تَــهَـشُـم

البارت السادس

..
منتظر : حبيبتي حقج عليه انه اسف والله مادري شنو صار بيه فقدت عقلي وماحسيت على نفسي  لاتسوين بيه هيج تدرين شكد احبج ماكدر بدونج ..

مريم : وديني لأهلي ماريد اشوفك عذبتوني من اول يوم دخلت بي لبيتكم واني خدامه صايره الكم واكول سكتي مريم تحملي رجلج يستاهل واصبر بروحي على ضيمكم وظلمكم  .. اطلع بره ماريد اشوفك ولا اسمع صوتك

طلع وانفجرت بالبجي خسرت ابني بسبب جذبه ومحد دافع عني كعدت اندب حظي جسمي كله يأذيني من الضرب اباوع لايدي مكان ازرك مكان بنفسجي وشي احمر ودم يابس لعبت نفسي منه  جسمي صاير الوان كرهت روحي ..

شويه ودخل منتظر درت وجهي عنه ومسحت دموعي  ماريد اشوفه

منتظر : مريم تكدرين تطلعين هسه من المستشفى يلا كومي وياي

مريم : وديني لبيت اهلي وجيبلي عمر

منتظر : اوديج الهم بس فكري عدل لا تتسرعين

وصلني منتظر لبيت اهلي وماحجيت وياه ولا كلمه حسيت الحجي مات بينه وجان طول الطريق منزل راسه من الفشله وصلت الهم وامي فتحت الباب
شفاتني وشهكت من المنظر الي كدامها وجهي جان بي خرايط واثر الحديده مال الحزام مطبوعه ع خدي

الحجيه : يمه مريومه شبيج وجهج  مورم  وحالتج حاله

مريم : يمه اجهضت وجيت ارتاح يمكم دخليني لغرفتي الله يخليج

منتظر : شكد كبرت بعيني وبنفس الوكت حسستني شكد اني مقصر وغلطان بحقها ندمان بكد شعر راسي مريم ماتستاهل الي سويته بيها

الحجيه : ريمه كولولي شصاير جسمج مزورك 

مريم : طحت من الدرج وصار الي صار

الحجيه : كافي بجي حبيبه كافي الله يعوضكم ولو ما مصدكه هاي الخرايط الي بجسمج مال درج ، منتظر ماد ايده عليج ؟؟
مريم : لا يمه منتظر ما يسويها ..

احجي بلساني شي وبكلبي شي ثاني( اووف يا امي لو تعرفين شسوه بيه كله وكلبي ما ينطيني اكول لاحد عن سوالفه ابني واكف كدام عيني مربطني ماكدر اخليه بدون اب )

الحجيه : خليني اكوم اسويلج شوربه تقويج  .. راحت وجان واضح عليها ما مصدكتني

حلا : الحمد لله ع سلامتج ربج انطاج وربج اخذه لاتعترضين ع حكمه

مريم :  ونعم بالله

حلا : يلا نامي وارتاحي اني بره اذا احتاجيتي شي

مريم : حلا طلعت واني انفجرت بالبجي كسرلي كلبي وحركته ع ابني الي ماشفته متحمله الاذيه كل الفتره لخاطره شسوه بيه المجرم  ، ..
ضليت فتره عند اهلي ما ضغطو عليه بالاسئله ابد

منتظر كل يومين يجي يجيب حليب وشغلات لعموري ويخلي فلوس وي الغراض بس ما استخدمتهن لان ما احتاجيت شي اهلي موفرين كلشي الحمد لله