترة قال نوضي نغسللك
شالني للحمام حممني و شبعت بكاء و هو دموعه ينزلو معاي
بدللي و طلعني مددني ع السرير
هزار: نبي نمشي حوش اهلي
فهد: انتي تطلعي من هنا روحي تطلع وربي
ما قدرتش نناقش غفيت من التعب
فتحت عيوني الدار ضلام و باردة نسمع ف صوت بكاء فهد نزلو دموعي
هزار: فهد!
انحنى ع ركبته قدامي
فهد: روح فهد متأذية نرفعك للمشفى؟؟
حطيت ايدي ع لحيته
هزار: علاش تبكي؟
فهد: هزار انا ما نستاهلكش شوفي شن درت فيك
هزار: علاش درت هكي؟؟
فهد: كل يوم يجيني اتصال يقول مرتك مع حبيبها مرتك طلعت من ...