تَــهَـشُـم

البارت السابع

..
منتظر : مريم ابوي جاي يلح عليه  يريدني اتزوج  نسرين  ..

مريم : شنوو وهو ابوك شله علاقه يعني..
منو مشتكيله الحال ..!!!!

منتظر : شهل حجي مريم هسه شنو شفتيني وافقت
مريم : منتظر لا تسمع اله ماقصرت وياك بشي لا تكسرني هيج
منتظر : مريومه تعبت من ابوي والملحه مالته وتره الرجاال الشرع محلل اله اربعه

مريم : وانتن بس هاي الي تعرفوها من الشرع

منتظر : ههههه يابه نعرف الشرع .. واني ماريد غيرج لا تفكرين بالموضوع وتضوجين روحج

مريم : الله كريم ..

* بداخلي جنت اغلي ليش اهله جاي يدخلون بحياتنه واني شنو سويت الهم متحملتهم سنين وساكته من طلعت منهم هم ما فكيت روحي من اذيتهم ..
وما مكتوبلي اخلص منها

بيوم توني راجعه من الشغل .. كلهم كاعدين بالهول منتظر والجهال بوستهم ورحت اسويلهم غدا ..كعدنه ناكل بس عمر جان كلش نحس وما يقبل يااكل وبس يبجي

وره الغدا كلت اروح اوكل عمر لان كلشي ما اكل اليوم

مريم : تعال حبيبي عمور يلا اكل حتى تكبر وتصير بطل قوي
*
طبعا عمر جان عمره ٣ سنوات ونص يعني يحجي وحجايته مفهومه

كال جمله ما طلعتها من راسي ..
عمر : ما اريدج اريد ماما نسرين

مريم : ماما نسرين شنوو اني امك ماعندك غير ماما مريم
عمر : هي كالت ماما نسرين تجيبلي حلوويات هوواي بكد السمااا ويأشر بأيده

مريم : تعال حبيبي يمته كالت الك هيج
عمر : الثبح اجت هي حلوه عدها جليته (جكليته)

وكلته واني كاعده ع نار طفل مستحيل يعرف يجذب هيج ...

رحت لمنتظر ..
مريم : منو اجه النه اليوم
منتظر : منوو
مريم : اني سألتك منو ..
منتظر : شبيج تصيحين منو اجه
مريم : يعني نسرين ما اجتت.. !

منتظر : اي اجت سألت عنج كلت الها بالشغل وراحت ..

مريم : اي صحيح تسأل عني مو اني وياها علاقتنه كلش حلوه خلي اشغل بخور وحرمل لا ننحسد  والله يا الله تسأل عني ، وشنو كايلين لعمر كول ماما نسرين ..

منتظر : شبيك هالكد مكبره الموضوع انتي محد كايل لعمر شي تصدكين بالطفل ومخليه عقلج وي عقله  ..
لا والله مريم عود صدك تحجين تصدكين بكلام عمر

مريم : ماصدكت بس ردت اتأكد وهسه تأكدت

ماحجيت شي بعد حتى لا افضح روحي وابين اله انو اني ممصدكه حرف من الي كاله وهسه راح ياخذ حذره اكثر بعد سؤالي الي اففففف  لازم اتأكد بس شلوووون راح اتأكد شلون....؟؟

......

ثاني يوم الصبح تصرفت طبيعي مثل كل يوم بدلت ملابس الشغل وبوست الجهال وسلمت ع منتظر وكتله طالعه وهو نايم طبعا كوه فتح عيونه .هذا الروتين كل يوم يصير ..