تَــهَـشُـم

البارت الخامس عشر

..طبعا بنات قبل كلشي كلش كلش اسفه ع التأخير بس عندي امتحانات و تقارير. وبحوث ابقه للصبح اسوي بيهن يعني ابد ماعندي مجال اتمنى تعذروني ..

نرجع للبارت ......

ببغداد ..

اخذت رقم علي من عمر واتصلت بي والعبره خانكتني
ترددت بالبداية بس بعدين تشجعت وكلت هذا كله لخاطر اخوي

اتصلت عليه اول مره مارد عليه
رجعت اتصلت فتح الخط

علي : الو منو وياي !!

همسه : هاي انه همسه

علي : هلا همسه شلونج شعجب متصله بيه والله مشتاقلج كلش

همسه : عوفك من كل هالحجي عندي موضوع اريد احجي وياك بي

علي : همسه شصاير شبي صوتج يرجف

همسه: علي طلكني اني ماريدك

علي: شنوو شنوو ماسمعت زين عيدي بله شكلتي

همسه : طلكني علي لشوكت تريد تربطني بيك واني مااحبك ولا بيوم فكرت بيك ك زوج الي او حبيب

علي : انتي شجاي تخرطين شنو هذا الحجي جديد !! وينها الي هذاك اليوم تشهك وهي تسمع صوتي

......هاا احجي شبيج شو سكتي هسه

همسه : علي هالحجي مايفيد اني قبلت بيك لخاطر مصلحتي وياك وهي تخلصني من نسرين واني هسه حره ونسرين مالها اي علاقه بيه وعايشه احسن عيشه يعني ماربطني بيك شي غير المصلحه وهسه خلصت مصلحتي وياك ف رجاءا طلكني وخلصني منك

علي : وووولج همسه تسكتين لا اجي افلش سنونج بحلكج تره جاي تفصمين هواي وهو مو صوجج صوج الي ساكتلج لهسه وما كسر راسج ع هذا الحجي

همسه : اوكف اوكف تعال قبل لا تروح طلكني ياخي اني احب غير واحد ماحبك فهمت لو اعيد ها وترى وهو اجه خطبني واني موووووافقه ليش توكف كدام حبي ليش طلكني وكلشي ماريد منك بعد

علي : هيج الحجي مو همسه اني اعلمج انتي طالك ماتشرف بهيج شكولات و تدخل لبيتي وحده ادبسزز مثلج

همسه : هاي هيه روح رحم الله والديك

سديته منه وكعدت متت من البجي شلون سويت بي هيج شلون ياربي ريحني مو بعد ماتحمل اخسر شخص احبه بعد سامحني علي والله مو بيدي مجبوره سويت هيج

قبل اسبوعين ....

......

جنت كاعده يم البنات نسولف فجأه سمعنه صوت خاله حلا تصرخ

رحنه الها بسرعه نريد نفهم منها شصاير كلشي مافهمت منها تبجي وتصرخ وتكول راح عمر مني راح الغالي

اني متت اريد افهم شصاير بأخوي وهي مجاي تنطينه شي نكدر نفهم منها بس تصرخ

ركضت عليها كضيت وجهها بأيدي وكتلها وكلت الها