انتقام عاشق 🔥

8

منقووووله 🤭🤭
.
حسيت ع صوت ضحكه جنب اذني و ايدين ع كتفي
فهد: ههههه افتحي عيونگ هزار
هزار: هدا فهد🤦 لا ي ربي و انا يلي نافخه ريشي عليه و ف النهاية يشوفني ف موقف زا هدا!!
فتحت عيوني لقيت وجهي ف وجهه
فهد: خيرك اي جن اي بطيخ هو في جن هنا؟!
هزار: والله تمنيت نشوف الجن ولا نشوفگ
حسيته صار بركاان🔥 مسك ايدي بقوة و لفها ورا ضهري حسيت ايدي انشالت من كثر الوجع
هزار: اااي فهههد ايدي تروك ايدي بترجاك عم توجعني كتيير
ع قد ما كنت معصب منها و نبي نقطعها ع قلة الادب بس لما سمعت كلامها ما قدرتش نمنع نفسي من الضحگ
سمعت انها تلخبط ف الكلام بس ما توقعتش لهالدرجه
فهد: شن تقولي أنتي اثبتي ع لهجه
هزار: فهد ايدي توجعني
سيب ايدي بعد ما حسيتها انكسرت
فهد: شن تديري هنا ف الوقت هدا؟!
نزلت راسي بجخل ما نقدرش نقوله نبي التواليت
فهد: نكلم فييگ!!
هزار: نبي نمشي للتواليت و البنات ما يبوش ينوضو
فهد: و انتي خيرك منزله راسك ولا درتيها ع روحك بسبب الجن
كلامه يحرق القلب يجبرني نرد عليه
هزار: توا بتطلع معاي ولا شنوو؟!
فهد: هزار تكلمي كويس مادام قاعد كويس معاك ما تخلينيش نوريك وجهي الثاني
سكتت لان كلامه يخوف
فهد: هي امشي قدامي
طلعت و هو رواي لو مش فهد لو جدي ح نقوله يمشي معاي لان معش نقدر نتحمل
وقف بعيد شوي..
هزار: خيرك وقفت الحمام مزال بعيد
فهد: هني تمام شن تبيني ندخل معاك ولا كيف؟!
دخلت للحمام و طلعت لقيته قاعد ف مكانه
هزار: هي امشي
فهد: قولي شكرا حتى بالكذب
هزار: على شنو!! حسستني انك رافعني للمنتزه مش للحمام
فهد: استغفر الله انتي علاش ما تعرفيش تتكلمي؟!
هزار: و كيف تبيني نتكلم؟!
فهد: هزار ادوي كويس دام النفس عليك طيبه لان وربي لو تعصبيني نكرهك ف حياتك
مبيتش نزيد معاه ف الكلام اصلا نعسانه و نبي نرقد
دخلنا و هو صكر الباب ماشيين ف الدرج و ساكتين وين قريب نوصلو للدار الهاتف شعل الضوء أنا ما انتبهتش عليه لأن حاطاته صامت بس هو انتبه و خداه من ايدي بسرعه و فتح الخط و حط ايده ع فمي
اني قلبي وقف كل تفكيري انه نضال يلي يتصل لان ضغط ع فمي بقوة و عيونه ناار و شرار🔥
حط الهاتف ف ايدي و قال...
فهد: توا نوريگ🔥
و مشاا دخل للغرفة لا ي ربي ف ايدين من طحت!! ف ايدين فهد!!
شفت الخط مفتوح و هادي نرمين صاحبتي!! اي نرمين يلي اتصلت
بس هو علاش عصب!! حييي زعما الغبية هادي قالت حاجه!!
بعد التفكير هدا كله مشيت نجري للدار و دخلت تحت البطانية اتصلت ب نرمين
MR♥️Aß
هزار: الووو
نرمين: وينك ي كلبة ما ترديش؟!
هزار: مش انا يلي رديت عليك
نرمين: مانا منو؟!
هزار: فهد
نرمين: حيييي عليااااا ي حقييرة كيف تخلييه يرد ع هاااتفك مش عاارفتني نسب و نلعن🙆
هزار: نرمين ما تخوفينيش قولي شن قلتي
نرمين: تي ما خلييت ما قلت
هزار: نرمين بالله ما تحرقيش اعصاابي و قوليلي شن قلتي
نرمين: اول ما انفتح الخط سبيت ع عشيرتك و ع فهد
هزار: تي قوولي ي كلبه شن قلتي؟!
نرمين: الللوووو بنت الكلب العن عشيرتك و عشيرة فهد و فهد و ابو فهد وينك
الووو هزاار خيرك ما ترديش ولا فهد كلا لسانك؟!
نرمين: هكي قلت🤦
هزار: تفووو عليك ي تافهه ي قليلة الادب علاش تقولي هكي؟!
نرمين: و انا شن عرفني ان فهد يلي رد عليا!!
هزار: انتي اصلا ليش تسبي ليش تتكلمي ي غبية!!
نرمين: الحق مش فيك الحق ف يلي معبرك اصلا
فصلت عليا الخط!اووف هادي زعلت
حاولت نتصل بيها مرة تانية و رجعت فصلت الخط
توا غدوة نكلمها اصلا تعبانه
حطيت الهاتف تحت المخده و غمضت عيوني حسيت ع صوت الباب انفتح التفتت شفت فهد واقف فوق راسي
فهد بهمس: اسس ولا حرف نوضي معاي للدار شوي نكلمك
مسكني من ايدي و سحبني معاه ل داره صكر الباب و التفتلي و يحكي بعصبية
فهد: من هي هادي يلي اتصلت بيگ!؟
شفته عصبي قلت خل نرد كويس احسن ما يقتلني هنا
هزار: صص صاحبتي
فهد: عاارفهااا شبشبك عاارفها صاحبتك شن الالفاااض هاادي يلي تقول فييهاا
احترق دمي ف كل شي يتدخل قهرني
هزار: صاحبتي و نكلمها و تكلمني زي ما نبو انت شن دخلگ؟!
فهد: شن عرفها ان عندك ولد عم اسمه فهد!! تحكيلها عليا؟!
هزار: شن دخلك شن دخل... ما كملتش كلامي و ما نحس الا 💋 نبي نبتعد عنه نبي نقيم ايدي بيش نبعده بس ما قدرتش جسمي كله ارتخى و عيوني تغمضو براحهم قلبي بيطلع رجليا بادو مش حاسه بيهم
ما ابتعدش الا لما حس انه محتاجه اكسجين بس أنا قعده ع نفس الحالة...
حاوط وجهي ب ايديه و قال...
فهد: افتحي عيونگ هزار
فتحت عيوني و انا منتهية متخدرة ع الآخر
فهد: خيرك ساكته!! ولا فهد اكل لسانك😉(قصده ع كلام نرمين)
هزار: علاش درت هكي!!
فهد: انتي علاش ما منعتينيش!! ولا عجبگ الجوو!!
دموعي بطرف عيني لو نرمش يطيحو بس نكابر و ما نبيش نبكي قدامه
هزار: لااا مش عاجبني و لو تعاودها ما تلوم الا نفس... ما خلانيش نكلمل كلامي و💋 كرهت روحي و كرهت ضعفي قدامه نفس الضعف نفس الشي
للحظه تخايلت نضال قدامي مش عارفة منين جتني الجرئة دفعته و ضربته كف
و هو قريب هبلل و معش عرف شن يقول يسب و يلعن و رجعلي الكف بقوة آخر شي سحبني من ايدي و طلعني من الدار و انا قعده ف حاله صدمه من كل شي من البوسة و من الكف و من المكاامه مش عارفة كيف وصلت للدار و رقدت
لما شفتها عصبت و بدت تلخبط ف الكلام عرفت روحي مش ح نسيطر و ح نضربها لدلك قررت نسكتها بطريقة تانية😋 ع قد ما تحاول تبين انها قوية بس ف الحقيقة هي ضعيفة قدامي بستها مرة تانية كنت منتضرها تمنعني لكن صدمتني لما ضربتني كف!! انا فهد تمد علياا ايدها!! بسيطه ي هزار لو ما خليتكش تتوسلي ما بكونش اسمي فهد🔥
نضت تاني يوم ع صوت سمية
سمية: هزار... هزار يلا نوضي صار الضحى و انتي راقده
هزار: اوكي بري انتي و انا نلحقك
نزلت سمية و خديت الهاتف شفت الساعه 9 اتصلت ع نضال هدرزنا شوي و اتصلت ع نرمين راضيتها صارت الساعه 9:30 نزلت للحمام شطبت و غيرت و طلعت صبحت عليهم و فطرت لكن ما شفتش فهد هكي أحسن اصلا
مر الوقت عادي لحد العصر نضال قال اليوم نكلم بوك نخطبك منه لان عندك هلبا اولاد عمام و ما نبيش حد يحط عينه عليك
فرحت هلبا لأن اليوم هدا منتضراته من سنين
ف الليل بعد العشاء قاعدين جدو و عمامي و اولاد العم كلهم موجودين
و انا فرحانه باللمه هادي و نستنى ف بابا يتكلم
بس ما كنتش عارفة ان باللمه هادي رح تخرب حياتي بعاداتهم و تقاليدهم
ما كنتش نعرف أن باللمه هادي رح يخربو حياتي و يخلوني ندير شي ف حياتي ما فكرت نديره
باللمه هادي رح يخربو حياه ثلاث اشخاص/ هزار. سمية. نضال...
يتبع⁦♥️⁩...
رايكم يهمني 🔥