تَــهَـشُـم

البارت الثاني عشر

..
اني وعمر صعدنه بسيارته والباقي كل عائله اخذت سيارتها تقريبا ٣ سيارات صارن بس اني وعمر وحدنه وجانو مخلين كل الاغراض الي نحتاجها للطلعه ويانه بحيث السياره انترست جدوره  واني  كعدت وره يم الاغراض حتى. لا ينكلبن لو يصير شي لدولمة خالتي حلا تذبحني

مشغلين اغاني واني الفرحه ما سايعتني

وفجأه ماحسيت الا ضوه اصفر مال سياره تقرب علينه كلش صار بعيني وضربنه ..

ماحسيت ع شي بعدها

عمر : قررنه نطلع بهاليوم والكل مجهز نفسه اخذت سيارتي وبس همسه جانت وياي خلينه كل اغراض السفره وياي بالسياره وهمسه كعدت وره لان  تريد تكعد يم الجدوره حتى لا يتحركن

طلبت مني اشغل اغاني جانت فرحانه حيل وتباوع للشوارع من الجامه

ابتسمت على ابتسامتها واني اباوع عليها من المرايه الي كدامي ..

عبرنه التقاطع ماشفت غير سياره سريعه جايه باتجاهنه مالحكت اسوي شي وضربتنه

جانت الضربه بجهة همسه بالباب الخلفي
واني انضرب راسي بالجامه الي يمي بس مافقدت وعيي كدرت اكوم واروح الها بسرعه

نزلت واني راسي ينزف دم لان المرايه تفكرت وتهشم المكان الي صار بي الضربه

ركض عليها والناس كلها نزلت وياي الباب جان داخل لجوه السياره كد ما الضربه قويه يعني ما ينفتح

ثواني واجوا بيت خوالي كلهم يركضون علينه ..

احتاريت شلون اطلعها وتلفت اعصابي من التوتر ياربي لاتحرمني من اختي توني اشوفها تضحك ..

ركضت ع الباب الثاني فتحته بصعوبه وذبيت كل الاغراض بالكاع وسحبتها من ايدها وجانت فاقده الوعي بجيت واني اشوفها بالوضع ركضت لسيارة خالي مصطفى دخلتها حاولت اسوق السياره بس ماكدرت راسي كلش يأذيني والدم يجري ع عيوني نزلت بسرعه وصحت لخالي يجي يسوق

ركضنه بيها للطوارئ استقبلونه للمرضين بسرعه خلوها ع السديه ودخلوها لغرفة العمليات بأمر من الدكتور

واني خالي اصر عليه يعالجون راسي خاف بي شي وبالفعل جان يأذيني

عقمه الي الممرض ولفه الي بالباندج كال راسك بي جروح بس مو خطره لازم دوم تتعقم ويتغير الباندج الي عليها   واخذت كم حبايه للصداع وطلعت انتظر الدكتور يطمنه

طولوا هواي جوه بعد كم ساعه طلع الدكتور وكال حالتها خطره كلش وفاقده وعيها يمكن غيبوبه صايره عدها لان الضربه ع راسها صايره وعدها كسر بأيدها ..

٣ ايام واحنه مثل الدوام صار عدنه بالمستشفى واحد يروح واحد يرجع

فتحت عيونها وجانت عطشانه ركضت اجيب الها ماي