تَــهَـشُـم

البارت الرابع عشر

..

اخذني عمر بعد ما ترخصت من البنات كملنه المشي بالممر وجان الممر كله كلوبات وتحفيات وحده احلى من الثانيه
دخلنه بصاله عكس الممر مابيها ضوه غير الشموع ومره جبيره كاعده ع جربايه ودايره وجهها ع الشباك ومعلكين بأيدهت مغذي

همسه : كلبي كام يدك سريع ..تقدمت الها

ماااماااا..

ركضت لحظنها اشم ريحتها وابجي واكلها ماما مشتاقتلج ماتدرين شكد تعذبت ع مود هاي اللحظه ضليت ابوس بأيدها وماريد اتبعد عنها ولا ثانيه

تفاجئت من دفعتني عنها وكالت

يا ماما شبيج انتي اني ماعندي اطفال وخري عني شتردين مني وخرري

انصعقت من الي سمعته وعيوني ضلت محتاره وين تروح ع امي الي ادفع كل حياتي لخاطر اسمع صوتها واسمع اسمي منها لو اباوع لعمر حتى يفهمتي شكو

همسه : ماما اني همسه بنيتج همسه الي تحبيها وتحبج حقج ماتذكرين شكلي بس شوفي اشبهج عندي مثل عيونج بالضبط شوفيني راح تتذكريني اكيد

مريم : طلعيي بره مااعرفج اني شتردين مني طلعوا من يمي ماعندي اطفال اني

همسه : ولك عمر فهمني شكوو ليش ما مهتم بالموضوع ليششش

عمر : سحبتها من ايدها وطلعتها بره لان امي وضعها مو تمام

همسه شفتي شلون هواي لحيتي ع شوفة امج وهاي هيه امج مريضه وماتتذكرنه يعني فاقده الذاكره ومو من هسه لا من اول ماشفتها وهي ماتتذكرنه

همسه : عمر شجاي تحجي راح تخبلني انته مو كتلي صار بيها جلطه وتعدت ليش ماجبت طاري هالشي

عمر : اسمعيني وافهمي من اول ما جيت لتركيا وشفتها ببيت خوالي عرفتها واتذكر شكلها الي مستحيل انساه شفتها ماعبرتني ولا كأنو اني ابنها ضليت اغلط عليها واسبها ليش هيج ناكره وجودنه بحياتها تعصبت عليها وفقدت ماكمت اشوف شي كدامي

اجه خالي علي وضربني راجدي وسحبني بغرفه وحدنه وحجالي ع كلشي وفهمني

همسه : شنو كال الك عفيه عمر لا تضم عني شي اروحلك فدوه سولفلي

عمر : اخذت نفس قوي وكتلها اسمعيني مراح اضم شي عنج

امي اول مااجت لتركيا ماجان بيها شي بس من كد ماتبجي علينه وتقهر بروحها مرتفع عدها الضغط وصاير بيها سكر يعني متجمعهات عليها كلهن وما متحمله ضاربتها جلطه ومتعديه وهالجلطه قويه عليها بدت تفقد بذاكرتها شوي شوي وتنسى اشياء وتتذكر اشياء

وكل ماتمر فتره عليها ذاكرتها بدت تضعف اكثر وامراضها كثرت وضربتها الجلطه الثانيه قبل عرس امير بيوم لذلك ماكدروا يجون للعرس وهسه امنه مخرفه ياهمسه ماتتذكر شي