انتقام عاشق 🔥

11

#منقوولة
.
حسيتها اختنقت شلت ايدي و بعدت عليها
هزار: نكرهك فهد نكرهك
فهد: شعور متبادلل ريحي روحك
كلامه يحرق القلب و يخليني نكرهه اكتر
هزار: انت خيرك ما تفهمش!! كيف تقدر تتقبل وحده ما تحبكش و تحب غير... قاطعني ب كف من قوته حسيت خدي اشتعل ناار
فهد: ايااگ ترجعي تعاوديها
هزار: نحب غيرك
يضرب فيا كفوف ب ايديه الزوز و يعيط اسكتي اسكتي
هزار: نحب غيرك نحب نضال
هو يضرب و انا نكرر ف الجملة هادي نبيه يقتلني معش نبي نعيش و مش حاسه ب شي اصلا ع قد ما عطاني كفوف و طرايح ما نزلتش مني ولا دمعه
نضرب فيها بطريقة مجنوننه نبيها تسكت كلامها يحرقني من الداخل
شديتها من كتفها بقوة و جت الشدة ف مكان اصابتها صرخت بقوة
هزار: اااااخ اييديي فهههدددد
ضغطت ع المكان اكتر نبيها تتوجع و لو ربع الوجع يلي ف قلبي
فهد: إياااگ تحااولي تعااودي الكلام هدا فااهمهش
من كتر الم ايدي كرهت الدنيا نبيه بس يسيب ايدي وقتها لو يقولءءي سبي اهلك نسبهم من كتر الالم
فهد: فااهمهه!!؟
هزار: اي اي فاهمه
سيب ايدي و انا فاقده توازني من الالم بعدت منه ايدي تنزف دم جيت طالعه سحبني من ايدي
فهد: تعاالي هناا نداوي جرحك
هزار: ابببعدد انت يلي جرحتني و توا تبي تتداويني!!
فهد: هزار ما تلعبيش ب اعصابي ماسگ نفسي عنگ بالزور
عيوني يغوشو و الصورة قدامي مشوشة خانوني و اتصكرو براحهم
شفتها داخت هكي أحسن بيش ما تقعدش تنقرز عليا و نتطر نمد ايدي عليها
قمتها و حطيتها ع السرير نبي نداوي ايدها نزلت التيشيرت من جنب الكتف بس بدون فايدة لازم نشيله كله
شفت فيه سحاب ( سسته/ سريته) سحبته كله و غيرت عقمت ايدها هي حست بيه و فتحت عيونها بس مش بوعيها
حسيت بألم ف ايدي حاولت نفتح عيوني صار قدامي فهد نبي نبعده عني نبي ندفعه بس مش قادرة نفتح عيوني اصلا ولا نقول كلمه رجعت غمضت عيوني ولا دارية بالدنيا
كملت تعقيم ايدها و لفيت الشاش و رتبت ملابسها و طلعت و انا قلبي ناارمن تصرفاتها معاي بودي نقتلها
انا فهد حمدا حفيد الشيخ حمدا شخص عصبي مغرور و متملگ
نحب نستملك الشي بشر كان او جماد
اي شي يعجبني و نحطه ف بالي ناخده لو مهما كلفني الثمن🔥فما بالك لو كان هالشي«حب» و مش حب يوم أو يومين لا حب عشرة سنين
انا نحب هزار من عشر سنين و لليوم
تتوقعو ببساطه نسيبها الغيري!؟ صح✓ ح تقولو اناني اي انا اناني و متملك و هزار من ضمن املاكي
و انا ما نسمح لحد يشاركني ف شي نعتبره خاص بيا و ملكي🔥
فتحت عيوني وجع ايدي خف شوي
حطيت حجابي و فتحت الباب صارت قدامي اطياف.
أطياف: صح النوم ي حلوو كيف كنت جاية ننوضك
هزار: جوعانه
أطياف: يخسى الجوع حبيبتي بري اقعدي جنب جداي من بكري تنشد عليگ و انا نجيبلك الاكل لعندك
هزار: جنبها جدي و عمامي!! ما عنديش خلوق للهزايب
أطياف: لا مفيش حد كلهم طالعين
نزلت معاها للصالة عماتي و نساوين عمامي كلهم موجودين منهم يلي يشوفلي بنضرات حقد و منهم يلي يشوفلي بعطف
ما اهتميت لحد و دخلت غرفة جداي لقيت عمتي ام سمية و سمية راقده ع رجلين امها و تبكي
جداي: تعالي حبيبتي تعالي جنبي
مشيت حطيت راسي ع رجليها و هي تمسح ع راسي و تبكي و تنحب سمية تبكي و أمها تبكي
بس أنا و كإن قلبي ماات ما تنزلش مني ولا دمعه و مش مهتمه لوجود حد
لمن ح نهتم و انا يلي خسرت كل شي خسرت ماما و بابا و نضال و حسام و الاهم من هدا كله خسرت حيدر خسرت محبته و ثقته و حنانه و حضنه الدافي
عمتي تكلم فيا و انا ف عالم تاني
عمتي: هزار حبيبتي اهلك توا مجروحين من تصرفك بس بعد فترة ح يهدو و يرجعو يتقبلوك و انا اعتبريني زي أمك لو تبي أي شي انا موجوده
هي قالت هكي و سمية ناضت طلعت وراها امها
هزار: جداي بالله قوليلي انا شن وضعي هنا توا!؟
جداي: والله ي حبيبتي حتى انا زيني زيك ولا نعلم بحاجه جدك و فهد هما يلي قررو مصيرك اصلا هما يفكرو مع بعض و يخططو مع بعض
سكتت اصلا معش يهمني
شوي و دخلت أطياف ف ايدها سفرة الاكل
جداي: هاتي هنا ناكل انا و بنيتي.
معنديش نيه اصلا مغير بطني تصفر و تبي تاكل
خديت شوي و شبعت ناضت جداي تبي تتوضى و تصلي و انا قعدت ع سريرها
شفت الهاتف يضوي هي حاطاته هزاز
خديته شفت الرقم هدا رقم نضال
انخنقت و معش قدرت نسحب الهواء و ايدي ترجف
فتحت الخط و حطيته ع اذني هو ساكت و انا ساكته يمكن يبي يتاكد ان انا يلي ع الخط
بعد فترة استجمعت قوتي و قلت بصوت مخنوق
هزار: اللوووو . ما نسمع غير ف صوت شهقاته و بكاه بصوت عالي نزلو دموعي متل النار ع خدي
هزار: الووو
نضال ببكاء: ما نقدرش هزار ما نقدرش نتخيلك ف حضن غيري نمووت وربي
معاش عرفت نرد عليه و شن نقول!! نقوله ما تسيبنيش و انا عارفة ان ما ليناش نصيب مع بعض!! نقوله خليك معاي و انا عارفة ان الشي هدا ممكن يكلفه حياته!! نبكي بصوت عاالي
هزار: نضااال نحبك(crying)
سمعته صرخ صرخه هزت روحي من الداخل
نضال: ااااااااخخخخ يااااا ربببييييي نعشقك هزااار نعشقك وربي
هزار بدموع: ما تبكيش حبيبي والله تدبحني بدموعك
نضال: مانا انا يلي مش مدبووح!! اناا مش رااجل لو رااجل ما سيبتكش لو رااجل ماا خدااكش مني انااا ماا نستاهلكش و ماا داافعتش عنك
هزار: ما تقولش هكي انا اصريت ع الغلط و ما سمعتش كلامك يا روحي انت هزار اعتبرها ماتت(heart_break)
نضال: و انتي انسي نضال مش ح تشوفيني مرة تانية البلاد يلي انتي فيها و ما نقدرش نحضنك و نشم ريحتگ مش ح نقعد فيها
حسيت قلبي انقبص و وجعني
هزار: وين ماشي!؟
نضال: غدوة مسافر لتركيا ما نقدرش نتحمل أفهميني
هزار: لا نضال ما تديرش هكي بالله عليك خليك
نضال: هزار خلينا حنا نقتلو حبنا و ننسو ذكرياتنا
هزار: من هذا اليوم انتهت قصة هوانا(heart_break)
نضال: انتهت ايامنا و ضحكتنا(heart_break)
هزار: ماتت هزار حبيبه نضال(heart_break)
نضال: و ف نفس الدقيقة و الثانية مات نضال حبيب هزار(heart_break)
هزار: عهد ع نفسي رح ندفن حبك بقلبي و ندفن قلبي(heart_break)
نضال: عهد ع نفسي رح ننسى حبك و نقتل قلبي(heart_break)
قفلنا الخط مع بعضنا و دموعنا ما توقفتش
MR♥️Aß
ف اللحظه هادي انتهت كل ذرة حب ف قلبي لاي شخص
مسحت دموعي و انا نردد ف جملة وحده
هزار: معش نبيكم تنزلو خلاص معش تنزلو مفيش حد يستاهل
قررت ان ننتقم من فهد ع كل دمعه نزلت من عيون حبيبي و من عيوني
قررت ان نخليه يكره اليوم يلي فكر بيا فيه🔥 وعدت نفسي ان نخلي فهد يكرهوي ضعف كرهي ليه🔥
دخلو البنات كلهم بعد العشاء يحاولو يهدرزو عليا و يغيرولي جوي بس أنا مش معاهم اصلا كل همي كيف ننتقم من فهد
اقتربت مني أطياف و همست ف اذني
أطياف: جدي شوي و يجي و انتي أكيد ما تبيشي يضايقك تعالي معاي للدار
هزيت راسي و نضت معاها
جداي: وين حبيبتي خليك ارقدي معاي
هزار: بنرقد جنب أطياف
طلعت معاها للدار فرشتلي جنبها هي و اخواتها
هزار:شن صار ف موضوع اهلي ما عندكش اي معلومه!؟
أطياف: خلاص هزار ليش تضايقي ف روحك!! كل شي ينحل بإذن الله
هزار: أطياف تكلمي قوليلي والله ما عندي جهد نسحب منك الكلام سحب
أطياف: جدي ضرب ابوك كف و قاله هي هادي تربايتك!! لو تسيبهالي نقتلها و نعلقها قدام الناس
بس فهد تدخل و قال محد ليه علاقه بيها انا المسؤول عنها
و صار نقاش بينه و بين جدي و ف النهاية قالو موضوعك يرجع لفهد هو المسؤول عنك يدير فيك يلي يبيه
استقبلت كلامها عادي ولا اثر فيا اصلا
رقدت جنبها و بعدين حسيت ع ايدين تحت رجلي و تحت راسي ما خفتش عرفته فهد
فتحت عيوني لقيته فوق راسي يحكي بهمس
فهد: نوضي تحركي من هنا
سحبني من ايدي وقفني جنبه
فهد: مش قلت ما تطلعيش من الدار
هزار: و انا طلعت شنو بدير!؟
يحكي من بين سنونه
فهد: تحركي قدامي توا نوريك
وقفت ف الباب شفته باس اخواته و غطاهم و سحبني من ايدي دخلنا للدار
سكر الباب و التفتلي...
يبتع⁦♥️⁩...
رايكم يهمني 🔥

معاش بنزل راه لين نلقا تفاعل 🤭😭🔥