انتقام عاشق 🔥

21

.
انفتح الباب رفعت راسي دخل فهد و هو مبتسم لا اراديا وقفت و انا نرجف و كإن اول مرة نشوفه
قرب عليا مسك ايدي
فهد: ايديك باردات
هزار: انت ايديك ساخنات
فهد: خيرك متوترة اقعدي مش جاي ناخد راسك
قعد ع السرير و انا جنبه مسك ايدي يحكي و يشوف لعيوني
فهد: شوفي هزار من اليوم انا و انتي دخلنا مرحلة جديده ف حياتنا نبيك توعديني انك تنسي الماضي والذكريات القديمه و ح نرجعلك تيليفونك لان واثق فيك و نبيك تحافضي ع هالثقة
نبيك تعرفي اطباعي بيش نكونو واضحين من البداية و ما نبيش نتعرضو لمشاكل القدام
اي شي تديريه من وراي صح كان ام غلط نبيك إنتي تقوليلي ما نبيش نسمع من غيرك
انا إنسان عصبي و صعب و مش بالساهل نسامح ما نبيكش تغلطي معاي لان مستحيل ننسى أو نسامح.
انا نكره المرأة الثرثارة يعني اي شي يصير بيننا يقعد بيننا ما نبيش لا امك ولا أطياف يعرفو ب أي شي
و تأكدي ان اي قرار ناخده ف لحضه هدوء او عصبية مستحيل نتراجع عنه مهما كان ف ياريت ما تتصرفيش تصرفات تخليني ناخد قرآرآت مش من قلبي... اوكي!!
هزار: اوكي بس...
فهد: بس شنو؟؟
هزار: انت قلت اي قرار ف لحضه هدوء او عصبية ننفذه يعني.. انت ف ليله عرسنا بتمشي ل بنت ليل؟!
فهد: اي اكيد فحياتك شفتيني غيرت قراري؟! بعدين انتي بنفسك قلتي ما يهمنيش
حسيت اشتعلت ناار من كلامه
هزار: اي برا ما يهمنيش بس ما تفكرش انك تقرب مني
فهد: هههههه ما تحطيش راسك من راسي انا يلي نبيه نديره
هزار: بس معاي انا الوضع يختلف مستحيل نسمحلك
فهد: و انا ع العناد نمووت🔥
وقفت بقلة صبر مسكني من ايدي
فهد: انا ما قلتش نوضي
هزار: و شن مازال تبي!؟
سحبني من ايدي قعدت جنبه
فهد: شنو رمز تيليفونك؟؟
بلعت ريقي بخوف هدا ع شن ناوي!!
هزار: شنو تدير بيه؟
فهد: نبي نديرله سفتوير قلت مرات عندك فيه صور تبيهم لان كل البرامج ح نحذفهم
انحرق دمي من كلامه
هزار: لا والله مكلف نفسك و جايبه
مسكني من فمي بقوة
فهد: ادوي معاي كويس خيرلگ
بعدت ايدي منه
هزار: سيبني و لو كملت كلامك اطلع
مسك فمي قرب عليا يبي يبوسني دفعته بقوة
هزار: بعععدد علياااا ننقرف منگ
حسيته تحول ل بركان و عيونه ناار و شرار
التسريحه انفتحت من قوة الكف شالني و حطني ع السرير و ثبت ايديا ورا ضهري و هو فوقي
فهد: منوو يلي تنقرفي منه(angry)؟!
قطع شفايفي من العض وانا نبكي بسكوت ما نقدرش نصرخ نتحشم من اهلي
دموعي ينزلو و ونيت من الالم
فهد: ليش توّني مش ع اساس تنقرفي مني؟؟
هزار: أذيتني
فهد: مازال ما شفتي شي
اندق الباب بعد مني و هو يمسح ف شفايفه ب منديل
طلع و سيبني و انا كارهاته و كارهه الدنيا بما فيها🔥
نضت للحمام درت دوش و لبست و طلعت تعشيت و رجعت رقدت من التعب ما نحس الا للصبح صابرين تصحيني
فطرت و طلعنا للصالون بدا يجهزو فيني و انا ف عالم تاني مش معاهم اصلا تفكيري كله ف فهد و الكلام يلي قاله البارح
نرجع نقول انا اصلا ما نحباش ما يهنيش بس صعبة انتي عروسة و راجلك يمشي ف ليله عرسه لبنت ليل حتى لو ما تحبيشي بس ح تحسيها شينه
كملنا و وصلت الزفة و نختصر عليكم حوسة كل عرس أكيد عارفينها
سلمني بابا ل فهد و طلعنا للقاعه الزوز ساكتين رافعت راسي سيارتنا مضلله
فهد: نزلي راسك
هزار: السيارة مضلله عادي
فهد: نزززليي
هزار: فهد رجاءا نبي نشوف
فهد: اوكي بس ما تخليش شعرك يبان
نشوف للسيارات و كإن القبيلة كلها حاضرة زفتنا
اصدقاء فهد كل شوي يوقفو ف الكياس ينزلو يرقصو و يرجعو يركبو يسطربو و يحربو فيه و هو يضحك ع هبالهم
وصلنا للقاعه الناس دخلت و حنا مشينا لغرفة التصوير
صورنا مع العيلة اكتر من صورة و بعدين فهد قال..
فهد: توا تفضلو بلا مطرود
ضحكنا عليه كلنا و طلعو خدينا صور براحنا نا وياه
بس والله صور يضحكو انا مكشرة ف وجهها و هو يضغط ع خصري
حتى المصورة حست علينا
المصورة: الباين انكم متزاعلين
اقترب همس جنب اذني
فهد: اضحكي شوي
ابتسمت ف الصور الاخيرات و بعدين دخلنا للقاعه
واقفين ع الباب و اول ما دخلنا سلطو الاضواء علينا و اشتغلت اغنية مع دخلتنا و هو ماسكني من ايدي و نمشو بين الناس فعلا حسيت نفسي وقتها آميرة
قعدنا ع الكوشة و بدو البنات يرقصو و انا مركزة ع فهد يلي ما قامش عيونه ابدا
طلع هو و كملو رقيصهم حاولو معاي بيش نرقص قلتلهم ما نعرفش
(كذب لو ننطرب حتى هيفاء وهبي ما تلحقش عليا😂)
اتحشمت نرقص قعدت نتفرج و خلاص
بعد نصف ساعه دخل فهد حتى نكملو باقي الفقرات
تكلمت البنت يلي عندها المايك و قالت فقرة تقطيع الكيك
مسك ايدي و قطعناها وكلني و وكلته و حنا مكشرين ف وجهه بعضنا😂
بعدين فقرة رقصة العرسان ما حبيتهاش نهائيا لان الفيلو ما يساعدنيش
نزلنا ع المنصة و انطفت كل الاضوية ضل الضوء يلي مسلط علينا بس
هزار: ما نقدرش نرقص هكي
مسك ايدي و قال
فهد: ولا يهمگ ما تدوري شي
اشتغلت الاغنية هو محاوط خصري و انا محاوطه رقبته ب ايديا الاثنين
و ثنين مصورات يصورو
همس جنب اذني و حنا نرقصو...
فهد: ابتسمي هاللحظات مش رح تتكرر
هزار: هههه شكلك يضحك و انت ترقص
فهد: اي اضحكي اضحكي ح نشوفو من رح يضحك ف الاخير
هزار: ما تخوفنيش والله نرجع مع اهلي
فهد: ههههه ماهو بكيفك هو ترجعي
خلصنا الرقصة و هو ماسك ايدي
بعدها قالت فقرة رقصة امهات العرسان
بسرعه شفت ل فهد يلي ابتسم ابتسامه مصطنعه و ف عيونه كمية كبيرة من الحزن
دخلت امي و ام أطياف و هما الاثنين يبكو
اشتغلت اغنية ع الام و انا تركيزي كله ع فهد يلي عيونه مليانه دموع
هالعيون صرت نفهم عليهم وقت يبو يبكو
خلصت الرقصة و طلع فهد حتى يتعشو الضيوف
تعشو و بعدها وصلت الزفه بيش يزفوني للفندق
وقتها فعلا حسيت بالخوف و امي توصي فيا ما قدرتش نمسك دموعي بكيت و انا نودع فيهم
سلمني بابا ل فهد و طلعنا مع سيارات الزفه
وصلونا للفندق و رجعو
MR♥️Aß
فتح باب الغرفة دخلت و انا نرجف خوف
فهد: بدلي بيش نطلب العشاء
حاولت نفتح الفيلو ما قدرتش
هزار: احم فهد تقدر تساعدني
فهد: التفتي نفتحهولك
قعدت نشوف لعيونه بخوف خايفة نلتفت هو فهم عليا
اقتربت مني سحبني لصدره و فتح السحاب و ذبت و انا نحس اصابعه تمشي مع طول ضهري شم رقبتي و ابتعد و هو مبتسم
فهد: حرامات ح ندوق غيرها
ابتعدت عنه
هزار: دور وجهك
هو دور وجهه و انا تركت الفيلو و دخلت للحمام بسرعه
لبست روب نوم ابيض طويل
طلعت وقفت ع الزيانه قدام المراية
هزار: تعال ساعدني نفك شعري
فهد: لا مشكورة توا نلقاه مليان شدّات
التفتت عليه بصدمه: و انت شن عرفك!؟
فهد: ههههه
هزار: تحكي و كإنك مجرب
فهد: و من قال انا مش مجرب
احترق دمي من كلامه
هزار: قصدك متجوز قبلي؟!
فهد: اي ثلاثة و انتي مسك الختام
حسيت روحي اشتعلت من الغضب
هزار: وينهم؟!
فهد: ماتو
هزار: كلهم؟؟
فهد: اي
بلعت ويقي بخوف: كيف ماتو
فهد: ف ليله الدخله يموتو
ركبت فوق السرير و حكيت بتحذير
هزار: والله ي فهد لو تقترب مني الا نقلب الفندق ع راسك برا تجوز حتى عشرة بس أنا ما تقتربش مني
فهد: ههههه انزلي ي هبلة نبصر عليك
هزار: لااء مش نازلة
فهد: تكسري السرير ورانا شغل عليه😉
هزار: بعد ما تقتربش مني
نزلت وقفت قدام المراية نحاول نفك التسريحه
اقترب مني و يشيل ف الشدّات و هو يلعن ف المزينه لانها مكترة منهم هلبا
فهد: شعرك شن دايرتله
هزار: مدرت شي
فهد: ليش ملمسه هكي!؟
هزار: من المثبتات
فهد: بري اغسليه
هزار: اوكي
دخلت للحمام غسلت فعلا حسيت روحي خفيفه بعد ما فتحت التسريحه
طلعت من الحمام هو شافني و انفجر بالضحك و انا واقفة ف مكاني مش فاهمه شي هو ماسك بطنه و قعد ع الارض من الضحك!! شكيت ف ملابسي مقلوبات شفتهم لا والله مساويات خيره هدا!! يبي يتكلم مش قادر من الضحك
شفت شكلي ع المراية
هزار: عاااااا
دخلت للحمام نجري شكلي يرعب مكياج سايل ع وجهي طالعه زي البانده
غسلت و طلعت لقيته طالب العشاء و قاعد يستنى بس ما يضحكش رجع شكله طبيعي
تعشينا ومحد قال شي
كملت نضت غسلت و هو غسل و قال
فهد: يلا انا ماشي ساعتين و نرجع
اتصنمت ف مكاني و عيوني مليانه دموع بس ما نبيش نبكي قدامه ما نبيش يشوفني ضعيفة
هزار: برا و مفيش داعي ترجع اصلا
فهد: بكيفي نمشي و نرجع وقت يعجبني
هزار: مستحيل تقتربلي
فهد: يصير خير هزار
طلع و صكر الباب و انا نزلت ع الارض انفجرت بالبكاء
ما نبيشي يمشي ما نقدرش نتحمل حتى لو ما نحباش بس ما نبيشي يمشي
نضت بخطوات ثقيلة مشطت شعري و انا دموعي ما وقفوش
شغلت التيليفزيون و تمددت ع السرير و تفكيري كله فيه زعما شن يدير توا!؟
مرت ساعه و دخل مبتسم
هزار: استمتعت؟؟
فهد: اي هلبا
هزار: نكرهك
فهد: بسيطه نتحمم و نجي نعاقبك
دخل دار دوش و طلع طفادخل دار دوش و طلع طفا الاضوية و التيليفزيون و تمدد جنبي و سحبني من خصري دفعت ايده
هزار: فهد بعد علياااا ما نبيكش نكرهك
فهد: اشش بكيفي
نزلت دموعي و انا نشهق بالبكاء
اقترب 💋 دفعته و انا نبكي و نرجف
هزار: بستها زي ما بستني؟؟
MR♥️Aß
فهد: و حياتگ كنت قاعد ف صاله الانتضار تحت لا طلعت ولا مشيت لاي وحده مجنون انا بيش نسيب الحلوو هذا و نمشي لغيره؟؟
نزلت دموع الفرح و ابتسمت براحه...
يتبع⁦♥️⁩...
رايكم يهمني 🔥
❤❤❤❤❤❤🤭