انتقام عاشق 🔥

24

لكن انتي حيوااانه لاا حشااه الحيوان منك ع الاقل الحيوان بعد مرة و اثنين يفهم لكن انتي ما تفهميش
قوليلي بس شن فصيلتك انتي!!
يحكي و هو ماسك شعري و عاصر فكي بقوة
دفعت ايده و بعدت عليه
هزار: نفس فصيلتك انت
طحت ع الارض من قوة الكف
نزل ل مستواي و مسك فكي من جديد
فهد: السااانگ ضبيييه يكوون احسن
سيبني و طلع و انا مشتعلة نااار
ركبت ع السرير بس نبي نغفى و نرتاح شوي
دخل للحمام و طلع عيط عليا
فهد: نوضي اغسلي البدلة و اكوييهااا
ولا كإن سمعت شي. رجع قال بنفس النبرة
فهد: مع من ندوي انااا
هزار: كل حد يخدم نفسه بنفسه
فهد: استغفر الله لا انتي ناوية تموتي ع ايدي اليووم
شلت الغطاء و طلعت غسلت البدلة و جففتها و نشرتها البرة
دخلت للدار هو متمدد ع السرير و الهاتف ف ايده
لميت الفوضى و تمددت بعيده عليه
حسيته رقد و انا قاعده نفكر كيف نتخلص منه
مرات نقول نهرب ل حوش اهلي و نسيبه
و مرات نقول نشغل النار ف الحوش و هو راقد
مرات نقول نحط سم الفار ف الشاي
صحيت من تفكيري و نزلت كويت البدلة الساعه 2 ف الليل
حس عليا فتح عيونه
فهد: تعالي انطمري اكويها الصبح
ما رديتش عليه
فهد: نكلمم فييك اناا
طفيت المكوى و الاضوية و تمددت بعيده عليه
حسيت ع صوته الصبح يكلم فيا
يحكي بهدوء و رواق بس انا نرد من راس خشمي مازلت معصبة منه
نزلت جهزت الفطور قعد ع الطاولة و قال
فهد: تعالي افطري
هزار: ما نبيش
فهد: قلت تعااالي اناا
هزار: ما يخوفنيش صوتك العالي مش متعودة نفطر الوقت هدا
فهد: تتعودي تعالي
قعدت شربت شاي بس
و مشيت جهزت ملابسه و بدلت ملابسي
طلعنا هو وقف ع الحراس يحكي معاهم و بعدين طلعنا
مشينا ل مدرستي طلعت راسبة ف مادتين قال هيا نمشو قلتله نسلم ع صاحباتي قبل
مشيت للصف سلمت عليهم و قلتلهم ب ننتقل و تجوزت عاتبوني لان ما عزمت حد ع العرس قلتلهم كل شي صار بسرعه
اصرو انهم يشوفو فهد قلتلهم ف للادارة
مشيت للادارة و هما كلهم يمشو وراي
دخلت سلمت ع ابلاتي و باركولي و طلعت و صاحباتي واقفات ف الباب يشوفو ل فهد
اول ما ركبنا للسيارة قال...
فهد: البلييده
سكتت ما قدرتش نرد عليه بش شفتله بنضرة كفيلة انها تفهمه عن يلي ب داخلي
MR♥️Aß
مشينا للمدرسة الجديده دخلنا للادارة سلم ع المديرة و يهدرز و يضحكو و كإن يعرفها من قبل
أكيد في بيناتهم معرفة
طلعنا من الادارة وقفنا ف الممر قال..
فهد: الساعه 12:30 يجيك إبراهيم يوصلك للحوش
هزيت راسي بمعنى تمام
طلع من جيبه 25 و قال هدا مصروفك
هزار: خليه عندك ما نبيشي
فهد: هزار خوديه و خليني هادي ما نبيش نحشمك توا ف المدرسة
خديته منه و سكتت طلع روح و جتني العاملة رفعتني للصف
دخلت سلمت ما نعرف حد بس بسرعه انسجمت لان البنات اجتماعيات و حبابات يضحكو و ينكتو
عندهم ملتزمين و مدققين هلبا ع المكياج و الحاجات هادي
ف كل المعلمات يسألو فيا و نقوللهم متجوزة
كمل الدوام و طلعت لقيت إبراهيم واقف البرة
سلمت عليه رد السلام و عيونه ف الارض
طول الطريق ساكت ولا كلمه
وصلني للحوش و قال
إبراهيم: اختي ناقصك شي نجيبهولك؟!
هزار: لا صحيت وخي
نزلت دخلت للحوش صكرت الباب و ركبت بدلت ملابسي و تمددت ع السرير غفيت ف نومه عميقة
حسيت ع حركه ف الدار فتحت عيوني فهد مبدل ملابسه
نزلت غسلت وجهي و مشيت للمطبخ
فهد: مجهزة الغداء؟؟
هزار: لالا
فهد: ديري أي شي ناكلوه بسرعه
فتحت الثلاجه طلعت باذنجان و بطاطا قليتهم و درت معاهم صلصة طماطم ع السريع و حطيتهم ع الطاولة بدينا نتغدو
فهد: كيف وضع المدرسة الجديده؟؟
هزار: ماشي
فهد: و البنات!!
هزار: خيرهم؟
فهد: كيف اسلوبهم؟؟
هزار: حبابات مؤذبات
فهد: ما تختلطيش بيهم هلبا
هزار: اوكي
خلصا الغداء و غسلت المواعين و سخنت الشاي عطيتهوله هو قاعد ع الكنبة ف الصالة يتابع تلفزيون
فهد: جيبي شنطتك و تعالي
هزار: علاش؟؟
فهد: امشي جيبيها
مشيت جبتها و قعدت جنبه
فهد: افتحيها شن خديتي اليوم؟!
هزار: مش مهم
فهد: مفي شي مش مهم شن خديتو
هزار: رياضيات و انجليزي
فهد: اوكي طلعيهم
طلعت الانجليزي بدا يفهمني فيه و انا مصدومه هذا منين يعرف
كملنا الانجليزي و جبت رياضيات
ما فهمش منه هلبا طلع الشرح من الهاتف فهمه و فهمني فيه
كملنا دراسة و هو تمدد ع الكنبة و غفاا
شفت الهاتف جنبه خديته فتح عيونه
فهد: شن تديري بيه
هزار: نتصفح شوي افتحه
عطاني الرمز و رجع رقد
دخلت ع كل البرامج و بعدين قلت خل ندير عشاء
دخلت ع القوقل كتبت طريقه تحضير الدجاج و الرز
خديت الطريقة و بعدين دخلت للمطبخ تبلت الدجاج حطيته ف الفرن و حطيت الرز ع الغاز
و ركبت فوق ندير دوش
طلعت نمشط ف شعري انفتح الباب و دخل فهد عصبي...
يتبع⁦♥️⁩...
رايكم يهمني 🔥
______