انتقام عاشق 🔥

22❤

#منقولة
.
فتحت عيوني الصبح ع بوساته ع خدي
فهد: صباح الورد حبيبتي و اخيرا نضتي مليت من الانتضار
هزار: صباحوو قداش ليك تستنى!؟
فهد: عشرة دقائق
هزار: حسستني ان ليك ساعتين تستنى و مليت من الانتضار
فهد: ههههه يلا نوضي كلهم يستنو فينا ف حوشنا يسلمو علينا و يرجعو للريف
هزار: اوكي
نزلت من السرير دخلت للحمام درت دوش طلعت فطرنا مع بعض و هو كل شوي يضحكني
كملنا الفطور و بدلنا و اندق الباب
فهد: أكيد ياسر وصل انا اتصلت بيه يجي يرفع الفيلو
خدينا حاجاتنا و طلعنا سلمنا ع ياسر و باركلنا
وصلنا للحوش عمامي كلهم موجودين اول ما وصلنا شفت عمي جايب خروف و معاه موس وقفونا و يبو يدبحوه قدامنا سيبتهم و دخلت بسرعه و هما ينادو عليا و يضحكو
مهبولين هو انا ما نبيش نشوفه نخاف منه فما بالك يدبحوه قدام عيوني
دخلت و استلمووني بالسلام حسيت فمي انعوج من كثر السلام
ركبت مع أطياف و ملاك و نور الفوق
اول ما دخلت للدار نور حاولت تسحب حجابي استغربت من تصرفها؟!
نور: نبي نشوف انجازات خوي😂
كلهم يضحكو ع كلامها و انا صرت حمرة من الخجل
نور: قوليلي هزار حلوة ولا تخوف؟؟ يعني نتجوز ولا لا!!
أطياف: تي شن انتي ما تستحيش ع وجهك ولا كيف! شن الكلام هدا؟
هزار: هادي ف ليلة عرسها هي تغتصب راجلها😂
الكل: هههههه
ضلينا نضحكو و نهدرزو و انسجمت معاهم و نور الكلبة سحبت حجابي و شافو رقبتي زي النم
نزلنا ع الغداء تغدينا و عمامي روحو ودعناهم و اصريت ع أطياف تقعد بس ما تبيش الخبيثة روحت
شوي و روحو اهلي اصرينا عليهم يقعدو بس ما يبوش
روحو كلهم قعدنا انا و فهد بس
تمدد هو ع الكنبة و انا ركبت للدار
بدلت ملابسي لبست قفطان قصير
جاني الفضول نشوف ملابسي!!
فتحت الدولاب نقلب فيهم و طلعت من الدار نتمشى ف الحوش
شفت كل الغرف بس في غرفة وحده مصكرة!!
واقفة قدامها و انا نفكر شن فيها؟؟
سمعت صوت فهد وراي...
فهد: شنو تديري؟؟
هزار: علاش مصكرة الغرفة هادي!!
فهد: المفتاح ف الكوميدي جيبيه و تعالي
مشيت بسرعه للدار جبت المفتاح و عطيته لفهد
مسك ايدي و فتح الدار دخلت و انصدمت فيها
كانت الغرفة كلها عبارة عن لوحات مرسومات
جيهه تاامهه رسمات عن الطبيعه و الجبهه التانية لوحات امه
اقتربت من لوحه محطوطه ف زاوية بروحها كانت صورة عمو كاظم
يعني فهد كذاب يحب ابوه
مشيت ل لوحه تانية هادي صورتي!
هزار: بجد انت ترسم فيهم!!
سحب كرسي من جنبه و قال
فهد: تعالي نثبتلك
قعدت ع الكرسي و هو جاب لوحه بيضة و الوان و بدأ يرسم
مر هلبا وقت و انا مليت
هزار: خلاص بنوقف
فهد: اصبري شوي
هزار: يلاااا
فهد: اصبري
هزار: ح نوقف
فهد: نقتلك
هزار: لا لا بنوقف
فهد: خمسه دقايق بس
هزار: واحد اثنين ثلاثة اربعه خمسه خلاص بنوقف
فهد: عينك هادي ثواني مش دقايق
هزار: وقفت..
فهد: نقتلك
شوي شوي لين وقفت
فهد: اووف منگ تعالي شوفيها
مشيت لعنده كانت اللوحه حلوة
هزار: نبي نرسم حتى نا علمني
مسكت الالوان و مسك ايدي و نحاول نرسم
هزار: تي انت شنو ضابط و رسام لو ندخل بيك مزاد نربح ملايين
فهد: هههههه ما تفيدكش الفلوس مثل ما نفيدك انا
هزار: ههههه
فهد: هي نطلعو و ديري بالك ما نبي حد يعرف بالموجود ف الغرفة هادي
هزار: بجد محد يعرف انك ترسم؟؟
فهد: أطياف و ياسر يعرفو
هزار: اممم
جت عيني ع كوميدي صغير مغلوق
جيت بنسأله بس ترددت و هو حس عليا
فهد: فيها غراض امي
هزار: اا يلا نطلعو
طلعته لان ما نبيشي يتأثر
دخلنا للدار هو دخل للحمام و انا تمددت ع السرير و شغلت التيليفزيون
طلع هو تمدد جنبي رن هاتفه
فهد: نوضي هزار وصلو ضباط يباركولي عندك عصير ف الثلاجه جهزيه
هزار: اوك
نزلنا انا دخلت للمطبخ و هو فتح الباب
وقفت ورا باب المطبخ و نشوف من المرش لانه مضلل
ماشاء الله فيلق كامل و كلهم لابسين الزي العسكري يخوفو
شوي و دخل فهد...
فهد: نبو مية
عطيته المي و سألته
هزار: كم شخص؟؟
فهد: 12
جهزت الاكواب و خداهم و طلع
ربع ساعه و شفتهم طالعين و يهدرزو و يضحكو و معاهم شاب من عمر فهد كل شوي يضربه ع كتفه و يضحك
روحو و هو جاب الاكواب غسلتهم و هو جنبي ع الطاولة يحكي ع الهاتف
مركزة معاه كلامه كله اوامر آخر شي قال...
فهد: خليهم ينصرفو يشوفو شغلهم انا مش بحاجتهم حاليا
و قطع اتصاله
هزار: فهد من هما يلي قلت ما تبيهمش و مش بحاجتهم
فهد: حراس
هزار: حراس شنو؟؟
فهد: حراس شخصيين ديما معاي يحافضو ع حمايتي
هزار: اي معناها علاش ما تبيهمش
فهد: مش محتاجهم خليهم يشوفو شغلهم
هزار: فهد ح يبدا الدوام
فهد: اي نقلتك ل مدرسة خاصه ف منطقة قريبة من هنا
هزار: كييف! و مدرستي و صديقاتي؟؟
فهد: تتعودي
هزار: انت دوامك قرب نقعد بروحي ف الحوش!!
فهد: تتعودي
هزار: اييي تتعودي تتعودي ملييت
فهد: ما تعليش صوتك و بعدين شن تبيني نقعد مقابلك و مقعمز نسيب الخدمه!! نطلعو الصبح مع بعض انا للدوام و انتي للكلية
ترجعي ترتاحي و ترقدي و انا نرجع العصر
هزار: خلاص معش نبي نقرا لما تمشي للدوام حطني ف حوش اهلي و لما ترجع اخطم عليا
فهد: هههه شيلي هالفكرة من بالك قرايتك تكمليها غصب عنك و اياگ تجيني يوم درجاتك ضعاف
و اياك تجيني يوم تقولي نبي نبات ف حوش اهلي
هزار: اووف انت الكلام معاك عقيم
سيبته و ركبت للدار نبكي مش ع خاطر اهلي ولا شي
لكن انا درجاتي ديما ضعيفة و ولا واحد ف اهلي يعترض او يكلمني هو شن دخله فيلا😭
غسلت وجهي و شغلت التيليفزيون تمددت ع السرير
دخل هو للحمام بدل ملابسه و طفا التيليفزيون و الاضوية و تمدد جنبي
هزار: علاش طفيته؟؟
فهد: بنرقد
هزار: اناني . نزلت من السرير عيط عليا
فهد: تعااالي
خفت من نبره صوته رجعت تمددت جنبه
هزار: هاا
فهد: ارقدي
هزار: مش نعسانه
فهد: ااه . سحبني من خصري و💋...
غفيت ف حضنه و صحيت ع صوت الهاتف يرن
رد عليه و بعدين قال..
فهد: نوضي بدلي نطلعو نتعشو البرا
اهم شي الطلعه قتله
هزار: اوكي
دخلت درت دوش و طلعت و دخل هو
فتحت الدولاب ندور ع سروال مفيش ولا واحد كلها تنورات و قفاطين
لبست قفطان و حطيت مكياج خفيف واقفة نعدل ف الحجاب طلع هو من الحمام
يتكلم و هو يبدل ف ملابسه
فهد: حبيبتي خففي الروج
هزار: خفيف هو لونه هكي
فهد: لا بارزات شفايفك
مسحته و حطيت لون تاني التفتت عليه
هزار: كيف؟؟
فهد بابتسامه: هكي تمام
بدل و طلعنا اول شي نزلنا ف حديقة الدنيا ضلام و الجو حلو
ماسكه ف ايده نتمشو و نهدرزو و نضحكو
حاسه نفسي زي الاميرة لما نكون معاه
صح ما نحباش بس نرتاح معاه و نحس بالامان.
فهد حباب صح يبين عصبي و متسرع
نفس الصفات انا وياه حتى نا عصبية و متسرعه
مشينا ل مطعم تعشينا و الجو حلو و هادي
إبراهيم: السلام عليكم سيدي
فهد: و عليكم السلام هلا إبراهيم
ضل فهد يهدرز عليه و يعطي ف تعليمات و هو عيونه ع الارض ما قامش عيونه ابدا شوي و طلع
هزار: شخص مؤدب ما قامش عيونه ابدا
فهد: و شنو انتي عجبك تبيه يقيم عيونه
هزار: استغفر الله خيرك انت ما تخلينيش ننوض نسحقك قدام الناس
فهد: ههههههه تسحقي من ههههه
هزار: ههههه من هدا!؟
فهد: هذا إبراهيم مساعدي الشخصي إنسان متعذب هلبا
هزار: كيف يعني؟؟
فهد: إبراهيم حب وحده و قداش حاول يخطبها بس اهلها ما قبلوش يعطوها ليه ف انا جمعت ضباط و قادة كبار و خدينا سيارات و مشينا خطبناها
هما لما شافونا ما قدروش يرفضو
و تجوزها إبراهيم و وقتها كان اسعد إنسان ف العالم عاش سعيد لمدة سنه كل يوم يشكرني و يقولي يرحم والديك معروفك ما ننساه
بعد سنه جاته بنوته حلوة و زادت فرحته بيها
كبرت البنوته و صار عمرها سنه بس بعد فترة اكتشفو ان عندها ورم
شهور و ماتت البنت و من يومها و هو يعالج ع الصغار بس بدون فايدة لليوم
MR♥️Aß
هزار: يا ناري حارامات
سرحت شوي قلت خل نحرق اعصابه
هزار: فهد لماا يبدو عندنا صغار خل نعطوه واحد
وسع عيونه بصدمه: شنوو!! هبلتي انتي!! والله لو خوي ولد امي و بوي ما نعطيه
هزار: علاش حرام
فهد: توا لما تصيري ام و يبدا عندك صغار لو يقطعوك ما تعطيهم لواحد
كملنا هدرزة و روحنا للحوش اول ما دخلنا قال...
فهد: هزار ديريلي شاي
هزار: دقيقه نبدل ملابسي بس
ركبت بسرعه بدلت و نزلت سخنت الشاي و عطيتهوله هو متمدد ع الكنبة يشوف التلفزيون
عطيتهوله و قعدت ع الكنبة يلي جنبه
فهد: تعالي هنا( اشر ع المكان بجنبه)
هزار: ماهو تشرب ف الشاي
فهد: ما دخلكش انتي تعالي بس
تمددت جنبه راسي ع صدره و ايده ع كتفي هو منسجم يتابع ف فلم اجنبي و انا نستنشق عطره راحه نفسية
مش عارفة منين جتني الجرئة رفعت ايدي و فتحت بطم البلوز
هو متفاجىء من حركتي
فهد...
يتبع⁦♥️⁩...
رايكم يهمني 🔥

بنوتات اسفه ع الجرئى اللي في الروايه مش اني كاتبتها سوووووري 😅🤗🤭