انتقام عاشق 🔥

25

#منقوولة
.
واقفة نمشط ف شعري انفتح الباب دخل فهد عصبي
استغربت خيره هدا؟!
فهد: غبية انتي في واحده تحط الطنجرة ع النار و تسيبها؟!
هزار: أما طنجرة!؟
فهد: غبية و نسيتيها تي انزلي الزر احترق
نزلت بسرعه و هو وراي لقيت الدنيا كلها مغبوقة دخاان طفيت الغاز و نقعت الطنجرة لان الرز متفحم
فهد: بما انك ما تعرفيش تطيبي ليش تتعبي ف روحك؟؟
هزار: تي ماهو تبي عشاء ولا ما تبيش؟؟
فهد: لا علاش ما نبيش شنو صايم!! لكن ديري حاجه تقدريها
هزار: مفيش خبزة
فهد: توا نطلع نجيب
مشاء يجيب خبزة و انا طلعت الدجاج من الكوشة ضقته طعمته قنينه
شوي و دخل فهد جايب خبزة و بيتزا و ببسي و شوي حلوو
رتبت الطاولة و قعدنا نتعشو بدون ما نحكو
غسلت المواعين و سخنت الشاي لقيته ف الصالة ع الكنبة يتصل و يضحك
عطيته الشاي و قعدت جنبه
قفل الخط ثواني و جاه اتصال ثاني
وقف بسرعه و هو يجااوب
فهد: شنووو تي كييف هكي؟؟.. اي اي ثواني بس
حط الهاتف ع الطاولة و ركب بسرعه بدل و نزل شال الهاتف و طلع
قعدت واقفة مش فاهمه شي!! بعدين استوعبت ان فهد طلع و انا بروحي ف الحوش
ركبت بسرعه للدار و قعدت نستنى فيه قاعده جنب السرير و خايفة ميته خوف
صارت الساعه 12 و كل شوي نسمع صوت شي يتحرك او شي فوق السطح
مرة نقول انا يتهيألي و مرة نقول لا سمعت الصوت بجد
هدا كله و دموعي ما وقفوش خايفة ف حياتي ما قعدت بروحي ف الليل
صارت الساعه 1 سمعت صوت طقطقه داخل الحوش
حسيت قلبي وقف وقفت و مسحت دموعي ب اصبعي بعد ما حسيت خطوات اقتربت من باب الدار
انفتح الباب و دخل فهد اول ما شفته جريت لعنده و حضنته بقوة و انا نبكي و نضرب في ع صدره و نحكي بدون وعي
هزار: كلب حقيير كييف تسيبني برووحي
يمسح ع ضهري و يحكي بهدوء
فهد: اسس حبي خلاص يروحي انا معاك
بعدت عنه و نضرب في ع صدره
هزار: نذللل غبييي حقيير علااش تسيبني بروحي ماا خفتش عليااا ما قلتش ممكن تموت بروحها
حضنني بقوة و يهدي فياا لين هديت
فهد: بري اغسلي وجهك و تعالي ارقدي وراك دوام
مشيت غسلت و طلعت لقيته متمدد ع السرير وقفت قدام التلفزيون مقابلاته
هزار: وين كنت!!؟
رفع ايده و فتح البطانية جنبه قال
فهد: تعالي ف حضني حبيبي
تمددت جنبه سحبني لعنده حضنته بقوة و راسي ع صدره هو يذخن سيقارة ورا سيقارة
هزار: ما جاوبتش ع سؤالي..
فهد: اي سؤال؟؟
هزار: وين كنت!!
فهد: مش مهم ما تهتميش
هزار: كيف مش مهم؟؟ تطلع من الساعه10 ترجع الساعه1 و تقول مش مهم؟؟
فهد: واحد من الجنود اتصاوب و نقلناه للمشفى
حسيت روحي مش مقتنعه بكلامه
هزار: اممم
فهد: خيرك!!
هزار: مش مقتنعه
طفا السيقارة و حضنني قال..
فهد: اقتنعي حبيبي يلا نامي وراك دوام
غفيت ف حضنه و كل شوي نفتح عيوني نلقاه يدخن نسأله شن في؟؟ يقول راقد العصر
الصبح لقيته نايض قبلي
فهد: صباح الخير حبيبي
هزار: صباح الورد
فهد: هي نوضي اليوم فطورگ علياا
هزار: ههه اوكي
دخلت للحمام غسلت و بدلت نزلت لقيته مبدل و مجهز الفطور
قعدنا نفطرو و نضحكو ولا كإن امس متعاركين نسينا الموضوع اصلا
طلعنا وصلني للمدرسة و حنا ف الطريق قال...
فهد: كيف البنات معاك!!
هزار: كويسين
فهد: ما تختلطيش بيهم هلبا
هزار: علاش والله حبابات
فهد: لا يغرگ المظهر لان المظاهر خداعه بس انتبهي منهم
ابتسمت و ردلي الابتسامه
وقفنا قدام المدرسة علا مرش السيارة اقترب و💋
هزار: علاش هكي توا نقعد دوام كامل دايخه.
فهد: ههههه لما تروحي نخليگ تصحصحي
ضحكت و نزلت سلمت ع البنات و جت المراقبة معانا
المراقبة: حيي يا بناات لو تعرفو صاحبتنا من متجوزة😱!!
أسيل: من من قولي
المراقبة: تي ضابط ضابط ياا أسييل و مش اي صابت يا حليلي يهبلل تقول عارض ازياء او ممثلل
هزار: اووو مش كإنك تحكي ع راجلي!!
شيراز: خلاص اسكتو هزار تغار😂
عارفة انهم ينكتو و يبصرو بس احترق دمي من الغيرة🔥
دخلنا للقاعه و دخلت استاذة الانجليزي سألتنا اسئلة و من خلال شرح فهد قدرت نجاوبها
حبيتها و حبتني و حبيت الماده
دخلت استاذة الاحياء الباين من نضراتها انها مش راحهه و البنات كلهم يكرهوها
انتبهت عليا بدون كتاب قالت
معالم: وين كتابك ي طالبة
هزار: ضاع مني و ف بنت قالت عندها كتاب بكرة تجيبهولي
معالم: الله اعلم بأي درب ضاع
حرقت دمي بكلامها المسمومه
هزار: قلتلك ضاع ف مدرستي الاولى مليشي داعي كلامك هادا
معالم: احترمي نفسك و وطي صوت
سكتت ب بودي نقتلها الحقيرة🔥
كملت الدرس و هي كل شوي تشوفلي و تفنص فيا قالت...
معالم: بعد الحصة هادي نبيكم تحضرو الدرس يلي بعده لان ح نجي و نعاقب كل شخص مش محضر الدرس
توسلو فيها البنات بس ولا كإن
كلهم يكرهوها و انا قعده منتكسه من كلامها معاي
أسيل: هزار حبي ما تحرقيش اعصاابك فوتيها اصلا غيرانه منك لانك متجوزة و هي معنزة
هزار: و كيف بتتجوز و هي شناباتها ينربط فيهم بهيم😒
ضحكو كلهم ع كلامي و قالو انها تقرب ل وزير التربية هدا ليش شايفه نفسها و حتى المديرة مش محترمتها
طلعنا نحضرو ف الدرس يلي قالت عليه
ما لحقتش نحفظ غير الصفحه الاولى و اغلب البنات ما حضرو شي
دخلنا للصف و دخلت ورانا
معالم: يلي مش محضر يوقف
شفتلهم اكتر من نصف الفصل واقف
سجلت اساميهم كلهم و بعدين شافتلي و قالت
معالم: و انتي ام لسان حضرتي
هزار: نعم
معالم: اوقفي سمعيني
وقفت و انا ساكته نبيها تسئل بيش نجاوبها
MR♥️Aß
معالم: تكلمي خيرك ساكته
هزار: اسئليني و نجاوبك
معالم: قولي شن محضرة من البداية
شرحتلها الشطر الاول و كملت قالت كملي شرحتلها الشطر الثاني و عددت بعض النقاط و سكتت ما لحقتش نحفض الصفحه الثانية
معالم: كملي
هزار: ما لحقتش نحفظ الصفحه الثانية و قمت ايدي عدلت حجابي
جت بسرعه وقفه قدامي
معالم: مدي ايدك
مديت ايدي
معالم: هدا شنوو؟؟ اضافر ولا شنوو!! تبي تلفتي انتباه الشباب باللقطات يلي زي هادي ولا
هزار: لا استاذة انا متجوزة
معالم: و فرحانه لان خدااك؟؟
ما قدرتش نتحمل كلامها اكتر
هزار: احترمي نفسك شنو الالفاض السوقية يلي تقولي فيها شخصيتك مش شخصية استاذة جامعه تي بنات الشوارع يتكلمو افضل منگ
اشتعلت نار و انحرقت طلعت تجري للادارة شوي و جتني المراقبة قالت المديرة تبيك
مشيت للادارة لقيتها واقفة جنبها و تشوفلي بحقد و كره
المديرة: هزار بنيتي علاش ترفعي صوتك ع الاستاذة معالم!؟
هزار: انا مدرت شي غلط هي تقول ف الفاظ سوقية
معالم: احترمي نفسك ي قليله الادب و بدون تربية انتي السوقية
المديرة: استاذة معالم احترمي المكان يلي انتي فيه
و انتي هزار اعتذري من الاستاذة
هزار: مستحيل نعتذر منها
معالم: غصب عنك تعتذري و الا وربي اعتبري نفسك راسبة ف الاحياء
المديرة: استاذة معالم استهدي بالرحمن و ما تقوليش هكي
هزار ماما اعتذري يلا
هزار: لو نموت مستحيل نعتذر منها
حاولت معاي المديرة نعتذر و هديكا العنز تهدد فيا بس بدون فايدة ما قبلتش نعتذر
آخر شي المديرة قررت انها تتصل بفهد
متت قهر توا شن يخلصني منه
شوي و دخل فهد عيونه دم
فهد: السلام عليكم
الكل: و عليكم السلام
المديرة: تفضل ابني فهد تفضل اجلس
فهد: زايد فظلگ شن المشكلة؟؟
المديرة قالت ل فهد ان انا قللت ادب مع الاستاذة معالم و ما قبلتش نعتذر
عينه ف عيني و يفنص فيا
فهد: هزار اعتذري من الاستاذه
هزار: ما غلطت مستحيل نعتذر
فهد: هزااار اعتذررري و جيبي اغرااضك رااجعيين للحوش
معالم: مش مشكله مفيش داعي تعتذر مني ف النهاية هي صغيرة زي بنتي و غلطت انا حبيت ننبهها ع اضافرها بس علقت معاها
مستحييل تكون انسانه ما قدرتش نتحمل حقارتها الوسخه
هزار: تي انتي شنووو علااش تكذبيي؟؟
فهد: هزااار احترررمي
طلعت نجري و نرجف مدري من الخوف مدري من العصبية
سحبني من ايدي بقوة يحكي من بين اسنانه
فهد: توااا تمشي تجيبي اغراضك و نرجعو للحوش نعاود تربيتك(angry)
سحبت ايدي منه
هزار: متربية غصب عنك و عنها
سيبته و مشيت للساحه كانت استراحه و لقيتهم كلهم البرا
قعدت ع المقعد ايديا ع راسي و كلهم وقفو عليا يبو يفهمو شن صار
ما حسيت الا فهد واقف ع راسي
فهد: يلا حبيبتي خديتلك اجازة
عارفاته بالقوة ماسگ اعصابه بس قدام البنات ساكت
سحبني من ايدي مسكت ايد اديان نبي حد يخلصني منه
وجهه كلامه لاديان و قال بصوت يخوف
فهد: بري جيبي غراضها
مشت ايدان ووهو ماسك ايدي بقوة
تقدمت شيراز وقفت جنبي
شيراز: عفوا انت راجل هزار؟؟
جاوبها بدون ما يشوفلها
فهد: اي
شيراز: صدقني هزار مش غلطانه الاستاذة معالم هي يلي مش متقبلتها من البداية و لما شافت اضافرها قالتلها دايرتهم بيش تلفتي انتباه الشباب بس هزار قالت انها متجوزة ردت عليها يعني فرحانه انه خداك
و هزبتها و قالتلها
يتبع
رايكم يهمني🔥