تَــهَـشُـم

البارت الثامن

بارت طويل تعويض ..😁😁

..

كاعده اباوع لنفسي بالمرايه وافكر واحجي وي روحي
شنو الشي الي يخلي ام تترك اطفالها بأيد وحده مثل نسرين..

ليش عافتني امي اكيد عدها سبب يخليها تعوفني نسيت حتى شكلها ملامحها شلونهن .. ابوي يكلي انتي تشبهين امج نفس العيون الخضر والشعر الذهبي حتى طولج كلشي ماخذته منها ...
تقربت من المرايه حيل .. ماما اني اشبهج يعني هذا وجهج كدامي
دمعت عيني ع كلمة ماما انحرمت منها ..اريد احظنها واشم ريحتها

سمعت نسرين تصيحلي مسحت دموعي ع سريع ورحت الها لان اذا اتأخر عليها شويه معناها احصل كتله رحت الها تريد انظف مواعين بناتها اكلن وخلنهن وصخات

.... عمري بهالوكت جان بين ال ١٤_١٥ اغسل بالمواعين وجاي اتذكر الي صار الي بهذيج الفتره من تركتني امي اني وعمر

عشت وي نسرين سوتني خدامه الها الطبخ والتنظيف والماعين كلهن عليه تستحقرني كدام خواتي (بناتها اسراء وايه وحنين واخوهن الجبير محمد )
طبعا بناتها شكلهن مقزز صراحه يخوفن وابد مو حلوات ويشبهن امهن عكسي تماما ولهالسبب جانن يغارن مني ويضربني وماكدر احجي وياهن بكلمه وحده لان نسرين جانت تضربني

رحت الها وجنه مبدلات نروح للمدرسه اول يوم دوام جنت اني بالثاني الابتدائي
كعدتني بالكاع ولبست بناتها احذيتهن

وخلت رجلهن بحظني وتكلي يلا مسحي الحذاء وحده وره الثانيه ..كمت ابجي بحركه طفل ع ملابسه جديده اول مره يلبسهن توصخن من اثر الاحذيه ..بس ماكدرت احجي شي ولا ادافع عن نفسي

اخوي عمر جان طول الوكت بره يضوج من نسرين ومايتحمل حجايه منها لان كبر محد يتحمل الاهانه بش اني جنت محتاجته يمي يدافع عني ..

راحن البنات مسحت ملابسي قبل دموعي اريدهن يرجعن مثل قبل نظيفات

كتلها ماما ملابسي صارت وصخه

نسرين : عادي انتي وصخه اصلا مثل امج محد راح يعتب عليج ويلا ولي من وجهي
.. دفعتني لبره ضليت طول الطريق امسح بصدريتي لحد ما تنظفت بس مو مثل اول

جانت نسرين تكعدني كدامها وتقهر بيه واني طفله عمري مايتجاوز ال ٨ سنوات

امج ذبتج بالشارع واحنه اخذناج خدامه يعني انتي مو بتنه

امج ماتحبج لو تحبج جان سوت وياج مثل ما اسوي وي اطفالي

امج تحب بناتها التوأم ماتحبكم انتي واخوج لان مو حلوين ماتريدكم تكرهكم
وتكرص بيه وتضربني ع راسي وتمشع شعري وساده حلكي حتة مايطلع صوت

حطمت طفولتي كمت اكره امي احقد عليها وابجي بحركة كلب ... بس شويه وارجع ابجي واكول اريد ماما ..ماما تعالي مشطي شعري ..