Երեկո է։ Մենելն իր սենյակում է։ Փորձում է մի նոր գիրք գտնել կարդալու համար, բայց ցավոք սրտի ամբողջ գրադարանը սպառվել է։ Նրան հիմա մի նոր ու հսկա գրադարան է հարկավոր, որ կարողանա օրերն անցկացնել։
Նյարդային վիճակում է, որովհետև չգիտի այլևս ինչ անել։ Ոտքերը խաչած անկողնուն էր նստել, երբ քույրը ներս մտավ։
-Մե՞ն։
-Ասա։
-Ինչո՞ւ ես սառած մի կետի նայում։
-Չգիտեմ ինչ անել։ Գրքերս վերջացել են։
-Ի՞նչ։ Ամբողջ գրադարանը կարդացե՞լ ես։
-Ըհն։
-Մամա՜,-աչքերը չռված ասաց Լիլին,-Լավ մի՛ նեղվիր։ Ուիլյամին կասես, քեզ մի լավ գրադարան կտանի, որտեղ լավ գրքեր կլինեն,-ասաց իր մշտական խուլիգանի ժպիտով ու աչքով տվեց։
-Ուիլյամի՞ն։ Լավ հիշեցրիր։ Էստեղ արի։
-Ինչի՞ համար։
-Մոտ արի, պիտի խոսեմ քեզ հետ։
-Գնում եմ,-ասաց ու շրջվեց, որ սենյակից դուրս գա, բայց Մենելը բարձր ու բարկացած տոնով ասաց.
-Ես քեզ բա՛ն ասացի,-քույրը վախեցած շրջվեց ու կամաց-կամաց նրան մոտեցավ,-Ինչո՞ւ ես նկար ուղարկել Ուիլյամին։
-Ե՞ս։
-Այո, հե՛նց դու։
-Ես չեմ ուղարկել։
-Չե՞ս հասկանում, որ ամեն ինչ գիտեմ։ Ինչո՞ւ ես իզուր ստում։
-Դե եթե գիտես էլ ինչո՞ւ ես հարցնում։
-Ուզում եմ ասես թե ինչի՞ համար ես նման բան արել։
-Ուղղակի։
-Դու անուղեղ ու ինգնագլուխ ես։ Քեզ ո՞վ է ասել, որ նման բաներ անես, հը՞ն։
-Մի բարկացիր հա՞, ես ուղղակի ցանկացա, որ նա տեսնի, թե ինչպես է իր լավ ընկերը։
-Ինչի՞ համար։ Ինչո՞ւ մտքիդ նման բան փչեց։
-Չգիտեմ։
-Բայց մի վարկյան, դու ո՞նց ես կապվել նրա հետ։
-Ֆեյսբուքով։
-Ֆեյսբուքո՞վ, դու գրանցվա՞ծ ես ֆեյսբուքում։
-Արդեն մեկ ամիս է։ Մայրիկին ու հայրիկին չասես խնդրում եմ։
-Ինչի՞դ է պետք։ Ի՞նչ ես անում Լիլի։ Բոլորից թաքուն ինչ-որ կայքերում ես գրանցվում, ու դա քիչ է, մի բան էլ հիմարություններ ես անում։
-Ներիր,-սկսեց լաց լինել։
-Լաց չլինես, գիտե՛ս, որ չի ազդում վրաս։ Ինձ մի բան ասա, դու որտեղի՞ց ես իմացել, որ հենց նա՛ է այն Ուիլյամը, ով իմ մտերիմն է։
-Մի անգամ երբ նա քեզ ճանապարհում էր տուն ու դեռ այգու մոտ կանգնած էիք, ես տեսա նրա դեմքն ու տպավորվեց։
-Վա՜յ Լիլի։
-Նա շատ գեղեցիկ տղա է։
-Գիտեմ,-Լիլին ժպտաց,-Հա ի՞նչ։ Ինչո՞ւ ես ժպտում։
-Ուղղակի։ Շուտով ծնունդդ է։
-Այսօր ամսի քանի՞սն է։
-Հոկտեմբերի քսանութը։
-Պարզ է։
-Ի՞նչ ես ուզում անենք ծնունդիդ օրը։
-Չենք նշելու։
-Ինչո՞ւ։
-Դու գիտե՛ս, որ մենք չենք կարող ամեն առիթ նշել։
-Դե լավ, գոնե տորթ պատրաստենք, ու մոմերը փչիր։
-Այ դա կարող ենք, մեծ ծախսերի հետ կապված չէ։
-Ուիլյամը գիտի՞։
-Ոչ։ Չեմ էլ ասի, կարևոր չէ։ Ի դեպ, էլ նման բաներ չանես։ Չեմ արգելում, որ գրանցված մնաս, գիտեմ, որ դասընկերներիդ հետ ես շբվում, բայց եթե մի անգամ էլ ես նման անիմաստ բան արել, կմոռանաս ֆեյսբուքիդ մասին։
-Լավ, շնորհակալ եմ,-քրոջը փաթաթվելով ասաց Լիլին։
-Էլ մի՜, մի՛ արա։
YOU ARE READING
Ամեն Օր Նոր Էջ
ActionՄենելը, ով իր կյանքը միայն գրքերի հետ է անց կացնում՝ չունի ընկերներ։ Գրքերն ասում են, որ մարդիկ չար են, բայց այդ նույն գրքերն ասում են, որ սերը հիասքանչ է։ Ու եթե մարդիկ կարող են սիրել, թող սիրեն, իսկ նա կմնա էջերի արանքում, որպես մի էջանիշ...💛📚📚...
