..
راحت حلا من يمي وقررت ادرس شوي
بس حرام اذا فهمت شي عيني بالكتاب وبالي بغير مكان هناك يمه٣ ايام مارحت للدوام اخاف اشوفه وماعرف شنو اكله
وبس داومت هو ما اجه ولا حجه وياي وكام يتصرف طبيعي واعتقد هذا لان ما جاوبته ماراح يضغط عليه
بس شفت ايناس سولفت الها كلشي
ايناس : طلع موو هين هالمنتظر بس تره مبين يحبج واني ملاحظه هالشي بس ماردت احجي
مريم : اي عيني ام الملاحظات هاي سوالفج مايعبرن عليه
ايناس : فشلت روحي ها..
مريم : كلشش هههههههههه
مرت ايام الدوام وتخرجنه وطبعا منتظر تخرج قبلنه وبعد ماشفناه ..
خلصت هالايام واحنه بين بغداد واربيل وماكو شي جديدبيوم جنت كاعده بالحديقه كلش هواي احب اكعد بيها اشم هوى واباوع للسما هنا راحه نفسيه
سمعت الباب الخارجي يندك ..
رحت فتحته وجان مجموعة من نسوان
اول ما فتحته جان حجت مره وياي
_عيني هذا بيت ابو
مريم : اي خاله تفضلي وصلتي
دخلتهن جوه وصحت لأمي تروح الهن ركضت لحلا وكتلها حتى تجي وياي نوكف وره الباب ونتسمع عليهن ...
الحجيه : هلا بيجن عيوني كل الهلا
وره ما قدمت الهم العصير_هلا بيج حبيبتي اني ام منتظر وجايه اطلب منكم بنيتكم لأبني
الحجيه : والنعم منكم والله بس لا صغرا بيكم منين تعرفونه اني اول مره اشوفكم
_ ولا اني اعرفكم بس ابني جان ويه بنتج بالجامعة ويريدها ، ابوه جان رايد اله بنت عمه وبكل صراحه اني ردتها اله
بس منتظر هواي لح عليه علمود بنتكم وصار فتره يقنع بيه يعني الولد شاريهاالحجيه : اهاا هلا بيكم يعيوني ان شاء الله خير اسأل اخونها ونسألها ونرجع الكم الجواب
بعدني جاي اسمع بسوالفهن وجرتني حلا للغرفه
حلا : ولج شفتي اجه وخطبج طلع يحبج صدك
مريم : اي والله شفتي شلون الحمدلله لان اني هم حبيته والله
شويه ودخلت امي علينه
الحجيه : مريم هذن النسوان من طرف منتظر وهو وياج بالجامعه انتي تعرفينه ؟؟
مريم وهي تباوع لحلا لان توترت : هاا لا يمه منين اعرفه اصلا ماعدنه واحد بشعبتنه اسمه منتظر
الحجيه : ماشي نشوف شنو تاليتها
صار الليل والكل متجمع ع العشه وامي خبرتهم بالسالفه
أنت تقرأ
تَــهَـشُـم
ChickLitروايــة عراقيــة حقيقية (مكتملة) ( كالزجاج تهشمت انا لكنني فعلت مثله وتمسكت ببعضي البعض ف انا لا اترك شتاتي يتناثر) مريم : شويه مر وكت ايناس تتصفح بأوراق الكتاب الي بيدها ولمحت ولد جاي بأتجاهي ابيض الشمس جانت تضرب بعيني شوي الا كدرت اميز هذا ع...