انتقام عاشق 🔥

16❤

نزل فهد مشالهم بعض الجنود ضربوله التحية و قرب ع واحد سلم عليه بالاحضان
هدرزو شوي و يضحكو و بعدين طلعنا مرة تانية
غفينا كلنا ف الطريق ما حسينا غير ع صوت مرت عمي تكلم فينا
عمتي: هي نوضو ي بنات قريب نوصلو
فتحت عيوني و عدلت جلستي انتبهت للطريق الدنيا ضلام و هادي مش نفس منطقتنا!!
هزار: فهد وين ماشيين؟؟
فهد: ل حوشي
هزار: حوشك!! انت مش ساكن بالاجار؟
فهد: مأجر ع خاطر الدوام لكن عندي حوش هنا
سكتت و طارتلي كنت حاطه ف بالي ان ماشيين ل اهلي
مشتاقتلهم هلبا
شوي و رن هاتف فهد رد بعد السلام قال..
فهد: لا والله ماشيين ل حوشي... اشكره بالنيابة عني لكن ماشيين ل حوشي... لا كله ولا زعل عمي تمام جايين.
شافلي ع المراية و غير طريقة و اشر ل خالد يلحقة
عمتي: وين ماشيبن؟!
فهد: ل حوش عمي اصر ان نقعدو عنده
فرحت من كل قلبي شافلي ع المراية غمزتله و طلعت لساني بعفوية يعني ع عنادگ😜
هو تفاجىء و انصدم و قعد كل شوي يشوف للمراية
اتندمت لان درت هكي
وصلنا ل حوش اهلي شفت حيدر ف الباب اول ما نزلت مشيتله بسرعه و حضنته و انا نبكي
هو حاضنني و ساكت
حسيت ع شخص طبطب ع ضهري
رفعت راسي هدا بابا سلمت عليه بثقل لان زعلانه منه
دخلت سلمت ع ماما و صابرين و فاطمه و الصغار و صارت ضجه و فوضى😂 مشتاقة لكل مكان ف حوشنا
MR♥️Aß
قعدنا معاهم ف الصالة شوي و بعدين خديت البنات و ركبنا ل داري
فتحت الباب و ارتميت ع السرير
هزار: هده مملكتي الصغير😊 هل هي جميلة!!
أطياف: تهبلل😍
قعدنا نهدرزو شوي و دخلت صابرين قالت العشاء جاهز
نزلنا تعشينا و غسلنا المواعين انا و البنات و نور واقفة جنبنا تهدرز و تضحك
نشوفلها ما تسكتش ابدا ديما و هي تهدرز والله و صار منها و رجعت تضحك
لو انا مكانها ممكن من زمان انتحرت
كملنا غسل و ركبنا ل داري فتحت الدولاب نوريلهم ف صوري و انا صغيرة و صور حسام و حيدر و نضحكو
نشوفلهم قاعدين ب حجاباتهم و انا اول ما وصلت حدفته
نسيت نور و نسيت موضوعها ...
هزار: شيلو الحجابات مهناك حد را
أطياف اشرتلي ب عيونها ع نور
شفتلها عيونها يلمعو دمووع
فتحت الدولاب طلعت طاقية سودة عليها حروف انقلش و فيها دب صغير جابهالي حيدر
عطيتهالها: نور حبيبتي آسفة والله نسيت
نور: عادي ولا يهمك
هزار: شيلي الحجاب و البسي هادي مريحه اكتر
لبستها و انا نزلت نجيب فراشات بيش يرقدو معاي
فهد: وقفت ف الممر شفت صابرين كلمتها
صابرين: تفضل خوي تبي حاجه!
فهد: بالله كلمي أطياف قوليلها قال فهد ما ترقديش جنب مرتي يا ويلك انا وين بنرقد
صابرين: ههه ارقد جنب الاولاد
فهد: غير قوليلها هكي و ما تخلوش هزار تعرف ان انا يلي كلمتكم
صابرين: تمام
مشت هي و انا رجعت جنب الاولاد
مر شوي وقت سقاير و هدرزا بعدين وقفت
حسام: ها فهد وين على خير؟!
ياسر: فوته هدا تعود ع الحضن ما يقدرش يرقد هكي😂
حسام: لااء ولگ عمي ما نرضوهاش ف اختنا ترقد معاها و هي فحوش بوها اصبر للعرس يا راجل😂
فهد: اسكت انت ولا طاردينك من الدار اليوم😉😂
خليتهم يضحو و ركبت بشوي بشوي نتحشم من عمي...
هزار: نزلت ننضف اسناني و رجعت لقيتهم شايلين فراشاتهم!!
هزار: وين ماشيين؟!
اطياف: بنرقدو جنب صابرين دارها حلوة وواكبر من دارك
إنتي خليك هنا أكيد مشتاقة ل دارك
طلعو و خلوني طارتلي منهم بس يلا براحتهم
طلعت مشيت ل دار فاطمه...
يتبع⁦♥️⁩...
رايكم يهمني 🔥
بنوتات تفاعلو بليييييز😍😍😍💔❤