تَــهَـشُـم

البارت الثامن عشر

..

سمعت صوت تلفوني يدك .. رحت ركض للغرفه لان غرفتي قريبه ع المطبخ ..
كلبي يدك سريع اكيد خبر عن عمر وعلي اكيد

شفتها خاله حلا .. ياربي سترك
متردده خايفه افتخ الخط واسمع شي يهدلي حيلي ويكسرلي ظهري وكلبي

انقطع الاتصال جريت نفس .. رجعت اتصلت بيه ..

كلت ياالله بصوت عالي وفتحت الخط الوو

حلا ..  ولج عمر رجع
همسه.. شنوو حلفي خاله الله عليج
حلا.. والله قبل شوي اجه
همسه .. الف الحمد والشكر الك ياربي وينه اريد احجي وياه

حلا .. توه طلع من الحمام وراح نام خطيه تعبان من يكعد يحجي وياج
همسه .. بس يكعد خليه يحاجيني عفيه

سديت الخط وصليت ركعتين شكر لله ورجعت للمطبخ اكمل شغلي بس الفرحه ما سايعتني اريد اب واحد اكله يشاركني بفرحتي

رحت لزينب شفتها ملتهيه تحضر للحفله والكل مثلها ..

رجعت للمطبخ من الفرحه ضليت اركص ع صوت الاغاني الي مخليتهن زينب

طلعت كل مواهبي خلصت الاغنيه التفتت ع صوت تصفك جاي من وراي

صكر ..هاي هيج فرحانه لان راح اتزوج

همسه .. لا بس اخوي عمر رجع بالسلامه شلي علاقه بيك

تقرب مني كلش حصرني ع الحايط  وهمس باذني

صكر .. حسبالي فرحانه الي
همسه .. لا فرحانه لاخوي
صكر .. اي بيها الخير

عافني وطلع  .. هذا مخبل مو صاحي منو انته وافرحلك خاب دروح سابح بالعطر وجاي يمي

طلعت من المطبخ صاحتني الحجيه ام فهد اكعد يمها

ها حبوبه تردين شي -احجي بصوت عالي لان هوسه واغاني كلشي مااسمع

الحجيه .. جا يمه انتي يمته تبدلين يلا تره شويه ونروح لبيت العروس

همسه.. لا حبوبه اني ما اروح شعندي رايحه حته اسمعلي كم حجايه تغثني

الحجيه.. شحدها الي تحجي وياج نص كلمه روحي بدلي وماريد حجي زايد يلا حبوبه روحي

همسه.. هههه يلا رايحه لزينب تشوفلي شي البسه

رحت لغرفة زينب دكيت الباب لان البنات جوه يمها
دخلت وصحت عليها

زينب.. ها شكوو
همسه.. شو تعالي بله
زينب .. ما تشوفيني جاي اصبغ بوجهي لا تخربين عليه تعالي يمي وكولي شتردين

همسه .. شكد عجوزيه دخيل الله .. رحت يمها شاورتها .. اريد شي منج اللبسه لان حبوبه ماتقبل الا اجي وياكم
زينب .. اي زين تسوي بيج محد يعرفلج غيرها هي وصكر

همسه .. هسه ديلا فضيها
زينب .. اي روحي لكنتوري عندي فستان اشتريته لزواج فاطمه وما لبسته لبسي
همسه .. منو منهم
زينب .. النيلي
همسه .. ايي شفته