انتقام عاشق 🔥

7

.
نضال: حبيبتي غير قوليلي منو مضايقگ بس
هزار: محد مضايقني انا بروحي متضايقة
نضال: باهي خلاص معش تبكي يروح لون عيونگ معش نبيگ(yummi)
هزار: هههههه وكح😅
نضال: اي حبي ديما اضحكي هكي😉
هدرزنا شوي و قفلنا الخط
نرتاح هلبا لما نحكي معاه انشاء الله ربي يجمعنا ف أقرب وقت💓
قعدت ف مكاني نصور ف البستان بصراحه راحه نفسية المكان هدا 😌
شوي و طلعت وراي سمية جت بجنبي
سمية: معليشي هزار ما تتضايقيش من امگ حتى لو تعصبت عليك و هزباتك ف النهاية امك
هزار: انا مش متضايقة من ماما انا متضايقة من فهد تي برا ي فهد انشاء الله يجيبوگ ف تابوو... قاطعتني لما حطت ايدها ع فمي
سمية: لااااا ما تدعييش علييه مهبوولة انتي حراام علييك
فتحت عيوني بصدمه لما شفتها تبكي!!
هزار: مهبولة انتي!! و من قالگ دعوتي تستجاب!! خلاص اهديء معش ندعي عليه😯!
سمية: ردي بالك مازال تدعي ع فهد
هزار: و انتي شن واجعگ هاا!! تحبيه😉
سمية: لا ما نحباش بس حرام تدعي عليه شاب ف بداية عمره و قنين ماشاء الله 🤤
هزار: لا الباين انگ ما تحبيشي😂تي بلا كذب ي فرخه واضح ف عيونك
سمية: مهبولة اسكتي ح تفضحيني
هزار: مش عارفة شن حبيتي فيه!! والله واحد زيه ينوضگ و يرقدك ب طريحه
سمية: عينك اصلا فهد شخص كويس محترم و محبوب و الكل يحترمه و بنات الريف كلهم يتمنو نضرة منه🤤
هزار: اياح اياح هدا كله ل فهد!! مغير واحد مهزب و متعفلق ف روحه
سمية: هزار والله لو مازال تقولي عليه حاجه الا ب الشبشب ع راسك😡
هزار: هههههه سكتت سكتت 😂✋
سمية: اي قوليلي انتي منو هدا يلي واخد عقلگ😉
هزار: هحمم انا!! لا أنا ما نحب حد
سمية: يلي يحب فاضحينه عيونه يلا قولي من تحبي
هزار: ايوا حناا صايرة استاذة ف الحب😉 اححح انا نحب ولد خالي🤤
و حكيتلها قصتي مع نضال و وريتها صور ليا انا وياه و هي قريب هبلت كيف واخده معاه صور😂
سمية: الاولاد روحو من الصيد تعالي نمشو نشوفوهم
هزار: اوكي
مشينا انا وياها للشط لقيناهم كيف واصلين هدرزنا شوي و صورت الزورق و السمكات يلي صادوهم و صورت الشط
رجعو الاولاد للحوش و انا و سمية و ملاك و غفران مشينا للبستان
شفت شجرة تفااح قريب هبلت فيها
هزار: بالله خل ناخدو تفااح
سمية: فهد قريب يروح و لو شافنا ف البستان يعصب علينا خل نرجعو للحوش توا و بعدين نقولو للاولاد يجيبو تفاح
هزار: اوكي
كيف كنا ح نرجعو بس رن هاتفي شفت هدا نضال
قلت للبنات ارجعو أنتم و انا نلحقكم بعدين
فتحت هدرزنا شوي و وريتله المكان يلي قاعده فيه و بعدين قفلت
شفت ل شجرة التفاح والله خاطري فيها قعدت نشوف اي نقدر نركب بروحي
حطيت رجلي و ركبت ع الغصن الاول و الثاني و الثالث لين وصلت
كليت تفاح و صورت المكان من فوق الشجرة
و بعدين جربت ننزل بس رجلي ما توصلش للغصن يلي تحتي😱 حاولت اكتر من مرة بس بدون فايدة
انزلغت ايدي و طاح مني الهاتف
اي نسيت روحي و نسيت كل شي و صار كل همي كيف نوصل ل هاتفي
لاا يا ربي كله ولا هاتفي جديد كيف شاريهولي حيدر(crying)
فقدت الأمل و بديت نعيط
هزار: سسسسممممسييةةة غفرااااااان ملاااااااك ماا... قاطعني صوت خلا جسمي كله يررجفف
فهد: انتي شن تديري هنااا(angry)؟!
ما قدرتش نرد عليه من الخوف حضنت الشجرة ب ايديا الزوز
فهد: تكللمييي خييرك تبكشتييي!! قرررددد انتيي و رااكبة ع الشجرة؟!
هزار: تو بالله فوتني من الكلام هدا و نزلني من هناا
فهد: ارمي نفسك و انا نمسكك
هزار: تتمهتك عليا انت؟! شنو ارمي نفسك تحساب روحك جاكيشان!!
فهد: قليلة الادب منووو يلي يتمهتك!! ادبسز مش متربية(angry)!
هزار: توا بتنزلني ولا تقعد تهزب😒!؟
حطيت رجلي ع اول غصن و مسكتها من خصرها و نزلتها
بعدت ايده و انحنيت شلت هاتفي نمسح ف الشاشة الحمد لله ماصارله شي
ما نحس الا و هو ماسك اذني بقوة لدرجه حسيت اذني ح تنقطع
هزار: اخخخ فهههددد سيب اذني(ugh)
فهد: ادبسز منو يلي يتمهتك ما عندكش تربية
MR♥️Aß
هزار: ايي فهد سيب اذني توجعني
فهد: اجري قدامي للحوش
كيف بديت نجري وقفني صوته
فهد: ارزني و معش تجري😡
هزار: توا مش انت قلت اجري
فهد: امشي قدامي بسرعه
مشيت قدامه و هو وراي و الاثنين ساكتين وصلنا ل باب الحوش مسكني من ايدي و دخلني للصالة
جدو و بابا و عمامي و اولاد العم كلهم موجودين
مسكني من اذني قدامهم
لا ي الموقف تمنيت الارض تنشق و تبلعني لان ماسك اذني قدامهم
فهد: شنو عمي مربي قرد؟! ( و هو يوجه كلامه ل بابا)
بابا: هههه خيرها حبيبتي شن دايرة؟!
هزار: جدوو كلمه يسيب اذني
جدي: سيبها فهد استنجدت ب جدها قول شن دارت و انا نعاقبها
تركت اذنها و حطيت الحجاب كويس ع راسها
فهد: رجعت من البرا نسمع ف صوتها من البستان نلقاها فوق الشجرة حضرة جنابها
و مش غير هكي و ترد عليا و تعلي ف صوتها زياده😡
جدي: لااء لو تعلي صوتها ع فهد نعاقبها ب نفسي
هزار: جدوو بدال ما تدافع عليا!!
بابا: هزار اعتذري من ولد عمك
فهد: مفيش داعي للاعتذار أنتم درتو يلي عليكم و توا جاا دوري اني
سيبتهم و ركبت لداري و انا دمي محروق منها و من تصرفاتها
وجعني الموقف هلبا و حسيت روحي انخنقت مشيت جنب ماما
هزار: ماما امتا نرجعو حوشنا خلاص مليت
ماما: مازال اصلا خوتك يرجعو بعد خمس ايام لان دوامهم يبدا و حنا مرات نقعدو هنا
هزار: انا راجعه معاهم مستحيل نقعد هنا
سيبتها و دخلت دار جداي نلعب بالهاتف لين خداني النوم
صحيت مع الغروب دخلت للحمام شطبت و حطيت حجابي و طلعت
لقيت البنات مفرشين ف الصالة الخاجية يهدرزو و الاولاد طالعين حتى جدي و بابا كلهم طالعين
قعمزت جنبهم نهدرز لين صارت الدنيا ضلام و بدو يرجعو الاولاد واحد واحد
لمينا المكان و بدينا نجهزو ف العشاء
تعشينا و لمينا السفرة و كل واحد ل غرفته
تمددت ف مكاني نهدرز ع نضال رسائل لان البنات جنبي
حسيت ع صوت خطوات ع الدرج عرفته فهد بس ما اهتميتش
بعد ساعه يمكن احتجت الحمام
و هنا حمامهم خارج الحوش و انا نخاف نطلع بروحي
حاولت نكابر بس ما قدرتش لبست تب ثقيل شوي لان ملابسي خفاف حطيت الحجاب و الهاتف نضوي بيه
نزلت وصلت ل نهاية الدرج حسيت ب حركه ف الحوش ركبت بسرعة و انا نرجف م الخوف
نزلت مرة ثانية و فتحت باب المطبخ و مديت راسي البرة شفت الجو يخوف و انا من غير شي خايفة
التفتت بقوة و نخبط ف شي صلب
لو تدبحوني ما تلقوش قطرة دم فيا نشف الدم ف عروقي م الخوف
غمضت عيوني و كل تفكيري انه جن
هزار: قل اعوذ برب الفلق سلام قول من رب رحيم اذهب ايها ألجن و خليني ف حالي
سمعت صوت ضحكه جنب اذني و ايدين ع كتفي...
يتبع⁦♥️⁩...
رايكم يهمني 🔥