تَــهَـشُـم

البارت الثالث

مريم : من سمعته يكول اسمي ماترددت بسؤالي اله

منو انته ومنين تعرف اسمي وشتريد

منتظر : اني منتظر ماعرفتوني

ايناس : لا مانعرفك اخي انته منو ومنين تعرف اسمائنه ...؟

منتظر : انتي ماعرف اسمج اعرف بس اسم هالحلوه

ايناس : لا انته مبين مو مال واحد ينطيك وجه الحمد لله والشكر شنو هالشكولات هاي

مريم : واكفه واسمعهم وما رديت بشي ووهالشي غريب شلون ما وكفته عند حده من كال عليه حلوه

كسرت صمتي .. اخي شرايد من الاخير تره ورانه محاضرة .

منتظر : اول شي كلت الكم اني منتظر اما منين اعرف اسمج ف بالصدفه عرفته وشنو اريد
اممم عندي شي يخصج واريد ارجعه الج تعالن اعزمجن على شي واكللكم كل السالفه

ايناس بأستهزاء : دمشي مريم امشي هذا مبين واحد فارغ وماعنده شغل وعمل

مريم : مادري ليش مجنت اريد اروح من يمه شعور غريب ليش ما جاوبته بأسلوب حاد
مدت ايناس ايدها ع ايدي ومشت مشيت وياها

منتظر : ميهمني روحوا بس ع فكره غراضج عندي مريم

مريم : رجعت بسرعه وحطيت عيني بعينه... ياا غراض شبيك انته

منتظر : اعصابج تعالو نكعد واحجيلكم

ايناس : امرنا لله كول شكو

منتظر : ثواني واجليكم

ايناس : هذا شبي شنو جاي يلعب علينه يكعدنه هنا ويعوفنه ويروح امشي مريم ما مرتاحه اله شكله مو راحه

مريم : والله مادري ياغراض هذن ، تدرين شلون امشي نروح لقاعتنه احسن

بس كمنه من الكراسي اجه شبه يركض كد ما مشيته سريعه

وشايل بأيده جنطتي وكتابي الي مابقه مكان ما دورته بي

ضليت مصدومه واني اباوع بعينه الي وماكدرت اشيل عيني عنه شكلهم كلش حلو

اخذتهن منه وتشكرته وطلعنه من الكافتيريا بس ضليت حايره منو هذا
ومنين جاب الكتاب وشلون صار عنده..!!

ايناس : بعد لا تحجين وياه مريم شو ما ارتاحيت اله ابد

مريم : اي قابل محاجيته اني ياعيني

ايناس : قبل شوي تردين حق بطنج اففف اني هم جنت جوعانه بس مراح ارجع للكافيريا وهو بيها

مريم : ههههههههه ولا تبطلين من سوالفج

مشت الايام وتكررت لقائاتنه وي منتظر
وعرفنه انو هو نفسه صاحب الصوت العالي الي كعدنه يمه بيوم وفاة ابوي

ايناس الي جانت ما طايقه تسمع صوته
صارت تستمع بالكعده وياه لان بصراحه هو شخصيه كلش مرحه وحباب