انتقام عاشق 🔥

31

#منقوولة
.بنات الحلقه هدي حزينه 😭😭

هزار: ههههه مستحيل مش مصدقة ههه فهد سمعت انا حامل
فهد: اي ي روحي الف مبرووك
طلعنا من المشفى و طايرة من الفرحه و فهد يقول لو مش عيب نزغرط
قلتله ارفعني حوش اهلي طول
اول ما وصلنا نزلت بسرعه
هزار: ولگ حسااام ويينك ح تصيييررر خااال
جت صابرين ع صوتي
صابرين: ها هزار خير صاير شي؟؟
هزار: انا حامل
دمعو من الفرحه و تحضن و تبوس فيا
طلعو امي و فاطمه و باركولي
هزار: وين حسام
فاطمه: مشي
هزار: وين مشي!!
صابرين: مشي مع حيدر للجبهه
هزار: تي شن هبلو!! حنا نقنعو ف حيدر يبطل يمشي يلحقه حسام؟؟ صابرين عطيني فونك توا نوريهم
فهد طلع و قال ف الليل نمر عليك مشي و هو يوصي ما تركبيش ما تنزليش و تجريش كولي كويس
خديت الفون و قعدت ع الكنبه
رن مرة و ثنين و ف الثالثة رد...
حيدر: اللووو ها صبرتي
هزار: احم انا مش صبرتك انا هزار
حيدر: ههه هلا ب وخيتي هلا ب روحي كيفك حبيبتي
هزار: مش كويسه
حيدر: ليش؟؟ حد مضايقك!!
هزار: اي انتو مضايقيني علاش هكي يعني الجيش كله واقف عليك انت وحسام؟؟
حيدر: ما تقوليش هكي ي روحي محد يموت قبل يومه و بعدين بدل ما قاعدين ف الحوش ندافعو عن بلادنا احسن
هزار: اووف ولا نقدر عليك توا تفتحلي محاضرة المهم انا جيت نبشركم
حيدر: ب شنو تبشرينا؟؟
هزار: قبل شن تعطيني!!
حيدر: يلي تبيه لو كان الخبر مستاهل
هزار: ح تصير احلا خال
حيدر: جديااات😳 و لگ حساااااام تعاااال ح تصيييير خااال
هزار: ههههه . نضحك ع خوتي طيبتهم و هبالهم و هداگ حسام يرمي ف الجو و يقول ح نصير خال
حيدر: ي روحي الف مبرووك اطلبي يلي تبيه
هزار: هههه انت شن تعطيني
حيدر: اممم شن رايك سفرة خارج البلاد انتي و فهد ع حسابي
هزار: ههه لا مش هكي
حيدر: اوكي معناها بكرة حنا راجعين و نتفاهمو
هزار: اممم اوكي حبيبي
حيدر: هدا حسام يبي يكلمك
حسام: الوصخه ح تصير ام
هزار: المعفن ح تصير خال
حسام: غير يجي بس الا نخليه 24 ساعه معاي
هزار: لا بيش تعلمه حركات الطايشين و الهبال متعك انا نبي ابني مؤدب
حسام: عينك توا تشوفي ي هزار لو ما يبداش عمره شهرين و يرقص ع رجل وحده و يهز كتفه لما نخليه زيني
هزار: ههههه ي ريت يطلع ب طيبه قلبك و حنيتك
حسام: هههه يلا ي روحي انتي انتبهي ع نفسك و حنا بكرة راجعين
ديري بالك ع روحك انتي نور عيوننا
هزار: ي روحي انت مع السلامه
حيدر: هزار هزار
هزار: ها ي روح هزار
حيدر: نسألگ بالله تنتبهي ع نفسك ي روحي
هزار: انشاء الله حبيبي مع السلامه
حيدر: في امان الله
نهيت المكالمه معاهم و نزلو دموعي ي ربي مستحيل يكون في خوت بحنيه و طيبه خوتي
ي ربي يحفضهم ليا
رجع بابا من العمل سلم عليا و باركلي حتى هو فرحان
قضيت اليوم مع اهلي و تعشيت معاهم و فهد جاا بعد العشاء
اتوسلت ان نقعد الليله بس ولا وافق اصر ان نرجع معاه
رجعت معاه و طول الطريق مطنقرة و طايرتلي منه
وصلنا للحوش قال استني ندخلو مع بعض
فتح الباب و سحبني من ايدي ل غرفه النوم.... وااو ايش هذا!!
الغرفة ضلام و نسمه بارده مع ضوء احمر خفيف بالونات ف كل مكان طاولة صغيرة عليها كيكه شمعوه و ورد و العطر يلي يرد الروح
حسيت نفسي ف فلم
هزار: هههه شن هذا؟؟
فهد: ههه
التفتت حضنته بقوة
فهد: نحبگ
هزار: اعشقك عشقا لم يعشقه العاشقون من قبلي
فهد: هههه شنو عاوديها؟؟
هزار: اتمعشقك تمعشقا لم يتمعشقه المتمعشقون من قبلي
باسني بقوة و انا مستاحشاته و ميته عليه...
حطيت راسي ع صدره
هزار: حبيبي
فهد: ها حبي
هزار: بكرة ما نبيش نداوم لان خوتي راجعين و نبي حوش اهلي
فهد: اوكي حياتي نوصلك و نطلع عندي شغلة نص ساعة
هزار: اممم
فهد: حبيبتي
هزار: ها حبي
فهد: ديري بالك ع نفسك و انتبهي ل صحتك كويس والله ما مصدق يجيني طفل يلي زيني صغارهم ب طولهم لكن انا تعذبت ف حب طفلتي
هزار: منو الطفله ي شايب
فهد: انا شايب صح لكن والله البنات قاتلات رواحهم عليا😌
هزار: هه و انت من يلي تشوفلك اصلا
فهد: اي انتي ما تعرفيش تي والله يلي يجيبو فيهم للمخفر من الملاهي شاربين مخدرات تي والله يبوسو رجليا ع خاطر كلمه وحده مني
هزار: اييي شن قصتك انت عم تضوجني والله بتركك و بروح لو لسا بتزاعلني
فهد: هههه يئبرني الحلو شو مهزوم
هزار: ههههه
MR♥️Aß
فتحت عيوني الصبح فهد مازال راقد
درت دوش و جهزت الفطور
فهد: تعالي افطري حبي
هزار: تعرفني ما نحبش نفطر الوقت هدا
فهد: لازم تتعودي حبي تعالي افطري و نعطيك جائزة ع كل لقمه
هزار: اها اوكي
وكلني اول لقمه قلتله
هزار: وين الجائزة؟؟
فهد:💋 قطع شفايفي
فهد: ها شن رايك ف الجائزة!!
هزار: تهبلل🤤😋
ع كل لقمه بوسه و خلصنا الفطور بوس
وصلني ل حوش اهلي و الطريق كله و هو يوصي فيا ديري هكي و ردي بالك تديري هكي
نزلت لقيتهم يجهزو ل رجعه الشباب
للساعه 10 حسيت روحي نعسانه دخلت ل دار ماما لان فهد حلفني ما نركبش داري
لقيت ماما وجهها أصفر و تفرك ف صدرها و تدور يخوف
هزار: خيرك ماما شن في؟؟
ماما: لا ما في شي انتي كيف حالك اليوم؟؟
هزار: ماما قوليلي خيرك!!
ماما: لا حبيبتي مفي شي
طلعت هي و تمددت ع السرير غفيت و انا نحلم بأن انا و خوتي ف حديقة حوش جدي نلعبو و نضحكو نجرو بين الزرع و الشجر و المكان كله أخضر
شوي و صارو يبتعدو عني شوي شوي و انا نصرخ نكلم فيهم ما يردوش عليا لحد ما اختفو من قدامي
نضت مخلوعه و انا نسمع ف صوت عياط رج البيت
نحاول ننزل بس رجليا مش حاسه بيهم من الخلعه
انشليت و انا نسمع ف صوت ماما تصرخ بقوة رااااح ولدي راااح
مش عارفة كيف فتحت الباب و طلعت لقيت ماما و خالاتي قاعدين ف الصالة يبكو و يلطمو
مشيت لعندها بخطوات مليانه خوف
هزار: ماما خيرك شن في!؟!
ماما: ووووك يااا هزااار ي بنيتي راااح وخيك رااح ابو الضحكه الحلوة
حليلي ع وليدي ي ربي ريتهاااا فياااا ولاااا فييهه
انهد حيلي قعدت جنبها مش مستعبه شي
انفتح الباب و انا نشوف ف شخص مهدوم محطم وهموم حامل خوه ع كتفه و نزله بيناتنا و هو يحطه شوي شوي لحتى ما يلجم جروحه
و قعد جنبه و نزل راسه و دموعه ينزلو
ماما تخرمش ف خدودها و تسحب ف شعرها و خالاتي يحاولو يهدوها
فاطمه و صابرين قطعو رواحهم بالبكاء
زحفت لعنده و رفعت راسه من الارض و حطيته ع رجلي
سحبت طرف كمي و نمسح ف الدم يلي ع وجهه
هزار: اسسسس اسكتوو اسكتوو ما تبكوش ما تزعجوشي خلوه راقد
هو راقد توا شوي و يفيق اي اي شوي و يفيق
حسااام حساام ي روح اختك كافي نوم افتح عيونك خليهم يصدقو انك عايش
ماما سحباته من ايدي و حطت فمها ع فمه و تشم فيه بقوة
بعدتها منه بسرعه
هزار: شن قاعده تديري انتي؟؟ ما تحاوليش تديري هكي هو عايش مش ميت
حساام افتح عيونك حبيبي كافي نوم
حيدر انت اخوه الكبير هو يسمع ف كلامك خليه يفيق فيقه خليه يفتح عيونه
امي فقدت الوعي فاطمه جثه احتارت وين تبوس
هزار: ابعدوووو خلوووه عاااايش والله عااايش
سحبني حيدر بقوة ضربني كف و يهز ف كتفي
حيدر: تي اصحي ع حالك شن تديري انتي تي مااااات ماااااات ماااات حسام ي هزاااار ماااات ما وفااااش بوعده لييييك ما روحش معااااي ي هزااار ماااات💔
هزار: لاااااا حسااااااام
فصلت عن العالم مرة نصرخ و مرة نتكلم بهدوء
حطيت ايدي ع صدره مكان الرصاصه و نتكلم جنب اذنه
هزار: حسام حبيبي يوجعك صدرك؟؟ ريتها بيا ولا بيك ي روح اختك
ريت القبر يلفني ولا يلفك
ريته من عمري على عمرگ
فتحت بطم السورية و انا نشوف ل آثار الرصاص
ع صدره ف رئته ع راسه
و نبوس ف كل مكان فيه رصاصه و نمسح ف الدم
شالوه مننا نجرو رواهم و يردونا
هزار: لااااا خلوووه بالله عليكم خلوووه ما شبعتش من ريحته خلوووه
حيدرررر عطيني حسااااام نبي خوي نبييييه
حيدر: هزار لازم تكوني قوية و توقفي جنب امه و مرته
هزار: حيدر بس نشمه بس بس نشوفه حيدر خلاص معش بنشوف حسام😭💔 خليني نشوفه نبيييه
طلع و سيبني نجري وراه و النسوان يسحبو فيا
مش عارفة آمتا لبسوني اسود و طلعت نجري البرا
بوي و عمامي و اولاد عمامي فهد و الكل موجود و التابوت قدامهم
قعدت جنب بابا
هزار: بابا حسام يسمع ف كلامك خليه يفتح عيونه
حبيبي ي روح اختك ريتها بيا ولا بيك...
يتبع⁦♥️⁩...
________
آسفة ما قدرتش نكتب اكتر من هگ💔