انتقام عاشق 🔥

33

البارت هدا طويل لانه حلقتين
و عارف اني شايل فكرة الجواز من راسي ف لو سمحت ما تحاولش تضغط عليا
فهد: هي ماتت الله يرحمها بس فكرة أنك تقعد بدون جواز هادي شيلها من بالك و والله ي ياسر لو تعترض وقتها صدقني لا انت خوي ولا انا نعرفك و ح نتبرأ منك بجد
نشوف ل ياسر سكت ما قال شي
معقولة لهالدرجه يحب خوه!!
بس حسيته مش راضي للحضه ندمت ان فتحت هالموضوع مع فهد
فهد: اليوم تعقدو و توثقو جوازكم ف المحكمه و بكرة تسافرو ل ايران لمده اسبوع و خلاص مفيش داعي للعرس و الدوشة كل شي يتم بهدوء
خليتهم يتناقشو و مشيت للبنات لقيتهم متوترات و الوجوه صفر
هزار: ها انتي وياها خيركم!! مش تحبوهم!! خلاص بتتجوزوهم و تنتهي القصة
مشمشه: والنبي اسكتي ياسر لما يقتلني
أطياف: حي لو تشوفو النضرة يلي عطاهالي خالد يمه تمنيت نموت
مشمشه: اسكتي انتي خالد يحبك لو تشوفي ياسر عطاني نضرة خلاني ننسى حليب امي
نور: غير اصبرو فهموني منو يحب منو!!
ملاك: اسكتي انتي سكري فمك
هزار: تي هيا بلاش خوف زايد كل شي تمام غير نوضو نجهزوكم لان اليوم او بكرة عقدكم
أطياف: تدوي بجد انتي شن قاعده تقولي!!؟
هزار: أكيد ما نتمهتكش ف موضوع زي هذا ورانا شغل هلبا
شن رايكم نوصو ع الملابس من النت!! لالا خاف يتأخرو ما يوصلوش بكري
صابرين انتي بري خوديلهم ملابس و انا ناخدهم للصالون
كلمني فهد عطاني فلوس قال جهزوهم خوديهم للصالون و اشرولهم ملابس و هو ماشي بياخد الذهب
هزار: اوكي حبيبي بس نبي معاهم للصالون
فهد: لا حبيبي خاف مش كويس عليك
هزار: عادي حبي ما يصير شي
فهد: اوكي براحتك تلقي فلوس ف الدولاب زيدي خودي
هزار: اوكي حبيبي ولا يهمك توا ناخدهم كلهم
فهد: هههه ديري بالك ع نفسك بااي
هزار: بااي
مشيت للبنات و قلتلهم
هزار: اي صابرين انتي بري للمحلات و ارفعي معاك نور و ملاك اصلا هما نفس قياس العروسات
طلعت صابرين و نور و ملاك
و انا و مشمشه و أطياف بدينا نجهزو ف رواحنا
بدلنا و اندق الباب مشيت فتحته
خالد: هلا هزار بالله بعد اذنك شوي كلامي أطياف نبي نكلمها شوي
هزار: اي توا نكلمها
مشيت بسرعه حطيتلها روج و رشيتلها عطر و هي مش فاهمه شي
سحبتها للباب بسرعه
هزار: بسرعه امشي خالد يبيك
أطياف: و النبي ماني طالعه
هزار: طاح سعدك ي غبية تحركي
قبيتها و صكرت الباب و مشت معاه
قعدنا انا و مشمشه و هي كل شوي تقلد ع ياسر كيف يشوفلها و خايفة
انفتح الباب بدون ما يندق ياسر قال
ياسر: مشمشه تعالي نقولگ..
قعدت فاتحه عيونها و فمها بدون حركه
هزار: نطلع انا و أنتم خليكم هنا
طلعت دخلت للمطبخ و فتحت الباب شوي نسمع ف خالد و اطياف...
خالد: شوفي أطياف انا من فترة حاط عيني عليك و معجب بيك ملاخير نحبك و كنت ناوي نخطبك بعد ما نكمل كلية بس اليوم فهد قرر هالقرار و للصراحه أنا ما عنديش اي مشكله
بس انتي لو عندك اعتراض تقدري تقولي عادي و انا نحلها مع فهد
ها قوليلي شن رايك؟؟
أطياف: اا مش مشعارفة يعني فف ف النهاية انا ما نقدرش نعترض على قرار فهد
خالد: تي ماهو قولي حتى انتي تبي و ريحينا
حطيت ايدي ع فمي ما نبيش صوت ضحكتي يطلع
ي ناري صارت حمرة من الخجل و هو يضحك عليها
طلعت و سيباته جتني للمطبخ رايحه حمرة و تهف ب ايديها
خديتها و مشينا نسمعو ف ياسر و مشمشه😂
MR♥️Aß
ياسر: اي و توا فهمتي!!
مشمشه: لا والله آسفه بالي مش معاك ما فهمت شي تقدر تعاودلي
ياسر: استغفر الله لمن ساعه نخرف انااا؟
مشمشه: قلتلك بالي مش معاك معليشي
ياسر: اللهم طولگ يا روووح شوفي انا نبي منك فترة بس عشان نتعود عليك و نتقبل وجودك ف حياتي و نبي الشي هذا يقعد بيني و بينك
مشمشه: اهااا!! ع اساس انا قاتله روحي عليك مثلا والله لو ما فهد مستحيل نقبل بيك اصلا
و خلاص توا انا قررت منبيكش اصلا أنا نبي ناخذ واحد ابيض و حلو مش زيك انت ناسيينك ف الكوشه و محترق
مسكها من شعرها و يعيط عليها
ياسر: من هو يلي محترق ي حقييرة واقفة قداامي و تقولي تبي واحد حلوو!! قليله الادب توا انا نعاود تربيتك
مشمشه: ابعد عليا حقير ما نبيكش ما نبيش نتجوزك اصلا انت من يلي تقبل بيك ي محترق
نسمعو غير ف صوت الكفوف دخلنا عليهم سيبها
مشمشه: روح بابا روح توا نتصل ب فهد نقوله أنا ما نبيش نتجوزگ و ناخد احلا واحد و تشوف
ياسر: هه وريني كيف تديريها ما تنسيش انا ولد عمك و نقدر نحجرك🔥و مستحيل تتجوزي غيري
مشمشه: تي برا ملح مش توا كنت تقول ما تبينيش و مش متقبلني
ياسر: اي و توا نبيك و ع عنادك انا يلي نتجوزك غصب عنك
هزار: تي خلاص انت و هي مش صغار
ياسر ارفعنا للصالون لازم يجهزو البنات
ياسر: اي توا نرفعكم
مشمشه: أنتم برو انا مش ماشيه شن ورايا عرس!؟
ياسر: استغفر الله ربي🔥 هزار سكتيها يلي بجنبك يكون افضل
طلع ياسر يجهز السيارة و حنا نضحكو عليه
هزار: غبية علاش تتصرفي معاه هكي!!
مشمشه: لازم نستفزه حتى ينسى حبه الاول
أطياف: غبية بالطريقه هادي يعصب و يضربك
مشمشه: عادي ضرب الحبيب مثل اكل الزبيب
هزار: ههههه مجنونه اطلعي تأخرنا
وصلنا ياسر للصالون و طول الطريق يتعاركو هو و مشمشه
المزينه استلمت البنات تنضيف و ترطيب و مكياج و انا معاهم و كإني عروس😂
كملت منهم و طلعو وااو 🤤
اتصلنا ب ياسر يروح بينا
ركبنا و حرك السيارة
ياسر: شن دايرة ف وجهك انتي؟؟
أطياف: انا؟؟
ياسر: لا الفرخه يلي بجنبك
هزار: منو انا!!
ياسر: غباء نحكي ع الثوماية نكلم فيك علاش مطنشه
مشمشه: عفوا تكلم فيا!!
ياسر: لا نكلم ف الحمار يلي راقد ف راسك
مشمشه: اها يعني تكلم ف نفسك
يخرب بيتك مشمشه حطيت الشال كله ف فمي حتى ما يطلعش صوت ضحكتي طيرت ام الجبهه😂
وصلنا للمصور و لقينا فهد و خالد واصلين
صورو العرسان
خالد و أطياف كيوت و حلوين
بس مشمشه و ياسر حتى صورهم تضحك كإنهم عصابة
كملو هما التصوير و فهد قال
فهد: تعالي مرتي نصورو انا وياك
هزار: ههههه
خدينا صور و زفينا العرسان للفندق بدون ضجه انا و فهد و رجعنا للحوش
فهد: اي...!
هزار: اي؟؟
فهد: حتى حنا عرسان اليوم
هزار: والله!! و هذا يلي ف بطني شنو؟
فهد: هذا صار ف فترة الخطوبة
هزار: ههههه...
يتبع⁦♥️⁩...
رايكم يهمني