انتقام عاشق 🔥

9

منقووووله 🤭
.
قاعده خايفة و متوترة لحد ما نطق بابا
بابا: بما ان الكل موجود هنا ف انا عندي موضوع نبي نحكي معاكم
الكل وجه نضره ل بابا ب انتباه و انا ايدي ع قلبي من الخوف
بابا: هزار اليوم اتصلو بيا عيت خالها و طلبو ايدها مني و انا قلت ناخد شور عمامها و جدها قبل
نشوف ف الوجوه كلها انقلبت و فهد صاير ناار 🔥 اما جدو ضحك باستهزاء
جدي: تحكي من عقلك انت ولا تغشم ف روحك!؟ كلنا نعرفو ان هزار لفهد
بابا: لكن ي بوي الكلام هدا لما كانت البنت صغيرة اما توا الوضع اختلف
صار نقاش بين بابا و جدو و عمامي و انا قاعده ف مكاني مصدومه و عيني ف عين فهد!!
بابا: خلاص براحتكم انا لان الموضوع قديم نسيته و توقعتكم نسيتوه هزار بنتكم و فهد ولد عمها و أولى بيها و هي ليه
هو قال هكي و نط حيدر من مكانه و هو عصبي
حيدر: شن قاعد تقول ي بابا هزار بنت وحيدتك المدلله تعطيها بالطريقة هادي!؟
كبر الكلام بين بابا و حيدر و فهد مازال ساكت و شكله يوحي انه بركان خامد🔥 قاعده عيني ف عينه و مش فاهمه شي من يلي قاعد يصير!! ما حسيت غير ع بابا يضرب حيدر كف
جسمي اقشعر كله بابا ف حياته ما مد ايده على اي واحد فينا
انتفضت من مكاني و مشيت بسرعه جنب حيدر و انا بودي نقتل بابا لان مد ايده عليه
حسام: يابا تضرب حيدر!! لييش! لانه يحكي الحق!! انت ف حياتك ما مديت ايدك علينا او ضلمت حد فينا ما تكونش ضالم و تضلم هزار توا
بابا قريب هبل من كلامهم و مد ايده بيضرب حسام بس فجأة نط فهد و مسك ايده و هو يحكي ببرود قااتلل
MR♥️Aß
فهد: لا ي عمي ما يصيرش تضرب اولادك هكي ف النهاية هما يدافعو عن اختهم
و أنتم ي ولاد عمي مش حلوة منكم وقفتكم بالطريقة هادي و هزار ليا من البداية و سيوركم تتقبلو الموضوع
ف النهاية انا ولد عمكم
حيدر: ولد عمي و ع عيني و راسي بس مش حركه يحطنا تحت الامر الواقع بالطريقة هادي شنو حنا صغاار؟!
فهد: حتى لو لكن ما توقفش ف وجه ابوك هكي
حساام: فههدد انت آخر وااحد يحكي عن احترام الاب
فهد صارو عيونه حمر ناار و طارتله
و بدو كلمه من هنا و كلمه من غادي و تعالت اصواتهم من جديد
هدا كله و انا ماسكه ايد حيدر بقوة و نحاول نستوعب يلي نسمع فيه
جدي: خلاااااص ولاااا كلامهه وااقف قداامكم و تتعاااركوو بدوون مااا تتحشموو هي كلمه وحده و ماا تصيرش ثنين🔥 و كلامي يتنفد ع الكبير و ع الصغير و ممنوووع اي حد يعترض
هزار لفهد و ما تصيرش لغيره
كلهم سكتو و نزلو روسهم لكن انا ما قدرتش نتحمل للحضة تخايلت ان ممكن نخسر نضال
اتسرعت ف الكلام و بديت نتكلم بصوت عالي و بعصبية
هزار: لكن يااا جدوو انااا مش مواافقة ع فهد ماا نبيشي و ماا نحبااش و نكرهه
جدي: قليلة ادب(angry)توقفي ف وجهي و تردي عليا!! بالگ تحبي ولد خالك!! حطي ف بالك انك ما تصيريش لغير فهد
خوتي لما سمعو كلامه طارتلهم و كانو ح يردو عليه بس أنا تسرعت وما خليت فرصة لحد يتكلم معاي
هزار: نوقف ف وجهك ع الحق و فهد لو تصبغوه ذهب مستحيل نتجوزه و اخبطو روسكم ف 100 حييط
ما نحس الا يجيني كف من حيدر لين حسيت اذني صفرت و خدي تخدر
عيوني مغوشة من الدموع مصدومه!! حيدر يلي يهبل لو اي حد يجرحني ب كلمه يضربني!! حيدر يلي ف حياته ما يمد ايده عليا اليوم يضربني!! سكتت معش قدرت نزيد ولا كلمه
جت ماما رفعتني ل دار جداي و انا نمشي معاها جثه بلا روح
قاعده ع سرير جداي و ماما قاعده قدامي و كل شوي نقوللها ماما حيدر ضربني حيدر ضربني
عيوني مليانه دموع بس ما نزلت ولا دمعه البنات معاي ف الدار كلهم يبكو من بينهم سمية يلي تبكي ف بكاء يقطع القلب و تشوفلي بنضرات حقد
أما انا نسكت شوي و نقول... ماما حيدر ضربني!! حيدر مد ايده عليا ضربني!!
صعبة حد معودك ع الدلال حد ف حياته ما جرحك ولا بكلة يجيه يوم يضربك
ع قد ماكان عندي اخطاء بس ولا مرة ف حياتي حد من خوتي أو بابا مد ايده عليا او يضربني
شوي و دخل حيدر اول ما شفته قلت
هزار: حيدر انت ضربتني!!
نزل راسه لوطا و قال
حيدر:يام اطلعو خلوني شوي مع اختي
طلعو ماما و البنات و هو جاا قعد قدامي
هزار: حيدر انت ضربتني
حط ايده ع خدي و نزلو دموعه حضنني و يبكي
حيدر: ي روح اخوگ تنكسر ايدي انشاء الله والله ما نبي نضربك والله حسيت ضربت قلبي مش ضربتك
بعدت راسي من حضنه نمسح ف دموعه
نعرف قداش خوتي يخافو علي و يحبوني بس ولا مرة شفت حيدر يبكي لاي سبب
لكن اليوم يبكي لانه ضربني
نمسح ف دموعه و نحضن فيه
هزار: خلاص حبيبي ما تبكيش غير فهمني شن صاير!! علاش هكي!!
حيدر: اااخ ي هزار تعرفي ابوك شن دار!!
هزيت راسي بمعنى لا
حيدر: كان عاطيك ل فهد من لما كنتي بعمر ال5 سنين عطاك لفهد لما تخرج من الشهاده الثانوية و قاله هزار ليگ
مش عارف كان يبصر أو لا بس جدك و عمامك و فهد واخدين الموضوع ع محمل الجد و مش ناسيينه
نسمع ل كلامه ومش مصدقة ان بابا ممكن يدير هكي!! فعلا وقتها حقدت ع بابا من كل قلبي
هزار: حيدر انا منبيش نتجوز فهد
حيدر: محد يقدر يجبرك ي حبيبتي و انا نحاول أن نحل القصة هادي بس انتي خليك ساكته و متحكيش ولا حرف لان تثبتيلهم ان الحق معاهم
MR♥️Aß
خليك وراي و ما تتهوريش هزار ما نبيكش تغلطي
هزيت راسي بمعنى تمام و حضنته
فعلا الاخ هو الامان و السند و انا خوتي اماني و سندي و حياتي
طلع حيدر و دخلو عليا البنات يحاولو يغيرو جوي طلعت و خليتهم
ركبت فوق اتصلت بنضال و حكيتله كل شي و هو جن جنونه و والله نحرقه و نديرله و نديرله بالقوة خليته يهدىء
صكرت منه و انا نوعا ما مرتاحه شوي من كلام حيدر
شوي و دخلت سمية عيونها حمر و منفوخات من البكاء
سمية: هزار ديري حل بالله عليك ما نقدرش نشوفك مع فهد ما نتحملش و الله نقتل روحي ولا نخليه ل غيري
هزار: اهدىء مفيش داعي للخوف حيدر قال انه ح يحل الموضوع
سمية: تي شنو يحل انتي ما تعرفيش فهد وربي غدوة يقرا فاتحتگ سواء رضيتي او غصب عنك و ما تنسيش انك بنت عمه و يقدر يحجرگ
هزار بالله عليك اهربي من هنا ولا نحرق روحي قدام عيونك
هزار: شنو شنو!! نهرب!! سمية هبلتي انتي!! مستحيل نهرب نخاف لا مستحيل
سمية: ما تخليش الخوف يسيطر عليك و فكري ف روحك و ف نضال ما تخليش حب سنين يضيع بسبب خوفك
اتصلي توا ب نضال و قوليله يجيك تهربي انتي وياه
قعدت جنبي تقنع فيا ب كلامها و انا ف النهاية اقتنعت لان انا ما نحبش فهد و نموت بدون نضال
هزار: اوكي انتي اطلعي شوي خل ندير حل
طلعت هيا و انا اتصلت ب نضال
هزار: لازم نهربو لازم تجي تواا
نضال: تي شنو هبلتي انتي!! عارفة شن قاعده تقولي!!
هزار: مفيش حل تاني لازم نهربو والا رح نخسرو بعض
نضال: هزار ما تكونيش انانية انا مستحيل نسيبك ل غيري بس فكرة الهروب شيليها من بالك لان رح نضرو اهلي و اهلك
هزار: تعرف لو ما تجيش توا ح نهرب بروحي و وقتها مش ذنبي ان حبك طلع بس كلاام
قعدنا نتعاركو و ف الاخير أقتنع و قال الساعه 2 نكون عندك
نهيت المكالمه معاه و انا حاسه باني رح ندير كارثة بس كل ما نفكر ان رح نتجوز فهد نتشجع ع فكرة الهروب
هزار: خايفة سمية ما نبيش نهرب!!
سمية: لا هزار ما تغيريش رايك و ربي نحرق روحي قدام عيونك ما تخلينيش نخير حلم حياتي ما نبيش نخسر فهد و ف نفس الوقت لو تراجعتي رح تكوني طول عمرگ سجينه عند فهد
كلامها شجعني اكتر
هزار: ما نقدرش نطلع بروحي لازم تتطلعي معاي بعدين
سمية: باهي نرقد شوي و بعدين نوضيني
هزار: وين خوتي؟!
سمية: ف المربوعة مع فهد
سيبتها رقدت و نزلت لقيتهم قاعدين ف المربوعة مع بعض يعني صح كلام سمية يمكن يقرا فاتحتي
مشيت لعندهم بست حيدر و حسام
حيدر: خير هزار فيك شي حبيبتي!؟
هزار:لا حبيبي تصبحو ع خير
ركبت و استنيت نضال و كل شوي نتصل بيه لين قال وصلت
نوضت سمية و لبست شي ثقيل نحاول ندفي روحي بس عضامي يرجفو مش عارفة من الخوف او البرد
نزلنا انا و سمية سحبتني من ايدي طلعنا للبستان نجرو و نلتفتو وصلنا ل نصف البستان وقفت
سمية: خلاص انا معش نقدر نمشي اكتر من هكي يحسو ع غيابي تصير كارثة انتي كملي مش قلتي هو واقف ف بداية الشارع!!
اتصلت بيه بيش يضوي هاتفهه
شفته مش بعيد هلبا كملت جري لعنده و الخوف مسيطر عليا لين وصلته
سلمت عليه و هو مسك ايدي بقوة
نضال: ما ترجفيش يروحي انا معاك هي تعالي
مشيت معاه بسرعه و ف كل خطوة نبعدو فيها نحس نفسي نتنفس راحه و امان
شوي و سمعنا صوت سحب سلاحات و اضوية تشعل فينا من كل مكان
اول شخص شفته هو فهد و شفت حيدر تقدم بسرعه و ضرب نضال
قرب عليا و غوشت الدنيا ف عيوني طحت ع الارض و نشوف ف خيالات تتحرك فوقي...
يتبع⁦♥️⁩...
رايكم يهمني 🔥