انتقام عاشق 🔥

6🔥

فهد: علااش قااعده نايضة ل تواا؟!
هزار: سلام قول من رب رحيم . خيرك هكي فجعتني الزحح
قربت عليها و انا نفصل فيها تفصيل: شن اللبس هدا؟!
قعدت نرجف رجف مش عارفة من الخوف او من البرد!!
هزار: وو انت شن دخلك؟!
حجزتها بيني و بين الحيط و ثبتت ايدي ع الحيط
فهد: ادوي معاي كويس خيرلگ ي بنت
انحنيت جيت بنطلع ما نحس الا سحبني من ايدي بقوة شهقت حط ايده ع فمي و سحبني للدار
من الخوف عضيت ايده بكل ما عندي من قوة بس ما ياثرش فيه
كل ما يقترب من باب الدار نحس قلبي يبي يطلع من مكانه
دخلتها للدار دفعتها ع الحيط و صكرت الباب
فهد: ح نشيل ايدي من ع فمگ و يا وييلگ نسمع منك صوت و ما تنسيش انتي يلي ف داري و لو شافوك ابوك او خوتك ف داري ف الوقت هدا و باللبس هدا شن تتوقعي ح تكون ردت فعلهم!!
حسيت كلامه حق!! هو ف بيجامه ربع كم و شورت فوق الركبه و انا تقريبا نفس الشي
هزيت راسي بمعنى اي
نحيت ايدي منها: اووف مجنونه شن دايرة ف ايدي
خديت منديل نمسح ف الدم من ايدي
هزار بخوف: فهد خليني نطلع شن تبي مني!!
فهد: ولا شي مغير نتطمن ع املاكي بس
هزار: املاك شنو!! و انا شن دخلي!! خليني نطلع
فهد: في منو كنتي تكلمي قبل شوي
تلبكت من كلامه شن يبي مني هدا!!
هزار: امم مع صاحبتي
فهد: اممم عطيني هاتفك نشوف
نشف دمي ف عروقي لما قال هكي انا خوتي ف حياتهم ما حطو ايدهم ع هاتفي
هزار: و انت شن دخلك و بصفتك شنو تاخد هاتفي؟!
فهد: بصفتي مستملكك انتي من املاكي و كل شي يخصگ من ضمن املاكي
سحبت ايديها ثبتتهم ع الحيط و خديت الهاتف
نرجف من الخوف بس تذكرت الرمز!! ضحكت باستهزاء
هزار: الهاتف و خديته وريني كيف ح تفتحه
قربت عليها اكتر: انتي ح تفتحيه
خفت منه شكله مش ناوي ع خير!!
حاولت نفلت منه ثبت ايديا ورا ضهري و لزكني ف الحيط
انحرق دمي من جرئته و حركاته معاي
MR♥️Aẞ
هزار: سيبني ي حقيير ي عاار
شفته وسع عيونه بصدمه و تعصب من كلامي زاد خوفي اكتر و ندمت لان سبيت عليه هكي
انحرق دمي ب ودي نقتلها ع الالفاض يلي تقول فيها
لو نضربها ح ننهيها بين ايديا و ما نقدرش نسكتلها هكي
فهد: شن الالفاض هادي!!
حطيت ايدي ح شفايفها
نشف دمي من حركته و حسيت قلبي يبي يطلع من الخوف
بداا ينزل ف ايده من شفايفي ع رقبتي و وصل ل صدري
عيوني امتلو دموع و قلبي امتلا خوف بدون اراده نزلو دموعي
فتح اول بطمه من التيشيرت
فهد: شن هو الرمز؟!
هزار: تحب امگ خليني نطلع
انا قلت هكي و هو بعد عليا بسرعه و يشوفلي ب نضرة حاده تقتل
فهد: خودي هاتفك و اطلعي توا بس حطي ف بالك ان ح يجي يوم و ناخده ي هزار
طلعت بسرعه بدون اهتمام ل كلامه
دخلت للدار شفت البنات راقدين الحمد لله ما حسوش عليا
دخلت تحت البطانية و انا نرجف خوف و برد ما قدرتش ندفا
لبست التب و ما دفيتش قلت نكلم سمية تعطيني بطانية
هزار: سمية سمية
شي لا حياة لمن تنادي ما عرفت راقده ولا ميته اووف
حاولت نرقد بس ما قدرتش نتحمل البرد
سحبت سمية جنب رغد و غطيتهم مع بعض و خديت بطانية سمية
حطيت راسي ع المخده و انا نفكر فيه!! مستحيل هدا مش طبيعي أكيد مريض نفسي أو عنده انفصام ف الشخصية
غفيت من التعب و التفكف
محسيت الا ع صوت الهاتف الصبح شفت هدا نضال رديت عليه لأن بروحي ف الدار
نضال: صباح العسل حبيبتي
هزار: صباح الورد ي ورد
نضال: راقده حبيبتي!؟
هزار: اي والله و مازلت نعسانه
نضال: غبية قولي لا حبيبي كنت نايضة
هزار: هههه ما نكذبش ع حبيبي
نضال: يروح حبيبك نمووت عليگ⁦
هزار: نعشقگ
نضال: حبيبتي لو تحبيني و ليا خاطر عندك ردي بالك تخلي حد من الاولاد يشوف شعرة منك و البسي شي مستور ماا نبي حد يشوف تفاصيل جسمگ صدقيني نغار و نتأذة
تذكرت موقف البارح قلبي وجعني عليه
هزار: انشاء الله حبيبي
هدرزنا شوي و دخل درت دوش و بدلت ملابسي و طلعت جففت شعري و حطيت مكياج خفيف و حطيت حجابي و نزلت لقيتهم كلهم ف الصالة
هزار: صباح الخير
الكل: صباح النور
انا متعوده الصبح نبوس بابا و ماما بس توا تحشمت.
شفت ل بابا مد ايده و قال
بابا: تعالي بابا وين بوستي اليوم!!
ابتسمت و مشيت لعنده حضنته من رقبته و بسته ع خده بقوة
جدي: هاا بس بوك تحبيه!! و انا ما تحبينيش!!
ابتسمت و مشيت بسته
عمي اسعد: و انا ما يطلعليش بوسه!!
مشيت بسته🤷
عمي كاظم: ها عمو و حنا ما يطلعش علينا؟!
بسته و بست عمامي و عماتي كلهم (exhausted) شفت ل بابا و قلت
هزار: خلاص معش نبوسك لين نرجعو للحوش لان فمي دااب🙊 ضحكو كلهم و قعدنا نهدرزو
شوي و جت سمية حطت قدامي سفرة الفطور لان هما فاطرين بكري و نادت على مقداد و ملاك لان حتى هما بدون فطور
بدينا ناكلو انا و مقداد و ملاك و انا نشوف ل ملاك تسرق ف نضرات ل مقداد من تحت ل تحت و هو نفس الشي
و الله و صدتكم😈!
مقداد: توا بالله ما لقيتو وين تحطولي غير مع هادي!! ما لحقت ع شي معاها
هزار: اناااا ي كذااب شوف روحگ انت كملت الاولى و بادي ف التانية و ملاگ كلت نصف الاولى و انا كليت نتشتين بس
قعدنا نتناقرو و بعدين اشرتله ب عيوني ع ملاگ و هو سكت😂
كملنا الفطور و هما لمو السفرة
و توزعو كل حد ف مكان
بابا و جدي و عمامي طلعو يزورو ف عمامهم و الاولاد منهم مشو رفعو الجواميس و منهم يصيدو ف السمگ
و البنات كل وحده تدير ف حاجه
طلعت مع سمية البرا شفت البنات لابسين قفازات و يلمو ف فضلات الحيوان ب ايديهم🤢! قرفت من المنضر
هزار: مش عارفة كيف قادرين تلمسوه حاسه روحي نبي نتقيئ🤢!
غفران: اسكتي هزار ما تخلينيش نتقيئ
هزار: تخيلي و انتي تاكلي يقعد شي منه عالق ف ايديك و تاكليه🤢!
بدت تجري وراي و انا نجري بسرعة حسيت رجلي دخلت ف حاجه طرية
شفت لوطا لقيتها غاطزة ف الخمر🤢!
اول ما شفت المنضر تلقائيا تقيئت
و البنات يضحكو عليا و انا كل ما نشوف رجلي نتقيئ
حسيت النفس انقطع عليا و انا مستمرة نتقيئ جتني سمية رفعتني غسلتلي رجلي و دخلت الداخل حطيت راسي ف حضن ماما و غفران جنبنا تحكيلهم ع الموقف و هما يضحكو و انا مغمضة عيوني
فجأة سكتت و قالت
غفران: شن حالك وخي!!
فتحت عيوني شفت فهد
فهد: عن شنو كنتي تحكي!!
بدت غفران تحكيله من جديد و انا تفكرت الموقف و نضت بسرعه للحمام تقيئت🤢!
(ياسر درهتلكم كبدكم😂✋)
رجعت حطيت راسي ف حضن ماما و فهد ركب شوي و نزل لابس الزي العسكري
هزار: سمية...
سمية: نعم!!
هزار: هدا شن يخدم بالضبط!!
سمية: عسكري ب رتبة ظابط ربي يحفظه🤤
هزار: مثقل دمه ما هضمتاش بكل
فهد: منو يلي ما هضمتيشي!!
اووف ما عنديش خلوق مشاكل درت وجهي ل بطن ماما
سمية: لا مش عليگ هي هكي تهدرز
هزار: و انتي خيرك خايفة!! اي عليك انت باهي!!
ماما: هزار تحشمي عييب
فهد: و ربي لو عندي عليك سلطه لسانك هدا لما نقصه. صحيتي عمتي ع هالتربية
ماما حست بالاهانه من كلامه و انا دمي انحرق منه
هو طلع و ماما هزبتني ع خاطره مشيت و خليتها
طلعت البرا كلمت نضال و انفجرت بالبكاء و هو قريب هبل يبي يفهم علاش نبكي قلتله متضاية بس...
يتبع⁦♥️⁩...
رايكم يهمني 🔥