انتقام عاشق 🔥

34

إنتقام عاشق🔥 34و الاخيير🔥
#منقوولة
.
قاعده واقفة ف مكاني مش مستوعبة يلي نشوف فيه
امراة حلوة بشكل مش طبيعي و جنبها خمسه صغار
و واحد متمدد جنبها ع جبينه قطعه قماش بيضه زي الكمادة
دخلو بعدي فهد و حيدر يجرو
ما نقدرش نوصف شعوري وقتها معقولة يلي نفكر فيه صح!! معقولة فهد متجوز
فهد: هزار
هزار: ابعد علياااا حقييير كلللب متجوووز و تخدع فياااا ياااا وااااطييي حيواااان متجوز و صغااااارك ب طوووولك
نضرب فيه ع صدره و نصرخ و نبكي و مشعارفة شن ندير
غصة ف بلعومي ذبحتني
نبكي و نلطم و نخرمش ف خدودي نبي نهدي ناري شوي
الصغار يبكو خايفين و المرأة تحاول تمسكني دفعتها بقوة و نصرخ عليها
هزار: ابعدي عليااااا غبيةةةة كيييف تقبليي يتجوووزك بالسرررر و عندك كووومه صغاااار و تجووزني علييك ي غبيييةةة
سحبني فهد بقوة
فهد: هزاار اهدي شوي و اسمعيني
دفعته و ابتعدت عنه بسرعه
هزار: تي شن نسمععع شن تبيني نسمععع غدررررك و كذذذببلك و خياااانتك لياااا
فهد بعصبية: تي لسااانك اسكتي شوي الموضوع مش زي مااا فهمتييي اسمعيني شويه بسس
هزار: مااا نبي نسمع شي ولاااا نفهم شيي سؤااال وااحد جااوبني فهد
مرتك أو لااا اي او لاااا؟؟
فهد: اي اااي لكن اسمعيني
سيبته و طلعت من الحوش نجري ولا كإن بطني واصلة ل فمي بس نجري نبي نوصل السيارة
ركبت و ركب جنبي حيدر يلي ما قالش ولا كلمه حتى بعد كل شي صار
وصلنا للحوش و انا حاسه بنتفجر نبي نفس غليلي ف أي شي
نزلت بسرعه و دخلت كلهم يحاولو يفهمو شن في بس ما كنتش متقبلة نسمع صوت اي حد
ركبت ل داري و ب الف يا ويلاه قدرت نركب الدرج لان رجليا متورمات
قفلت الباب و ندور ف الدار و نفكر ف كل شي صار معاي
صحيت ب كل شي سيبت حبي و تجوزته حبيته و حطيته ف عيوني
ف النهاية طلع متجوز قبلي و عنده كومه صغار
باهي انا!! انا و طفلي شن موقعنا ف حياتك ي فهد!!
ظامتني و ظلمت بنت الناس
بما انك متجوز و عندك صغار علاش دمرت حياتي!! علاش طلعت شخص اناني للدرجه هادي
نبكي و نصرخ و نكسر ف كل شي قدامي
عيلتي كلها يخبطو ف الباب بس ما فتحت لحد
لايمه عليهم كلهم حاسه ان هما السبب ف كل شي صار معاي اليوم
هما السبب ف تدمير حياتي
حتى يمكن هما يعرفو انه متجوز بس محد قال شي
كارهه روحي و كارهه الدنيا بما فيها
قعدت بين الغراض يلي خليتهم عبارة عن حطام يشبح حطام قلبي
الم ف قلبي و بطني موتني
تدريجيا ازداد الالم م قدرتش نتحمل اكتر صرخت بكل قوتي سااااااعععدوووننييي
ماما تضرب ف الباب بقوة و انا متمدده ع الارض مش قادرة نوصل للباب
بالف ياويلاه قدرت نفتح الباب
حاسه روحي ح نجيب أكيد ح نجيب الم موتني مش قادرة نتحمل
خداني حيدر بين ايديه و دخلني السيارة و انا نصرخ و نعيط و قالبه الدنيا عياط
جت ماما قدامي تحاول تسكتني و انا نسب و نلعن عليها ما خليتلها جد راقد
هزار: ابعدي علياااا الله يلعنك و يلعن والديك اااابعديييي ي خرااا
حيدرررر اجري بسرررعه وللد الكللب بنمووت
ماما حطت ايدها ع فمي لان بديت نغلط عضيت ايدها بقوة
و كل شي ندفل💦ع حيدر و نقوله اجري ابن الكلب
هزار: واااااك بنمووووت اجري حيدر ابن الشبشب ابن الكلب
و كل ما يضحك ندفل عليه و نقوله صكر فمك ي كلب
صابرين مسكت ايدي تحاول تهديني
صابرين: هزار اهدي شوي ما يصيرش هكي
التفتت ليها نبي نقوللها ع الالم يلي موتني لقيتها تضحك و انا قريب هبلت
هزار: حيواااانه بنت الحقييررررة انتي تضحكي و انا متت
مسكت ايدها و عضيتها و نخرمش فيها و نسب و نلعن عليها و ماما تحاول تفكها مني لان نهيتها بين ايديا و هي تضحك
ما خليت واحد ف العشيرة ما سبيته و حيدر يضحك
هزار: حيدر معش تضحك ي حقييررر تفووو عليك و على والديك يلعنك و يلعن جدك حمدا و يلعن عشيرتك كلهاااا
فهدددد لماااا نقتلك ي حقيييير
وصلنا للمشفى و حيدر خايف يقول اسكتي ما تفضحيناش
هزار: سكفمك انت ما تعرفش الوجع يلي حاسه بيه حيوااان
دخلوني و انا نعيط و كلها تشبحلي
طلعت دكتورة مايعه و تمضغ ف المستكه و انا لو ب ايدي قتلتها
هزار: تي خفي روحك ي بااايرة
الدكتورة: شن الالفاض هادي لو سمحتي ما يصيرش هكي احترمي نفسك
هزار: و ربي لو نجيك لما نوريك الاحترااام كيف يكون حيواااانه
طنشتني و تحاول تقنعهم ان ما عنديش ولاده و انا ع اعصابي
من جهه هي حرقتلي دمي و من جيهه النسوان يعيطو و انا كل ما نشوف وحده تصرخ نصرخ معاها
قالت ماما نرفعوها ل مشفى تاني البنت ح تموت
طلعوني وصلنا للباب و صار قدامي فهد واقف جنب حيدر
انا شفته و انفجرت
هزار: انت شن تديييرررر هناااا ي حقييييرررر تي برااااا اقلب وجهكككك وااااطي كله منك اصلاااا
حيوااان عاااارفهاااا توجعع خليييتني علااااش مااااا تحملش انت ي كللب هو يشوفلي مصدوم مش قادر يتكلم
أما حيدر ف قاعد ع ركابه م الضحك
وصلنا ل مشفى تاني و طلعت الدكتورة شافت وضعي قالت عندها ولاده
و انا الدكتورة يلي نشوفها نسبها و الممرضة يلي تقرب عليا نعلق ف ملابسها و نسحب ايدها و نضربها
كإني انكلبت نبي نقتل اي حد نشوفه قدامي
دخلوني و جبت و ما خليت شخص ف العشيرة ما سبيته
جبت و حطولي طفلي ف ايدي وقتها نسيت الوجع و نسيت فهد و نسيت الدنيا كلها
MR♥️Aß
عطوني خروج و طلعت مع الالم يلي موتني
لقيت سيارة فهد جنب سيارة حيدر و هو واقف قدام السيارة يشوفلي
ركبت سيارة حيدر بدون ما نعبره
وصلت للحوش لقيتهم مجهزين غرفة الضيوف و حاطين فيها سرير
تحممت و تمددت نرتاح شوي و فاطمه تسأل ف ماما كيف جابت و هي ف الشهر الثامن بس ماما قالتلها انها حاسبة غلط وهذا شهرها
فهد حاول يحكي معاي بس أنا قلبت عليه الدنيا و ما حاولت نفهم شي ولا خليته يحكي شي
مرو اسبوعين و انا ف حوش اهلي
جسديا تحسنت شوي
لكن نفسيا و عقليا تعبانه بجد
و الم قلبي محد يدري بيه
ولدي سميته حسام و صار كل اهتمامي بيه
ولا لحظه نسيت فهد و كل ليله لما نحط راسي ع المخدة نشتاقله و نشتاق ل دفىء حضنه
بس ف المقابل كل ما تنذكر خيانته نحس ب كميةة كره و حقد مش طبيعي
و قعد الوضع هكي لين صار عمر حسام 40 يوم
فهد ف الفترة هادي تقريبا كل يوم يجي يبي يكلمني بس ما نسمعش منه و ما نخليش فيه يشوفني ماما تاخذله ف حسام يشوفه و يلعبه و يروح
ف الفترة هادي جابت فاطمه و فرحنا بيها كلنا و قعده حياتنا شبه طبيعية
___________
النهاية 💓
نبصر نبصر تعالو نكمل شن صار😂
.
بعد مرور شهرين:
.
قاعده نرضع ف حسام و نهدرز عليه مش عارفة ليش بس نحسه يفهمني💙
انفتح الباب و انقفل
رفعت راسي شفت فهد واقف جنب الباب  و ف ايده سلاح
تقدم قعد جنبي و سحب حسام من حضني يبوس فيه و انا قاعده ما تحركتش تقريبا مش مستوعبة شي!!
هزار: اطلع براا شن تدير هنا؟؟
قرب المسدس و قال
فهد: اششش بدون صوت رقدي الولد و ح تسمعيني اليوم
هزار: فهد شيل المسدس و اطلع برا
فهد: ما تجبرينيش نيتم ولد هزار ديري يلي نقولك عليه و انتي ساكته
سكتت و هزيت حسام لين رقد حطيته ف سريره و التفتت ل فهد
هزار: فهد بالله اطلع خليني ف حالي ما نبي نسمع شي
فهد: مش ب كيفك اليوم تسمعيني للنهاية ساد هكي ليا شهرين ما ضقت الراحه
هزار: علاش مش مرتاح مع عيلتك التانية؟؟
فهد: بدون كلام زايد اسمعيني الآخر
(يحكي و يمشي ف المسدس ع راسي و رقبتي و صدري)
قبل عشر سنين...
كان في معانا ضابط كبير و معروف
الظابط هذا حتى الموت يخاف منه
عنده نظرة تزرع الرعب ف قلب الجنود
ما كانش عنده اي صديق غيري انا
و الكل حاسدني لان انا الوحيد صديق الظابط حمزة
كان صاحبي هلبا و ساعدني ف هلبا حاجات و وقف معاي ف اكتر من موقف
ف يوم كنا مكلفين ب تحقيق مع مجموعه بنات تم القبض عليهم ب تهمه الدعارة
و فعلا حققنا معاهم و شفنا اشكال و انواع بنات اعوذ بالله اصلا هادي شغلتهم
بس كان من بينهم بنت حاطه النقاب و طول الوقت ترجف و تبكي
و لما وصل فيها الدور م رضتش تحكي شي تبكي و بس
حمزة فقد اعصابة و شال منها النقاب
هنا وقفنا انا وياه مصدومين من جمالها فعلا كانت جميلة جدا
حاولنا نفهمو قصتها و طلعت يتيمه و متربية ف ميتم و صاحبة الميتم بايعتها ل وحده تشتغل ف الدعارة
حمزة يتيم الاب و الام عنده ثنين خوت من ابوه يكرهوه و مش طايقينه
ف تعاطف مع وضعها ف الحقيقة هو حبها و تجوزها
ع الرغم من انه لاقا مشاكل مع خوته و اعترضو بس هو واجههم و تجوزها
مرو 8 سنين و حمزة مرتاح و طاير بيها
بعد فترة صارت تجينا تهديدات ليا انا و حمزة بس
ف البداية ما اهتميناش للوضع بس الامر زاد عن حده
ف يوم جاني حمزة وقت الدوام و قال
حمزة: فهد لو صار عليا اي شي مرتي و صغاري امانه ف رقبتك
فهد: عمرك طويل انشاء الله ي غالي علاش تقولفهد: عمرك طويل انشاء الله ي غالي علاش تقول هكي!! معقولة الضابط حمزة يأثرو فيه تهديدات!!
حمزة: هههه انت عارف اني ما نخاف الا من ربي بس البارح حلمت اني حاضن صغاري و نودع فيهم
لو صار عليا اي شي صغاري و مرتي ف امانتك و ما نسامحكش لو ترخي بيهم
فهد: قول يالله ي راجل انشاء الله ربي يحفظك ليهم
حمزة: انشاء الله لكن ما تدري ع الدنيا ي وخي نبيك تعطيني وعد خليني نرتاح
فهد: خلاص وعد بس صكر هالموضوع انشاء الله ما يصير إلا الخير
قعدت معاه يوم كامل ما سيبتاش ابدا
و ف الليل مشيت معاه ل حوشه كان عازمني ع العشاء
هو ساكن فوق خوته
اول ما نزلنا من السيارة مرت من جنبنا سيارة و رمت علينا و فاتت
ما لحقناش ندافعو عن نفسنا
جريت ل صاحبي يلي غارق ب دمه
سمعت صوت حادث التفتت نشوف السيارة يلي رمت علينا خاشه ف سيارة تانية
مشيت بسرعه لقيتهم دايخين من الحادث قتلتهم الثلاثه حتى ما قدروش يدافعو عن نفسهم لانهم دايخين
رجعت ل حمزة نحاول نوعيه بس كان فاقد الوعي
وقتها فقدت كل قوتي و انا نشوف صاحبي ممدد ع الارض و غارق ف دمه
حاولت نشيله بس قوتي تبخرت
خوته!!هه يلي ما نقدرش نسميهم خوت
انا صاحبه نبكي عليه و هما خوهم يشوفوله من بعيد بدون ما يتحركو
قعدت ع هالوضع لين التمو الناس و شالوه للمشفى ما وصلنا لين قالو خلاص مات 💔
قعدت ورا قضيته لين وصلت ان يلي كان السبب ف التهديدات و الهجوم هو سجين عندنا متواصل مع معارف من البرا
مرته و صغاره انا تكلفت بيهم كل اسبوع نمر عليهم نرفعلهم بضاعه و فلوس
مع الايام مرته قالت ان خوته يركبو يضربو فيها و ف صغارها و ياخدو ف الفلوس منها
حذرتهم و هددتهم بس مفيش فايده
تصدقي شن صار!!
مرة ركبت نخبط ع الباب ما رضتش تفتحلي لين قلت اسمي
طلعتلي وجهها كله ازرق قالت البارح ركبو سكرانبن و حاولو يعتدو عليها 💔 شايفه نذاله زي هادي!!
وجوه الصغار ما ينعرفوش من كثر الضرب
الحل الوحيد كان ان نطلعهم ل حوش تاني هي و صغارها
بس أكيد محد يرضى نطلعها معاي و هي محرمه عليا
خصوصا ان خوته انذال و ح يدورو غلطه يسمكوني بيها
ف انجبرت نعقد عليها
حكيت معاها و فهمتها ان الشي هذا ل مصلحتها و مصلحه صغارها و جوازنا ح يكون ع الورق فقط و هي وافقت
من وقتها و انا متكفل بيهم و كل ما نمشي نلقاها لابسه عباية و حجاب و كلمه وخي ما تنزلش من فمها
MR♥️Aß
للفترة الاخيرة ولدها حمودة صار يمرض
عرضته ع دكتور و طلع عنده ربو و بين فترة و فترة يتعب و يحتاج علاج
و هادي كل القصة اصلا أنا معتبرها اختي
هزار: فرحت لما عرفت انها مرته ع الورق فقط بس ف نفس الوقت وجعتني المرأة
لكن مستحيل نتنازل ي فهد
هزار: و شن يضمن ان ما يجيش يوم و تنضرلها ع انها مرتك اصلا هي حلوة هلبا
ضربني كف حسيت اذاني صفرو
فهد: نقولك اااختييي ااااخختيي كيف تفكري انتي؟؟!
هزار: ابعد علياااا حقييير همجي مستحيل تتغير مستحيل نرجع معااك
فهد: بسيطه ي هزار خليك م ترجعيش
سيبني و طلع و انا مشتعلة بنار
دخل حيدر يحاول يقنعني نرجع معاه بس أنا قلت مستحيل نرجع لين يطلقها
العيلة كلهم يحاولو معاي بس أنا مصكرة راسي لا يعني لا
بعد يومين دخل عليا للصالة قال...
فهد: البسي عبايتك و تعالي
هزار: ما نبيش نمشي معاك ل مكان خليني ف حالي طلللقني و ريحني
فهد: هزاااار بلاااش كلااام زاايد و جيبي عبايتك تواا
هزار: مش جايبتها ومش ماشيا معاك
سحبني من ايدي وقال
فهد: صاابريين جيبي العبااية
جابتله العباية حطها عليا و سحبني للسيارة و طلعنا
طول الطريق و انا نحكي شيش بيش
و هو ولا همه ولا كإن نحكي معاه
وصلنا للحوش نزل و نزلني
دخلت للصالة لقيت نفس المرأة استقبلتني و ع وجهها ابتسامه
ام مصطفى: هلا ب وخيتي هلا بيگ
هزار: وخيتك شنو انا ضرتك را
ام مصطفى: لا والله انا نعتبر فهد وخي يلي ما جاباته امي و انتي وخيتي
و آسفه يمكن صارت معاك هلبا مشاكل بسببي
سكتت تحشمت منها ما عرفتش نرد عليها
جاب الشيخ طلقهم ورجعني ل حوش اهلي طول الطريق ساكتين
وقف السيارة و قال
فهد: جهزي روحگ ساعتين و نجي نرفعك انتي و ولدك
نزلت بسرعه و طلعنا انا و صابرين للصالون حفيت و درت تنضيف بشرة و صبغت شعري ووو
رجعت للحوش تحممت و حممت حسام شوي و وصل فهد سلمنا و طلعنا
طول الطريق ساكت باين عليه زعلان مني
وصلنا للحوش هو اخد حسام للصالة و يلعب فيه و انا اول ما وصلت بديت ف التنضيف لان الحوش متفجر فيه لغم
كملت تنضيف و جهزت العشاء و ركبت تحممت مرة تانية
رجعت لقيت حسام راقد خديته حطيته ف غرفته و جهزت السفرة
قعدنا نتعشو بدون ولا كلمه
غسلت المواعين و ما سخنتش الشاي نبيه يحكي معاي
مشيت للصالة نتابع ف التلفزيون قريب نصف ساعه و هو كل شوي يتنهد
عارفاته متعود ع الشاي بعد الاكل طول بس الا ما نخليك تحكي ي فهد
سكت سكت و بعدين تفجر
فهد: تي وييين الشااااي
هزار: مش عطيتك ولا!
فهد: آمتا عطيتيني؟
هزار: توا عطيتك و شربت كبايتين
فهد: لا انتي خرفنتي نوضي جيبيلي شاي
نضت و انا نضحك عليه نشوفو ل آمتا تتحمل ي فهودي
عطيته الشاي و قلت
هزار: انا راكبه بنرقد جنب حسام اليوم
ركبت و خليته بدون ما نسمع جوابه
فرشت ع الارض و تمددت و انا متأكده انه ح يجي
فاتت ساعه و ساعتين و ما جاش الخبيث
كيف غفيت و انفتح الباب
فهد: نوضي ارقدي ف دارك شن تديري هنا؟؟
هزار: بنرقد جنب ولدي يمكن يبكي او يحتاج شي
سحبني من ايدي و قال
فهد: لا ما يحتاج شي اطلعي بالك
دخلني للدار تمددت ع السرير و هو دخل يتحمم
طلع واقف ع المراية يمشط ف شعره و حسيته متوتر ضحكت عليه
فهد: خير في شي يضحك!!
هزار: انت تضحك خيرك متوتر هك
فهد: لا مش متوتر بعدين من سمحلك تغيري لون شعرك؟؟
هزار: بروحي غيرته
فهد: احمدي ربك نحب اللون هذا و الا كنت قصيتهولك
هزار: الحمد لله... بس فهمتي انت خيرك متوتر هك
فهد: ايح انتي علقتي متوتر متوتر قلت مش متوتر
هزار: اممم توقعتك خايف مني
فهد: لا خايف عليك لان ح نطلع الفترة يلي فاتت كلها من عيونك...
.
حطيت راسي ع صدره
هزار: فهد...!
فهد: حبيبي
هزار: بكرة نعزمو ام مصطفى ع الغداء
فهد: شن هالتطورات!
هزار: والله المرأة باين عليها كويسة و انا حابة نتعرف عليها اكتر
فهد: انشاء الله حبيبي
ثاني يوم عزمنا ام مصطفى ع الغداء و قبلت العزيمه
هدرزنا و ضحكنا بجد انسانه تدخل الخاطر و طيبة
صار فهد كل ما يمشيلهم يرفعني انا و حسام معاه
بعد شهوور...
أطياف و مشمشه حملو و انا و فهد بين فترة و فترة نمشو زيارة للريف
حياتنا عادية و بسيطه لا تخلو من العركات بس مع هدا نحبه و يحبني  ما نتحملش زعله ولا يتحمل زعللي...
.
كانت هذه النهاية💓
__________
ان شاء الله اتكون عجبتكم واسفه وااااجد ع جرئا اللي في الرواية وياريت تفاعل
وكل عام وانتم باآلف خير وصحه وسلامه ❤🔥❤🔥❤💕💕