تَــهَـشُـم

البارت العاشر

..

تقربوا مني .. غمضت عيوني ماريد اشوف احد منهم اسمع واحد صوته خشن يحجي وي الباقين وصووتهم قريب مني

- وين راحت هاي ولكم زعطوطه ماكدرتوا عليهاا

- غير انهزمت بس شافتنه مالحكنه عليها احسن شي نوصل خبر لنسرين

- انته شكد غبي شنو نكلها رجاجيل كل واحد شطوله ماكدرنه ع هاي الطفله

-يلا امشي خ نرجع وباجر نشوفها قابل وين تروح المنطقه مكطوعه عن المدينه ودنيه ظلمه .

-يلا امشي الفجر نطلع ندور عليها

......

تبعدوا شويه عني من خوفي ركضت بسرعه وجانت الكاع كلها اوراق شجر وحشيش ف طلع صوت حسيت نفسي تورطت لازم اكمل ركض

-ولكك الحك هذيج هي ..

ركضت بسرعه بس ماجنت اركض بطريق مستقيم كل شوي اغير اتجاهي شفتهم راحو لغير اتجاه .. وكفت وره نخله اخذ نفس هاي اللحظات لازم استجمع قوتي بيها مستحيل اخلي نسرين تمشي الي براسها ...

اخذت نفس واخذت اتجاه مختلف عن الي هم راحو بي بقيت امشي بخوف وما اريد يطلع مني اي صوت اخاف يرجعون واني مابيه حيل اركض بعد..

ضليت امشي لفتره طويله متت تعب وبده البستان يخلص والاشجار تقل
مشيت شوي وميته تعب وعطشانه حيل

ماحسيت ع نفسي الا واني بنص ساحه جبيره حيل والاشجار بيها كلها مرتبه ومزينه ع اشكال مختلفه ..

واكو كومه حرس واكفين كدام بيت جبير كلش ..لا والله موو بيت قلعه تجنن واكثر الي موجودين لابسين دشاديش وعدهم اسلحه

خفت منهم وردت اركض خفت لا يطلعون نفسهم الي شفتهم بهذاك البيت

بس ماكدرت لحكوني واجه واحد بأتجاهي طويل وضخم وسلاحه بأيده

_منو انتي وشجابج هناا..

همسه بصوت متقطع : شترردون مني
اخذني الولد وياه وكال لا تخافين تعالي ..

دخلت وياه ميته خوف بس ماعندي اي طاقه اكدر انهزم بيها من عدهم وهم هواي وعدهم اسلحه

..دخلت للجنه مو بيت الحايط لونه بيجي ومزخرف بكل متر منه اكو رسمه وزخرفه احلى من الي يمها..

حديقه جبيره حيل تعادل خمسه بيوت مثل بيتنه امشي وياه لحد ما وصلنه لباب جبير فتحه دخل قبلي وصاح بصوت عالي ع شخص اسمه صراع ..

ضليت واكفه بالباب..دقايق ونزل ولد ابيض وشكله كلش حلو حجو سوه

صكر: هاي البنيه لكيتها يم بيتنه يمكن تايهه

صراع : وين تايهه وهنا مزارع وبساتين تعالي بويه احجيلنه شنهي سالفتج .

رحت والجان الكل كاعد ع تخم قنفات يجنن مال ملوك عيوني ماثبتت بمكان واحد اريدهن يشوفهن هالجمال كله ..