..
اجه يوم عرسي هاليوم الي كل بنيه تتمنى ينقلها لحياة حلوه وي شخص اختارته وحبته وتصير عائلتها كلشي بحياتهاطلعنه من الصبح اني وحلا للصالون زلغوني تزلغ ههههه
حلا : لج مريم طلعلج جلد جديد
مريم : ولج صلخن وجهي هو هيج
حلا : غير عروس لعد شتردين
بدت البنيه تسوي بالتسريحه اول شي وطلعت كلش حلوه وجان نازل مديل الميش للشعر والكذله القصيره
بعدها بدت تخليلي مكياج وطلبت منها تخليلي شي خفيف وحلو ماريد هوسه مايطلع حلو عليه
كملنه الظهر لبست بدلة العرس البيضة وجانت منفوشه وحلا لبست فستان بسيط لونه نيلي وسوت تسريحه بسيطه حيل مجرد برمت الها شعرها
اتصلنه على علي يجي ياخذنه شويه و اجه وصلى على محمد اول ماشافنه واحس دمعت عينه ...
كوه دخلت للسياره البدله جانت حيل ضخمه وحتى مكان مابقه لحلا تكعد يمي كعدت يم علي كدام
دخلت للبيت وهلاهل من كل مكان وامي تقره المعوذات عن الحسد حطو بأيدي قرآن وهيل وشكر ماعرف ليش بس هاي سوالف العجايز ايدي كوه سادتها منهن
كعدنه شوي وسمعنه هوسه بره واصوات عاليه وطبل ... اجت الزفه
طلعوني للحديقه سلمت ع امي وحلا والبنات والدموع تجري حتى المكياج خرب كله والكحله نزلت
صلحو وجه الباندا الي جنت بي ومسحو الكحله النازله ورحت لعلي
علي : الله يهنيج ياغاليه اي شي تحتاجينه اخوج موجود وبيت اهلج مفتوح الج بأي وكت
مريم : الله لا يحرمني منكم ويخليكم الي
باسني ع راسي والبنات تصيح يمعود لاتبجيها مو المكياج تدمرضحكنه واخذني علي من ايدي ووكفنه بنص الحديقه
ثواني ودخل منتظر و الضحكه ع وجهه
منتظر : كاعد من الصبح هوسه البيت كله ناس وتعبان من الحنه امس بس من اتذكر راح انجمع بالانسانه الي احبها يروح مني كل التعب غسلت وبدلت وطلعت النسوان صارن بوجهي شي هلهلن شي كلبن وجههن ومن ضمنهم
امي ونسرينماهتميت سلمت على عماتي والاقارب وطلعت يم اصدقائي
ماصدك يمته يجي العصر حته اروح واجيبها يمي ...
صارت ب٣ ونص كتلهم يلا وصوهن يستعجلن تره مو هن العرايس من الصبح يلبخن بالوجه صارت ب٤ ونص اجن السيارات الي جنه مأجريهن
طلعن النسوان ورحنه الهم ....
دخلت وشفتها بأيد اخوها يربي تجنن طالعه عيونها يلمعن تقدمت سلمت على اخواها بستها براسها واخذتها منه ..
أنت تقرأ
تَــهَـشُـم
ChickLitروايــة عراقيــة حقيقية (مكتملة) ( كالزجاج تهشمت انا لكنني فعلت مثله وتمسكت ببعضي البعض ف انا لا اترك شتاتي يتناثر) مريم : شويه مر وكت ايناس تتصفح بأوراق الكتاب الي بيدها ولمحت ولد جاي بأتجاهي ابيض الشمس جانت تضرب بعيني شوي الا كدرت اميز هذا ع...