اني همسة عمري ٢٣ سنه
فكرت انشر قصتي لان اريد الناس تعرفها ووتمسك بحياتها مهما كانت ظروفها الي تعيش بيها لان وره كل شدة راح يجي الفرجرب العالمين مايخلق بشر ويعوفه بنص الطريق لازم يجي يوم ويلكه نفسه انتصر على حياته وعاشها بكل مابيها من ظلم ، معاناة ، وغيرها لحتى يعيش لليوم الي يشوف هالفرج بعينه
ودليل كلامي انو قصتي جاي تقروها انتو وراح نعرف سوه
هل هالفرج اجه ؟
نرجع بالزمن شوي للثمانينات
..................عائلة مريم *ام همسة *
اليوم هذا يوم حلو بالنسبة الي راح نسافر بي من بغداد لأربيل
رايحين زياره الهاطبعا اني هوااي احب بغداد وحلمي ادرس بجامعة بغداد لان اسمع باسمها هوواي
الطريق شوي طويل من اربيل لبغداد
اعرفكم عن نفسي بهالوكتاني مريم مواليد ١٩٧٠
عمري حاليا ١٨ سنه اني من محافظة اربيل من اصل كردي شكلي حلو ملامحي ناعمه حيل اقرب شي اكدر اوصفهن بي انو هم طفولياتعندي ميزه اتميز بيها واحبها وهن خدودي كبار وتفاحيات مع انو اني وزني ٥٥ بس
احب خدودي وشكلهمشعري بي شكار خفيف وعيوني خضر
طبعا عائلتي كلها تحمل مواصفات قريبه من مواصفاتيعندي اخت وحده وهي مو بس اختي لااا هاي حبيبتي، صديقتي ، مخزن اسراري علاقتي بيها كلش حلوه
اسمها حلا اصغر مني بسنهواخواني اربعه
شوكت ومصطفى وعلي ومحمدطبعا محمد متزوج بأربيل ماقبل يجي ويانه لبغداد مع انو احنه حبينه العيشه ببغداد واستقرينه بيها
حياتي جانت حلوه وهادئه صح ماكو بيت مايخلى من المشاكل بس مع ذلك حياتي حلوه احب الدراسه حيلللل وجنت اروح للمدرسه واني بصف السادس كلش شاطره واليوم اخلصه بين الكتب والدفاتر وسوالف حلا الي ماتخلص
بدت امتحاناتي وبده يومي يصير عباره عن دراسه
وغير الضغط النفسي الي يصير بفترة الامتحانات واي واحد يحاجيني اتعصب منه كأني ادور حجه حتى افرغ اعصابي بأحد من اهلي
خلصت امتحاناتي بس ما ارتاحيت ولا شفت طعم الراحه
منتظره نتيجتي على نار انام واكعد واني بس افكر واحسب بدرجاتي واتوقع معدلي شكد راح يطلع
وبيوم من الايام جنت كاعده انتظر وشفت نتيجتي ناجحه والمعدل ٨٥
محد بكد فرحتي هذاك اليوم تدوروني ماتلكوني بالكاع لاا اني طايره من الفرح
قدمت على كلية الهندسة وانقبلت بيها
انتظر اول يوم دوام الي بجامعة بغداد حلمي تحقق وراح ادرس بيها
أنت تقرأ
تَــهَـشُـم
ChickLitروايــة عراقيــة حقيقية (مكتملة) ( كالزجاج تهشمت انا لكنني فعلت مثله وتمسكت ببعضي البعض ف انا لا اترك شتاتي يتناثر) مريم : شويه مر وكت ايناس تتصفح بأوراق الكتاب الي بيدها ولمحت ولد جاي بأتجاهي ابيض الشمس جانت تضرب بعيني شوي الا كدرت اميز هذا ع...